E3 2015討論專區

@肥狗仔@

哩個年頭，除咗有TVB報導ATV執笠，仲有小眾外媒以卵擊石地抽Gamespot水。事源Gamespot早排整咗個"E3公佈預測"，入面乜L都有，包括機會甚微的Trico，但最後竟然唔見Gears of War。此舉連The Coalition阿head — Rod Fergusson都睇唔過眼，喺Twitter留低咗哩句

有關新聞/炒作令我唸返起本地某"毒X媒體"最近post的【E3遊戲展預測：Microsoft篇】，當Gears Ultimate Edition的BETA片段廣傳，而Rod Fergusson又高調表示Gears新作將會參展E3的時候，Gears of War幾隻字仍然冇出現喺文章之中。其實有時唔係冇game玩，只係部份人選擇性無視而已...


Source:
http://www.exlgaming.com/gears-o ... ording-to-gamespot/
http://www.gamespot.com/gallery/ ... 3-2015/2900-174/21/

@肥狗仔@

michael.t 發表於 2015-6-9 04:16
哎講得太好了 多謝肥狗師兄賜教
你篇文絕對Sums Up晒現時遊戲界嘅境況同埋困局

偏見唔可能冇，一個問題學生希望唔好成日比人叫罰企，只可惜個底已經花哂，成績同操行的變改那怕班主任睇得出。其他老師或者訓導卻未必想去知道。

第三方作品再少，與第一方獨佔本身唔必然掛勾。雖然話第七代機的遊戲潮早在06年已經開始，但若果搵大家都有的遊戲來定主機高低，咁就真係得返900p VS 1080p的梗可以loop，而我地經常掛喺口邊的日系遊戲亦算唔上係優勢。哩點都係張圖的其中一個諷刺重點，即使帶有偏見。

再講，假設果年真係冇third party喇，咁MS同SONY亦唔可能好似嫻姐一樣話唔關自己事，始終兩者都有至少三四隊實力開發團隊，人地冇唔代表自己可以唔用自家遊戲回應玩家，人地有更唔代表自己有收埋收埋的空間。今年年尾大作頻生，如果連XONE都可以唔比其他大廠面，將Halo 5, 羅拉，Forza 6甚至更多作品一口氣塞入年末商戰之列，我搵唔到有咩理由當PS4連續安排兩隻HD化遊戲比玩家，我仲要用一個比較和諧的眼光去看待SONY的做法。特別係2013年，喺GTAV，Bioshock Infinite, Tomb Raider的夾擊下，SONY足足推出咗戰神，Beyond Two Souls同The Last of Us三款重份量的新作。 無可否認，SONY咁勇與其幾千萬部的PS3裝機量不無關係，但至少哩啲都係重份量的大作，而唔係重份量到可以出同捆版的HD合集。

當然，同一翻說話亦可以原原本本地還返比2013年的X360或者上年出HALO MCC的XONE，但MS炒得絕大部份都係重製而非純粹高清化。好吧，嚴格mod，翻炒就係翻炒，重製都唔係藉口，即使我無視MCC，我仲有其他非趕工+少bug的新作可以玩。再行前一步，連質素都唔睇，講數量其實大家都係平起平坐。因此踢唔踢個波落PS4身上，結果都係一樣，《DriveClub》唔會變成神作，《The Last of Us Remastered》亦唔會變成新作， 而XONE果堆獨佔/半獨佔作品更唔會因為遊戲荒而變得被PS4/WiiU玩家重視。而三部機的高低之別根本上就係比一大堆炒作同玩家偏見所做成，所以我話香港係個福地，日系遊戲基本上就係PS機的神裝，所以PS4有game，盡抽，冇game，no one gives a damn，我有日系所以其他機種就冇game玩喇，比我或者都會咁唸。

其實我相信SONY又好，MS又好，投放喺第一方的資源唔會差太遠，分別在點樣利用。之前有講過，如果14年的XONE可以同PS4平起平坐，咁那怕5~6小時流程的1886未曾完成，佢都好可能成為2014年的PS4大作。結果係PS4大賣過千萬套，SONY都唔急喇，由佢延期。15年的PS4，破二千二萬台，Uncharted 4? 我地要質素，延期吧。站在第三方利益，其實幫第三方做宣傳搞關係遠好過搞咁多獨佔。只係論慧眼，SONY遠不及MS。《Destiny》據說只係微軟睇過sample後唔buy而已，否則SONY未必掙到宣傳獨佔。

Project Morpheus，講成功與否我覺得早咗啲，始終VR都係岩岩起步，而且有兵家必爭之勢，唔似得Kinect做獨市，冇任何third party去承接技術同熱潮。加上Project Morpheus的最大對手無疑係Oculus Rift，一比之下都有優勢。前者講到底都係基於二千幾萬UP裝機量的設備，一部PS4講緊係3千蚊倒，而後者起碼要GTX970起標，短期黎講門檻顯然較高。不過同時亦有隱憂，Oculus Rift遲吓預計會對應PS4。消費者有選擇，有比較，自然未必會揀Project Morpheus。就好似PS原廠耳機同Turtle Beach的關係一樣。

getyamasaki

@肥狗仔@ 發表於 2015-6-9 21:16
哩個年頭，除咗有TVB報導ATV執笠，仲有小眾外媒以卵擊石地抽Gamespot水。事源Gamespot早排整咗個"E3公佈預 ...

