家訪自稱新手的法國惡魔掘金系！

HenryHou1 · 發表於 2015-6-18 11:36

小弟自問無咩料到，唯有去聽多啲嘢去增長見聞

自從上年認識咗小丑兄之後，一直都想去聽下佢既金仔西裝

而佢入咗Focal Diablo之後就梗加忍唔住要見識見識啦
家訪啦，重講！相就睇呢度啦，無謂重覆
http://post76.hk/forum.php?mod=r ... 8&fromuid=35398
嘩，最近佢真係好多搞作，又馬仔純前又foundation rack，吓連中置都換埋Focal?佢話R中置唔夾喎，我只講咗句"哦..."而心諗"咩料，我係咪應該反省下點解咁窮......"

滿心期待住一開聲應該驚為天人啦，咦，怪怪地，可能新開機未熱身卦，但走埋去望一望，喂，喇叭線方向掉轉咗喎，細問之下，佢話之前換rack甩過晒啲線可能插返插錯咗
無計啦，唯有再搞過，順便幫對線換返义插
但條線原來之前一扯之下個屏蔽甩咗，露出線芯成幾吋喎，好傷，睇嚟真係要搵人整整佢好喎

梳化後面見到有隻驅蟲器，我隻耳仔埋去聽到weewee聲喎，唔好話蟲呀，連馬騮仔我都想行開啦，不如甩咗佢啦
再睇睇，居然俾小弟見到power line插喺socket上﹖(power line係用電傳網絡，都甩咗佢啦，好重電波干擾架，聽人講用親呢啲無個好聲)
好，甩咗啲無謂嘢，再幫手擺下個喇叭個位，終於出到好聽既音色喇

其實係家訪之前，好多人(包括小弟)心目中都有個疑問，到底金仔夾唔夾Focal架﹖似乎有啲性格重疊既嫌疑喎﹖咁出嚟既聲會唔會唔夾唔平衡呢﹖
但唔係喎，聽感無咩大問題，只要喺線上配合一下再將喇叭推埋牆少少就可以出到正常既厚度喇
聲音方面，金仔既甜美音色完全係Focal喇叭上表現到出嚟

鈹高音果然係鈹高音，details好出，聽現場錄音好直接好live，而中低音十分之夠punch亦見埋身過癮，正！{:9_426:}
相信好多人都知道小丑兄係一個識用電腦但完全唔識玩CAS，咁小弟梗係唔會浪費呢個機會去毒人玩CAS啦

好，等我攞個自家streamer出嚟，駁上金仔做解碼，自己部機由於非常易用，不用10分鐘就出到聲啦，又播手指又播Tidal咁啦
小丑兄聽完啲聲音就梗係.............不用我多言啦

再試AV，嘩Sony 4K電視呀(佢重要係初出4K嗰時買，香港真係多有錢佬架啫)

睇咗隻夜神起義，正！
不過原來佢無用過校機碟去調校，咁買返隻看門口係一定無錯既，而供電方面亦有進步空間啊(例如換fuse或拖板之類)
AV聲音方面，馬仔純前加後級重有JL113就梗係架勢啦，但個人感覺可以可以調校得再威猛啲，系統應該重有大把貨可以出，唔洗咁就住佢錫住佢喎，睇到呢度應該大把師兄想幫拖啦！{:9_436:}
玩咗半日，好開心哦，多謝小丑兄招呼啊！{:9_410:}
多謝收看！