《加州大地震》睇後影評 (有少量劇透)

gashapon

其實本身無打算去睇呢套戲的, 不過由於唔小心弄傷背部, 星期六行旺角時頂唔順於是搵o左套最快有得睇的電影睇, 於是神推鬼㧬之下就睇o左了.

故事講加州的一個地下的板塊由於活動而產生地震. 可能有人會講"邊有可能呀?" , 不過我之前在工作時都有同d美國人談到, 佢話其實L.A. 係位於地震帶的, 只不過由於真係太多人生活在果個地方, 所以其實一出事時會好嚴重. 另外一個就係黃石公園, 佢話其實係人都知始終有一日會再爆發, 到時有可能成個美國會比火山灰蓋住都唔定, 不過其實在大自然的力量下, 人類其實都做唔到d乜...

劇情來說, 其實都同之前的災難片大同小異, 不過今次都算比較合理, 至少唔會主角成班人一路開車個地會一路追住佢裂.
男主角是"The Rock" Dwayne Johnson, 其實一直都無咩點留意佢, 只知佢以前打WWE之後成為演員. 佢在戲中是一個救援隊員, 身手不凡, 可惜救到人救唔到自己, 佢老婆決定同佢離婚.

有一日加州出現了強烈的地震, 於是DJ就一個人去救佢老婆同個女了. 不過睇時都幾奇怪, 因為明明佢係救護員, 竟然又可以一個人想飛去邊都得, 另外其實一路都有唔少傷者, 但主角都無理, 只係一路衝去救佢個女, 感覺都幾"公器私用", 不過電影的特技真係唔錯, 而且老婆設定是比較傻(所以跟住佢老公時會有少少攪笑場面), 而個女就唔係果d只係"尖叫"的角色, 反而變成半個專家救埋佢2個"朋友", 加上唔知有心定無意, 個女都有不少"胸險"鏡頭(放心, 我無打錯字~XD) 所以值得睇3D版~ XD

2個小時的長度都剛剛好, 睇時都幾緊張, 雖然唔多唔知都植入不少"大美國主義", 不過始終只是電影又無咩所謂啦.

如果追求睇特技同畫面, 唔太理會故事, 都推介大家去睇.

alleelarry

看電影始終不能太過計較其真實程度有多少，個人認為適可而止便是了。

PS. 在美國工作了多久？

gashapon

alleelarry 發表於 2015-6-8 10:02
看電影始終不能太過計較其真實程度有多少，個人認為適可而止便是了。

PS. 在美國工作了多久？ ...

我無去過美國工作, 只係出trip就試過. 果個美國人係我老細d partner來的. 通常去到咩都講下, 好似講過我想去黃石公園, 之後講講下就講到會爆, 又講講下講到LA其實始終有一日會有好勁的地震, 不過都已經是差不多10年前的事了.

我又覺得電影始終都要誇張少少咁講, 唔係成套戲就好悶啦. 好似最尾一幕CPR咁, 我記得正常來說起碼要做15分鐘/ 半個鐘, 但電影只係分零鐘就完. 不過講真要你睇住the rock重複一個動作30分鐘, 我估大家會以為去o左睇王家衛~ XD

alleelarry

gashapon 發表於 2015-6-8 10:43
我無去過美國工作, 只係出trip就試過. 果個美國人係我老細d partner來的. 通常去到咩都講下, 好似講過我 ...

關於CPR的「不完整」，大概也是電影本來就沒有交代細節既必要！

gashapon

alleelarry 發表於 2015-6-8 11:02
關於CPR的「不完整」，大概也是電影本來就沒有交代細節既必要！

我都無太刻意去理~ 因為好多野其實又唔需要畫公仔畫出腸, 主要令人知道佢做緊乜就得.
當然要講不合理, 成個西岸咁震法都好似無咩人死咁已經好唔合理了.

不過有個point其實我都幾在意的, 就係個教授同大家講會有大地震但無人信. 其實有時我反而覺得唔係信唔信的問題, 而且根本都唔知去得邊. 即係如果有人同我講香港有機會會陸沉, 我就算知, 就算信, 都唔知去得邊, 可能最終都係繼續生活算. 都係果句: 大自然的力量下, 人其實真係做唔到d咩.

HenryYuan

B級片, 大隻獸男, 老女, 生左個索女, 有條傻仔溝到, 個個都起大地震無穿無爛, 最後美國旗飄揚, 各位觀眾請<< 起立 >>  ** 敬禮 ** 唱國歌...... GOD BLESS AMERICA

alleelarry

gashapon 發表於 2015-6-8 11:21
我都無太刻意去理~ 因為好多野其實又唔需要畫公仔畫出腸, 主要令人知道佢做緊乜就得.
當然要講不合理,  ...

查實都死唔少人既，只不過無「死」比你「睇」姐。太太向上走都要好險先上到直昇機，向下走既睇怕機會都唔大啦！

又好同意就算知道又可以點？亂咁走分分鐘仲會死快D添！同樣概念，政府又可以插手幾多野呢？

Soundboy

故事講加州的一個地下的板塊由於活動而產生地震. 可能有人會講"邊有可能呀?" , 不過我之前在工作時都有同d美國人談到, 佢話其實L.A. 係位於地震帶的, 只不過由於真係太多人生活在果個地方, 所以其實一出事時會好嚴重. 另外一個就係黃石公園, 佢話其實係人都知始終有一日會再爆發, 到時有可能成個美國會比火山灰蓋住都唔定, 不過其實在大自然的力量下, 人類其實都做唔到d乜...

The name of the movie, "San Andreas", is the name of the earthquake fault line that run up and down California.  The most famous earthquake resulting from movements on the San Andreas fault line was the 1906 San Francisco earthquake.  Another big earthquake is coming for sure....called "The Big One"....scientists just don't know it will be in Northern California (San Francisco) or Southern California (L.A./San Diego).

San Andreas fault @ wikipedia

http://en.wikipedia.org/wiki/San_Andreas_Fault

kl122002

Soundboy 發表於 2015-6-8 16:56
The name of the movie, "San Andreas", is the name of the earthquake fault line that run up and dow ...

我記得有次去加洲出差剛好都有地震, 是08年的那次在LA發生.  http://en.wikipedia.org/wiki/2008_Chino_Hills_earthquake

美國出現是有點恐怖+慌亂; 反而在日本碰過地震..D日本人好似無咩大件事甘樣, 好整齊和合作....甚至有少少會令你覺得難以相信佢地好似無事甘樣 .

這部片我會租碟看看就算了. 可能用來試hifi可以的.
我唔會覺入面的可以比得起1970年代的大片<Earthquake> .

gashapon

kl122002 發表於 2015-6-8 21:05
我記得有次去加洲出差剛好都有地震, 是08年的那次在LA發生.  http://en.wikipedia.org/wiki/2008_Chino_H ...

我在英國讀書時都試過地震, 不過級數好低的. 第一次係瞓覺覺, 以為樓上有人跌o左落床撞落地的感覺. 另一次就在電腦室內, 當時震o左一兩秒左右, 之後我電腦前幾步的一枝光管連個罩跌o左落黎, 當時心想好彩無坐前一行姐...不過我好明顯真係未見過世面, 我見打我唔中就繼續用電腦無理佢....(當時都未有得用手機上網)