我諗起2014年GOTY係魔多之影, 一樣係得啖笑...

@肥狗仔@

除左神谷英樹的scalebound之外，早前ign預告將於16號公開platinumgames的另一新作。而咁岩platinumgames在twitter公開了vanquish的遊戲畫面，似乎係暗示vanquish 2即將公報？ 然而， 有留意開platinumgames的玩家都知，其公司的twitter及Facebook幾乎天天都會向外界宣傳自己的舊遊戲。但如果係屬實，我唸我都係時侯入返部ps4
(Post76 Android 手機版送出)

@肥狗仔@

oh ya....
(Post76 Android 手機版送出)

kl122002

去唔到可以睇toutube:
https://www.youtube.com/e3?feature=int-yo-e3

@肥狗仔@

好緊張~今晚就到XBOX喇。除了Halo 5，其他Rise of the Tomb Raider, Forza 6,同Gears HD暫時預計年內出，希望唔好延期。

@肥狗仔@

MS同SONY的發佈會完咗，少少感想

Microsoft
內容:
- 當PS仲推緊PS NOW的時候，我完全唔記得咗有向下兼容哩回事。只可以話硬件的東西可以靠軟件去化腐朽為神奇。

- HoloLens玩《Minecraft》雖然震撼，不過HoloLens幾時出係個問題。如果件貨要到2017年先上到市，咁其實只係一張空頭支票而已。

- 《Halo 5》劇情模式畫面與4代差不多，不過人物的動作卻多了唔少。整體就係4代加強版。然而，就Halo 5 BETA的表現仍然叫人期待。

- 《Forza 6》畫面就符合預期，要知道係1080p/60，然而發佈會時候Turn10只係犒來犒去，播完片就算數，又唔講新功能。哩點令我覺得新作與舊作相比純屬加強版。尤其本作都係公佈咗短短幾個月，我地對遊戲了解唔深。

- 《Rise of the Tomb Raider》玩法都係果啲野，畫面可圈可點。今年可以玩到我已經心滿意足喇。

- 《ReCore》稻船敬二新作，得概念片，但睇得出用能量珠去驅動機械人。感覺唔錯。

- 《Gears 4》出年重頭大作(唔delay的話)，畫面冇太多出彩地方(對比返當年1代的成就)，不過感覺係完全變咗驚慄遊戲。當然，一段小demo反映唔到遊戲的全部。

presentation:
難睇(真心)，可能遊戲太多喇。好多製作人上台一聲hi，之後已經拎起手掣演示遊戲。更甚者，《Gears of War Ultimate Edition》重製後的畫面比起Halo 2周年版仲要強，但製作人竟然以文字說明就算，其他自己上網睇，及後衝忙地開始demo Gears 4。

---

Sony
內容:

- 《Trico》(The Last Guardian)其實唔洗講架喇，佢邊年出我就邊年入PS4。當然要出年先有呢。

- FF7重製，完全冇唸過會成事。我見一段CG已經讓玩家高潮。但大家都冇唸過當FFXV可以拖咁多年，一隻FF7重製要何年何月先玩到。

- 莎木3，要去到上台公開集資... 其實大家係冇信心定點。

- 《Horizon》睇落唔錯，可能係Witcher 3果類RPG。應該係必買的遊戲喇。

-《No Men Sky》，第N次演示，歡呼聲一次比一次少。我都唔多講喇。

- Project Morpheus，其實我預佢會有正式名同售價... 睇黎之前Oculus Rift的公佈亂了SONY的陣腳。

- 《Uncharted 4》地圖非常大呢。玩法都係果啲野。

presentation:
比XBOX果個好得多，起碼上台嘉賓真係可以"講game"，而唔係趕時間。

---

總結:
今年MS同SONY稱得上風水輪流轉，亦可以話墨守成規。前者少有地用第一方遊戲撐場，而後者則好似上年MS的E3發佈會一樣，不斷搵Third party上台爆足個半鐘，當中不乏好似上年No Men Sky的"WOW....."時刻。可是如果冇咗莎木同FF7哩啲驚喜空頭支票，相信今年SONY真係冇咩賣點。之前亦粗略估計過今年下半年PS4會以第三方獨佔內容同埋HD remastered安撫玩家，哩家睇黎亦的確係咁樣，冇第一方大作。而且比起上年更少。雖然我係XBOX fans，但理性睇返今年兩廠的E3表現，MS發佈會就係再一次強調大家已知的作品，大部份都係2015年推出 (2016年果啲留返8月GC公佈); 而SONY則擺出強大的第一方及第三方遊戲，但我地都知道哩啲game與今年都係無緣的。

Will

VANQUISH 2無消息?!

@肥狗仔@

Will 發表於 2015-6-16 12:52
VANQUISH 2無消息?!

據說係變形金剛，但要等到今晚先會揭曉。