請教制作紫銅線

李雲迪

紫銅喇叭線 係睇戲定聽歌用?

halfnew

紫銅喇叭線，聽歌睇戲兩用，同电源線一樣，先在大陸的cheap cheap 系統煲煉，對手是bleden 8471 double run, 對手不強，係咁差的系統可聽出紫銅勝，較傳真及立體。

Round 2 返香港，超越级挑戰 jmr 1132 double run, 推大摩的 jas audio orior grand, 题外話，這喇叭實在出色抵玩，鋁帶高音加陶瓷低音座地，啱口味的話同價無敵，親手大摩後簡直愛死它，結果容後再談，因要開工了。

Alman

halfnew 發表於 2015-7-20 11:31
紫銅喇叭線，聽歌睇戲兩用，同电源線一樣，先在大陸的cheap cheap 系統煲煉，對手是bleden 8471 double run ...

正! 請繼續分享

halfnew

Alman 發表於 2015-7-20 12:21
正! 請繼續分享

Alman 兄唔好玩啦，你D報告先正，我D只係小兒科，今次比試結果，跟ching 最近個比試一樣，紫銅敗陣下來。

先講睇戲，因只負責前置，我覺得沒有問题，但話说回來睇戲用1132 又唔覺有咩特別。

到正式聽歌，為求準確，左邊插1132 double run , 右邊插2mm double run, 一開聲覺得聲音比較硬，但立體感出色不被比下去，低音些微比1132 量多及有力，但高音則去得無咁盡，少了最高的一浸，不夠通透，亦沒那麼圆滑，音樂感少了，如果普通聽歌不刻意比較一般分别不是太遠，聲音取向不同及聽少了点東西，但實在有一個疑問，比多咁多錢值得嗎？

為求確知取向所以聽了很多歌，鄧麗君，Nat King Cole, Mimi Lo, 達明一派，some operas, new world, swan lake, Mozart K525........ 終於出事了，當我聽到Four Seasons 時，平時優美的小提琴聲變得很炒耳，好似鬥交咁，即時換回 1132, 即刻舒服晒，美感重現，细緻度win 晒，正式宣布 1132 勝出！

1132 double run 幾百蚊呎，試咗咁耐紫銅才正式certified, 究竟值唔值呢？我只可以話我會揀1132, 唔好叫我走回頭路。而紫銅敗陣亦可以有很多可能性，例如会否太粗不合做喇叭線？織法問题？不同插頭？應加銀？1132 真係好勁？唔夾我套系统？真的太多可能性了，暫不想深究，還是弄多点溝銀电源線及試下做rca 線好過。

Alman

halfnew 發表於 2015-7-21 23:22
Alman 兄唔好玩啦，你D報告先正，我D只係小兒科，今次比試結果，跟ching 最近個比試一樣，紫銅敗陣下來。 ...

多謝分享。 halfnew兄客氣了, 大家交流, 互相切磋

小弟先前重整 Neotech 線再鬥 紫銅喇叭線, 實 以 DIY 對 DIY, 未試過用廠線去比紫銅.  紫銅好似成為眾矢之的, 這是好事, 因不斷鑽研才好玩 .  Neotech線 用不同 UPOCC 線, 加埋共要 約 3,000 港幣一對, 比起紫銅實貴好多. 所以比試是大蝦細. 亦不會因此結果而否定紫銅的聲效. halfnew 兄的貴價廠線比底紫銅, 有此結果亦正常也.

此外, halfnew兄用 2mm double run 紫銅, 會有幾大 awg? 小弟覺得 喇叭線要粗， 但只用一兩支單組成一極， 則可能影響高頻。  紫銅的高音絕不弱， 但如無了一截， 可能與此有關。以上所提的 Neotech 與 紫銅比較， 紫銅的高頻沒怎比不上Neotech。

紫銅平靚正， 但亦有其極限。 可能要借助外援， 所以， 小弟打算把紫銅喇叭線加銀。。。。

KING

Alman 發表於 2015-7-22 12:03
多謝分享。 halfnew兄客氣了, 大家交流, 互相切磋

小弟先前重整 Neotech 線再鬥 紫銅喇叭線,  ...

絕對同意!喇叭線最好用幼線多芯做一極，2mm線芯太粗仲要打孖行，影響左高音同細緻!
個人建議最好用0.5~1mm左右線芯，多條"橋"埋做一組做喇叭線，加條銀線就更加如虎添翼!

manblood

Alman 發表於 2015-7-22 12:03
多謝分享。 halfnew兄客氣了, 大家交流, 互相切磋

小弟先前重整 Neotech 線再鬥 紫銅喇叭線,  ...

正解，我對bi-wire煲左一排，始終太過硬橋硬馬，，，一於再試下溝線同加銀先得{:9_409:}
(Post76 Android 手機版送出)

manblood

Alman 發表於 2015-7-22 12:03
多謝分享。 halfnew兄客氣了, 大家交流, 互相切磋

小弟先前重整 Neotech 線再鬥 紫銅喇叭線,  ...

銀好貴下，加幾多好呢？加幾粗呢？，，，，alman兄有乜諗頭？
(Post76 Android 手機版送出)

halfnew

我亦聽過别人说喇叭線幼才有利高音，粗有利低音，所以粗幼並重最好，我並未做過實驗不知其真偽，但今次經驗又付合其説法，2mm 直徑即3.14mm2, double run 即6.28mm2, 大约是awg 9-10.

orior grand 雖然係一對好喇叭，但亦有其利弊，原裝比較乾薄，買時試過用貴價銀線，不知是渡銀還是纯銀，但感覺刺耳，反不及較平價的銅線; 內接線用的是過百元一呎的渡銀線，亦遠不及平很多的 Tara lab 8n sc.

另外jmr 1132 價格真的貴很多，我是diy 的，用上 furutech fp-201r 要成約七千，紫銅手上只有較平價的型号，好似是fp-200g, 整體比不上亦無話可説。

halfnew

我唔係否定紫铜喇叭線，只是电源線给我的驚喜更大，RCA 線又未試過先，所以慢慢先玩，再玩時会先比較我條中置的SFH