[少量劇透]《侏羅紀世界》︰不過不失嘅大片

粗人敵卡 · 發表於 2015-6-14 14:46

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

尋日約齊一班中學同學去睇呢套Jurassic World，小弟其實淨係完完整整咁睇咗第一集，其他集數都無乜點睇過…不過都無損觀看嘅興致。全片某些情節依家諗番都相當幽默，好似開頭close up雀仔腳爪令人以為係恐龍腳爪，老豆喺主角兩人去Jurassic World公園調侃講最後早餐等等。

基本上套戲都算無乜冷場，輕輕鬆鬆度過兩個鐘。

可惜今次套戲似乎有少少用偏咗力度，令小弟只係集中班演員嘅風趣對白，反而兇王龍等恐龍表現相當平平庸庸，沒有令人驚喜的地方。戲中有一幕兇王龍愚弄工作人員令小弟以為往後情節會係兇王龍同班公園保安玩「智力戰」，但兇王龍走出禁區後，劇情開始依循之前公式。另外速龍立場轉變有少少讓小弟無所適從，可能係導演情節安排方面未夠好。額外提提公園出現意外後，一眾演員嘅行為為電影作點綴作用，保安想借此機會證實速龍可以用於軍事用途，公園老闆與研究人員口角等等，惹人深思。

總括而言，電影娛樂性十足，對劇情唔太挑剔嘅話，呢套值得一睇。