真人故事 : 林俊賢買賣仙股,兩次輸身家,慘過《 大時代 》

player

【 兩次輸身家 】經歷慘過《 大時代 》54 歲林俊賢復出拍劇

林俊賢 1982 年入大台第 11 期藝訓班入行，身高有成 6 呎嘅林俊賢仲係港隊籃球甲一組球員，1987 年拍《 男兒本色 》擔正成名，之後轉攻電影，曾出過兩張唱片，95 年轉行淡出娛圈。

據報道指，林俊賢從商多年，近排忽然戲癮起先接拍網劇，不過，林俊賢稱近年身體唔太好，四年前曾患蕁麻疹，目前唔可以太大操勞或太大壓力，好易復發，今次開工已經講明拍十幾日，要畀自己足夠時間休息，佢自己亦想返大台客串吓。

林俊賢向周刊指，自己淡出娛圈後，事業經歷過大起大跌，情緒受困令免疫系統失調。

據報道表示，林俊賢稱離婚後，個女跟前妻生活，之後佢同女友生咗個仔，林俊賢就轉行做股票行做炒股，因為買賣神仙股，輸咗成副身家，女友亦帶埋個仔離開咗佢，四十幾歲嘅林俊賢要由從頭嚟過，去咗投資公司做策劃，兼職做廣告，又成功翻身。

林俊賢又向周刊指，2007 年因為冇聽到一個電話，錯失咗一個大買賣嘅決定，再次輸晒啲身家，真係似足大台再播嘅神劇《 大時代 》，人真係可以一夜就輸晒成副身家 !

林俊賢亦喺報道講，當時自己全部輸晒，《 大時代 》只係做戲，自己就慘過好多，不過目前已經過咗去，依家做生意穩陣咗，開咗間證券公司，教人投資唔好以小博大，係投資唔係投機，亦有投資開戲。

據知，林俊賢與黎明、尹揚明仍有聯絡，不過佢最想同萬梓良合作，該報道亦曾問萬梓良，萬梓良表示近年受糖尿病影響，要睇劇同時間先決定拍唔拍。




http://hk.apple.nextmedia.com/en ... 527/53783253?top=4h