《侏羅紀世界》-觀後感, 好少劇透！

CMH969

引言：我之同舊同學呻"地震"唔好睇, 跟住佢叫我應該睇E套呀, 所以, 臨離港前不如最後一擊, 今早入場！因為又要平又要盡用時間, 最近的只有3D普通版比我選, 冇計！(3D早場$60, 2D正場$75. 無言！)

結果, 花了124分鐘....

1) 故事: 唔講啦！不過各師兄入場睇, 一面睇, 一面又比你估到跟住想點, 又是公式劇！點解呢期D大片一定要放對對父母都在攪離婚？難度冇橋？而且有文戲比例多左！前一個鐘有D...

2) 主角: 男女主角大家都知道佢係邊過！加多兩個中小朋友, 只是間唔中有D笑位(我覺得係幾好笑！). 中間規矩啦！

3) 特技: 好似冇特別！各種龍的設計都同以前見過的想似(如"金剛" 等等！), 令次多左水內的恐龍, 冇咁平凡, 佢都算重點之一！

4) 3D: 可以我睇E間戲院的3D麻麻, 雖然覺得應該是用3D機指, 但當我戴左眼鏡後, 都唔太覺明顯, 反而字幕比較明顯。各師兄如果有時間又想入場, 找間好D戲院睇啦！

5) 亮點: a) 雖然套片改為 "Jurassic World", 以為同之前3集無關, 但今集原來是繼續落的. 只是......; b) 留意最尾的高潮, 雖然都就搵戲來做, 但打得幾過癮, 可以形容係"劉關張決鬥曹操"; c) 電影最後一幕, 個人感覺好攪笑, 我即時幫牠配上旁白 "I am the King of Dinosaur. Waooooooooo).

總結, 第三集與E集想差有咁耐, 吸引力應該都好大(我睇E場都好Full！). 但個人只是覺得中規中矩啦！但總比地震好！

希望往後有機會再寫觀後感啦！再見！

mike384

睇左, 結果都係離唔開吼吼吼隻, 同鬼鬼祟祟個隻~
我事先冇留意資料, 入場後先見到主角原來係佢, GUARDIAN OF GALAXY的STAR LORD, 估唔到呢套都重可以搞到笑, 又OK WOR!!
另外今次加入了D軍事元素, 不過有D兒戲, 算啦, 睇戲唔駁戲, 整體上都有娛樂性, 如果話要係地震同佢揀一套, 我會揀呢套, 起碼個題材少見D吖.
樓主有樣講得好, 點解套套的大人都要離婚, 我都唔明, 可能係為了方便D小朋友, 等佢地更容易接受身邊的大人離婚啩.
對於呢類過山車電影的故事其實真係冇要求了, 咩叫過山車電影?
-->上天下海, 幾驚險都好, 車上的人(主角)一定會冇事落返黎, HAPPY END~~~

alleelarry

版主係了解過拍攝器材後，決定星期天到機場IMAX睇，又無揀錯就睇完至知嘞！

CMH969版友，離港是去玩還是公幹？

plam

呢套應該係4dx 定imax 好呢？？？？
(Post76 Android 手機版送出)

HenryYuan

IMAX 3D 畫面非常震撼, 完美展現森林環境, 恐龍巨大身驅, (除左小量人物有時頭細身大鏡頭), IMAX 音效絕對威猛, 恐龍叫聲非常過癮, Moko IMAX  音效恨勁有力, 快速, 動態威猛無比, 恐龍叫聲好有壓迫力
另外; 銀幕白淨無黑痕..... 一讚,   3D效果不求誇張飛出畫面之低層次, 3D 效果流暢, 景深控制良好, 完全無睇到頭雲眼花, 恐龍黑夜快速走動都非常清晰立體... very Good 大人細路都啱睇

2015年睇過幾套 IMAX 戲, 呢套係最好音效, 恐龍音效比 FF7 引擎音效更威猛, 過癮

freestylemen

多謝ching分享，俾未睇的朋友多一份參考，例如我，對於泛濫的3d已經怕怕，價錢又差得遠
對於劇情我就唔太注重了，感覺好難再有新意，反而想爆米花，緊張刺激唔駛諗野，輕鬆消閒

unclehing

Thanks for sharing.

CMH969

alleelarry 發表於 2015-6-13 09:29
版主係了解過拍攝器材後，決定星期天到機場IMAX睇，又無揀錯就睇完至知嘞！

CMH969版友，離港是去玩還是公 ...

ching, 我係要返去阿美尼加...報到啊！

CMH969

mike384 發表於 2015-6-13 09:11
睇左, 結果都係離唔開吼吼吼隻, 同鬼鬼祟祟個隻~
我事先冇留意資料, 入場後先見到主角原來係佢, GUARDIAN O ...

mike384 ching, 有個提外話, 當我離場後, 又聽到一男同一女說: 呀XX, 我覺得地震好睇好多窩.  我心裡即刻......無言 ！ 另外, 我有個Friend都話地震唔錯窩. 我又即刻.....OMG!!!!

算吧, 各人各喜愛, 總之支持入場睇戲啦.

alleelarry

HenryYuan 發表於 2015-6-13 16:27
IMAX 3D 畫面非常震撼, 完美展現森林環境, 恐龍巨大身驅, (除左小量人物有時頭細身大鏡頭), IMAX 音效絕對 ...

IMAX版既JURASSIC WORLD看來是不二之選