MAGICTV 7000D 有問題?

tatchai

YYSKY 發表於 2015-6-1 07:25
咁即是牆蘇有問題啦，有否用分線器，還是手拖手？

冇用分線器, 咁係咪手拖手我又唔肯定, 當年裝修冇問清楚
但係我諗就係如果牆插有問題, 咁我直插TV 都應該唔得架, 但係直入TV 又收得好齊喎..

wklie

tatchai 發表於 2015-6-1 22:40
冇用分線器, 咁係咪手拖手我又唔肯定, 當年裝修冇問清楚
但係我諗就係如果牆插有問題, 咁我直插TV 都應該 ...

Anyway, try to replace the socket 牆蘇 first.  Use a high quality TV-only socket, do not use a TV+FM socket.

Also try to use combinations of a few attenuators (up to a total of 20dB) and see if they make any difference.

YYSKY

tatchai 發表於 2015-6-1 22:40
冇用分線器, 咁係咪手拖手我又唔肯定, 當年裝修冇問清楚
但係我諗就係如果牆插有問題, 咁我直插TV 都應該 ...

就是咁至玩死你，TV細食咪無問題囉，將天線插抆起放旁邊一樣收到好靚㗎，拆起牆蘇將條TV線一駁7000睇下點。

YYSKY

接口氧化會減少幾個db，拆除牆蘇直駁會多約5db，無儀器check，唯有咁試，
同時check番訊號係到廳再去房，還是相反，先到廳再去房而房蘇正常，則換廳牆蘇應該解決。

tatchai

YYSKY 發表於 2015-6-2 00:32
接口氧化會減少幾個db，拆除牆蘇直駁會多約5db，無儀器check，唯有咁試，
同時check番訊號係到廳再去房，還 ...

噢, 原來係咁, 我依家先知電視係細食啲
等我又試下唔經牆插直駁MTV 會咩效果先
THXTHX

edmund8612

CHING有無換過條新既RF試下?

PP-HK

我部7000D早幾個月前又係發生同一問題, 後來解決咗, 但個方法我相信你點都估唔到。

tatchai

PP-HK 發表於 2015-6-3 17:08
我部7000D早幾個月前又係發生同一問題, 後來解決咗, 但個方法我相信你點都估唔到。 ...

ching 可唔可以賜教下點解決呢?

PP-HK

tatchai 發表於 2015-6-3 17:45
ching 可唔可以賜教下點解決呢?

唔好意思, 今日比較忙未得閒答。

話說我部7000D大約在半年前出現這個問題, 當時網上傳言7000D個tuner唔夠D舊機好似3000D咁強, 由於我轉7000D前就係用緊3000D, 又好似3000D收唔到台嘅機會冇7000D咁嚴重, 所以我好相信。

如是者我就好似ching你咁樣做咗好多嘢, 包括換天線純銅鍍銀嘅都試過; 換牆蘇面版, 最後唔用面版直接係牆身拉條線直駁; 加放大器, 一個唔得加夠兩個。結果呢................

當然唔會咁簡單, 試過哂以上方法係唔work嘅, 係7000D度check訊號都係好低。由於佢已過了保養期, 但都硬住頭皮搵MagicTV嘗試維修。

先打開吓, 借個地方讚吓MagicTV嘅售後服務, 我部機過哂保養, 佢搵師父幫我check機完全唔收費之餘, 仲比咗好多意見我, 真係多謝哂。相反之前去pioneer就掉轉, 乜都唔講又唔俾意見, 總之要維修就要放低先收兩舊檢查費, 個服務差天共地, MagicTV真係香港人之光。

讚完返正題, MagicTV個師同我講, 網上嘅傳言錯哂, 7000D嘅接收力不單止唔弱於3000D, 仲要強好多! 我話唔係喎, check訊號部7000D真係好弱喎。佢就解釋比我聽, 原來7000D睇訊號強弱個表最大得100%, 但實際上7000D接收力往往過咗100%, 所以睇到嘅數字實際上係超咗嘅先啱。所以我之前搞嘅例如加放大器, 方向完全錯哂。因為原來訊號太強, 反而會令部份台收得唔好, 呢個可能先係原兇, 所以不單止唔好加放大器反而要加衰減器。

聽完半信半疑, 返到屋企由於沒有衰減器, 就攞哂全屋嘅轉頭出哂, 因為據稱用一個轉頭訊號就會下降約干, 就將6、7個轉頭接哂落條天線度, 抆哂D放大器試吓, 結果所有台即刻完全正常接受, 真係估佢唔到。

唔敢講你屋企是否碰上同樣問題, 建議你可以一試, 再唔得搵返MagicTV, 佢地都好肯幫D客。

tatchai

PP-HK 發表於 2015-6-4 12:30
唔好意思, 今日比較忙未得閒答。

話說我部7000D大約在半年前出現這個問題, 當時網上傳言7000D個tuner唔 ...

ching 呢個講法又有啲根據, 等我又試下呢個方法先
THXTHX
試到真正問題再同大家報告一下