好似用咩布抹都會抹花CD..............................

alice9876

買左好多二手CD，唔多唔少都會有D印呀手指摸呀咁，我發覺無論用咩抹都會抹花，用過好多唔同牌子的眼鏡布/鏡頭布，3M布(下面圖個隻)，已經好小心吹哂塵先打直抹，都會抹左條花出黎.....唉，有D CD係絕版野黎架....心都痛...到底係咪冇辦法？

zaqq

用厚小小又軟身既眼鏡/鏡頭布已足夠了, 抹前要噴d水或清潔液落碟面, 待乾小小以輕輕力用布抹去水痕,
我通常順圈抹, 感覺冇打直抹咁易花，如指甲過長抹時都有可能會hi花隻碟, 最緊要都係吾好用咁大力抹

beckham07

我用緊嚟款布！都係十二蚊，購於AEON.
(Post76 Android 手機版送出)

dc903

小弟都記唔起d碟, 抺花在自己手上多少隻(有數隻還是絶版碟!), 有時唔抺好過抺; 如果d碟有塵垢, 試用氣筒噴走微粒, 或用畫筆輕擦拂走(間中要用清水沖洗淨), 之後才抺, 會較少出現抺花機會.

alice9876

zaqq 發表於 2015-6-12 20:49
用厚小小又軟身既眼鏡/鏡頭布已足夠了, 抹前要噴d水或清潔液落碟面, 待乾小小以輕輕力用布抹去水痕,
我通 ...

我冇用水，下次試下

alice9876

beckham07 發表於 2015-6-12 21:10
我用緊嚟款布！都係十二蚊，購於AEON.
(Post76 Android 手機版送出)

12蚊可以一試 試過買成舊水都賴野

alice9876

dc903 發表於 2015-6-12 23:18
小弟都記唔起d碟, 抺花在自己手上多少隻(有數隻還是絶版碟!), 有時唔抺好過抺; 如果d碟有塵垢, 試用氣筒噴 ...

我已經吹左塵先抹架啦

Cheong448

呢啲布茅指明抹CD 師兄

多數用洗潔精用水稀釋,過水.....抹乾

有塵用相機噴泵噴走塵埃

takeishi

見各位C兄真係好愛惜D碟. 我就........好恐怖架.
我會同佢沖涼. 落洗潔精清洗隻碟. 之後. 乾淨晒.......

dc903

takeishi 發表於 2015-6-13 09:31
見各位C兄真係好愛惜D碟. 我就........好恐怖架.
我會同佢沖涼. 落洗潔精清洗隻碟. 之後. 乾淨晒 ...

takeishi兄的方法小弟以前經常用, 但有次放隻Leslie remix碟, 碟面個層印刷膠竟然漂浮起來走位, 乾了后已走了樣和移位(下圖是另一張碟). 另外都怕印制不佳或老化ge碟有空隙, D水有機會透入整壞張碟!!! 所以自己只會用此水洗方法, 對付D極度污髒和出霉ge碟; 師兄洗碟時, 要格外留神.