老，但不廢：《未來戰士：創世智能》（無劇透）

245141525

啱啱睇完返屋企，遲係遲啲，好多人都睇晒，不過都忍唔住想講幾句。

先講吓T3、T4，其實都覺唔錯，算係有紋有路，由於情意結關係，合格有餘。

但睇完T5之後，又發覺T3、T4可有可無，因為劇情又返返去T1嘅時空開始過。
初頭以為只係"回到未來"式，玩吓時間線，但原來一啲都唔馬虎，頭半段更加令我有啲唞唔到氣，充斥住T1嘅場景、熟悉嘅經典對白，特別睇得興奮，尤其老版T800突然出現，直頭有啲毛管戙，爭啲感動到想喊。
真至John變為奸角嘅轉變，開始覺得有啲突破，但講唔出好定唔好？
最後T800同John同sky net同歸於盡，其實可以大團圓結局，但一早透露咗係三部曲，所以例牌埋下伏線。
T800返生、sky net死唔晒，劇情發展成點無人知？
有啲期待又有啲擔心，希望唔好爛尾收場。

另外特別想提一提嘅係Detective O'Brien，個人覺得喺今集入面有啲畫龍點睛嘅感覺，可惜係換咗人演，否則更加精彩，但好在J. K. Simmons都入型入格。

彩蛋方面真係可有可無，因為T800無死出返嚟，已經係一個好大嘅彩蛋～
XD

可能有啲人覺得今集麻麻，但如果你鍾意T1、T2，今集相信你都會喜歡。

alleelarry

245141525 發表於 2015-7-17 01:15
啱啱睇完返屋企，遲係遲啲，好多人都睇晒，不過都忍唔住想講幾句。

先講吓T3、T4，其實都覺唔錯，算係有紋 ...

最後揀左邊間戲院睇？

呢一集的確帶比T1同T2既粉絲好多回憶，同時又怕三部曲是壞不是好

245141525

alleelarry 發表於 2015-7-17 08:49
最後揀左邊間戲院睇？

呢一集的確帶比T1同T2既粉絲好多回憶，同時又怕三部曲是壞不是好  ...

或者喺度都講講。

原本諗住去星影會VIP院睇Atmos嘅，點知老婆話睇3D會頭暈，結果Atmos泡湯……
跟進諗住搵D-BOX睇啦，點知D-BOX嘅戲院又鬼咁隔涉……
最後唯有貪方便，去咗又一城嘅AMC
DD7.1，好過無啦……

alleelarry

245141525 發表於 2015-7-17 10:48
或者喺度都講講。

原本諗住去星影會VIP院睇Atmos嘅，點知老婆話睇3D會頭暈，結果Atmos泡湯…… ...

出碟再係屋企爆過啦！

and1888

我昨天已經睇咗, 唔錯都幾好睇.動作場面好刺激

kh22

終於昨天看了,之前重溫了T1,2,3才去,看得比較有趣味性,因為T1實在太耐之前看了,好像是八幾年在影都看的,當時十分有新鮮感,現在將當時場面和情節重現,十分過癮。
全片仍有幾多疑問未開故,不過都是要特出阿洛(T800) old, but not obsolete, 最後仲要 upgrade 埋, 我睇2D, 覺得特技和動作都佷高水準,劇情都幾緊湊,縂算沒有令我失望,如果下集仍保持水準,就睇下點樣解畫。

alleelarry

kh22 發表於 2015-7-30 00:44
終於昨天看了,之前重溫了T1,2,3才去,看得比較有趣味性,因為T1實在太耐之前看了,好像是八幾年在影都看的,當 ...

的確重溫舊作才看比較有味道，無睇第四集係正確的，因為反駁位就會多左

kh22

我有T1,T2 DVD, T3剛剛上週明珠台重播,T4以前都睇過,但吾記得講乜。

alleelarry

kh22 發表於 2015-7-30 14:53
我有T1,T2 DVD, T3剛剛上週明珠台重播,T4以前都睇過,但吾記得講乜。

T4早排係收費電影播完又播，剛好睇到就發現有反駁位……，就當成是「外傳」！