昨夜到中環名望毒氣室一遊 ----有兩大發現 ( 上下集完)

狐滴hp2210 · 發表於 2009-10-7 11:04

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 HP2210 於 2009-10-7 17:57 編輯

話說我有個同事A相約同事B,帶同事A到中環名望Show room 試聽喇叭 , 我當然掹衫尾跟埋一膂去.
一上到Show room . 只係見到件件名器,全部都唔係同事A嘅射程範圍 . 但Show room 個哥哥好好人,只要我同事講出佢心目中價位佢就可以幫佢搵到 .

當我同事A搵到佢心頭好之後, Show room 個哥哥以一個半賣半送價錢介紹一條信號線比我同事 . 依條Synergistic Research AV Decor 係張賣淨散線做成的 , 據Show room 哥哥講依條線做價要千多元 .

我心諗唔好講咁多快d插嚟試吓喇, Show room 哥哥二話不說張頭先聽緊果三千蚊價位信號線抆出嚟. 當然緊係聽返依期最hit嘅趙學而,依有厚聲咗好多喎,重有d帶甜潻.音場結像力比頭先果條還好 . 為一AB 比較之分析力真係輸小小 . 不過再諗吓要甜帶厚, 分析力自然無咁好.依個十分正常.放且個價位相價咁大重想點呀 . 我即厚住面皮一問可唔可以半賣半送一條比我結果………………等part II

狐滴hp2210 · 發表於 2009-10-7 11:05

本帖最後由 HP2210 於 2009-10-7 17:55 編輯

Part II

當然緊係可以成功以半賣半送價錢攞咗條線返堅企喇 !

http://www.synergisticresearch.c ... nnect_bulk/av_decor

返到去二話不說就 , 插入我部膽CD同膽機到 . 你地一定會問條線又厚又甜,重插入同膽機到?你傻嫁.
我就係想試會過火唔聽得 , 測試土炮器材

CD Player : Cayin SCD 50T
AMP : Audio space KT88
Speaker : Roger LS3/5a 11ohz

試聲碟一堆

先嚟隻陳潔麗 "1.825M"  chapter 1 " 愛的見證" . 開始時頭一句My Love …….鼻音好重 , 如果部機setting得唔好,好容易濛聲,好似感冒咁 . 依條線過關 .
再試chapter  3  "一米八二五" 完全帶出小姐甜美歌聲 .

陳果第一隻CD”有空來來坐坐” , Chapter 2 “有空來來坐坐” 開頭一段倒啤酒 , 開門聲完全清楚聽見 . 而趙鵬一段男低音讀白, 清清楚帶出佢磁性聲音 .
Chapter 3 “特別的愛給特別的你” , 中後段較快部低音太多或控制唔好會好易失控 . 都無發生0係依線身上 .

李爍  “相見歡”  chapter 9  “ 紙船” 頭一段清唱李小姐真係系面前,真係好感動 . 依條線個結像力好直得一讚 . 再到笛聲清趣而不叫 .

係時候要試老外嘢 Nat King Cole “The King of Sound” SACD Chapter 1 “Unforgettable” . 除咗女聲甜之外男聲`中有佢磁性同喉底都可清楚聽到. 高生好似張我帶返佢個年代咁 .

Malene “Desperado” chapter 14 “All I want” . 依隻係我依一兩年嘅最愛 , 一首All I want 全可以帶出依條丹麥妹嘅感情.一有時間要全隻碟再聽過 .

Carpenters “Singles 1969 – 1981 SACD”  Chapter 1  “Yesterday once more” . 依隻錄音極HiFI嘅SACD , Carpenters 嘅歌聲當然無問題,其實最想試吓中後段鼓聲全附彈跳力 , 而且實淨 .

依隻係好多師兄都想有嘅玉置浩二 “酒紅色的心 SACD “ Chapter (7) “戀之預感”    . “那些 ……那些 ……” 如果依碟都可播得出哀聲,依條線可掉得喇 .

再嚟夏詔聲嘅”諳 “  “最愛是誰”  , 不傀為試機碟完全無失禮夏生嘅唱功 .

依隻我早前以推介過比大家嘅正東 10X10 精選 Chapter 3 “曖昧”  早就講過依隻碟好聲過乜黑膠CD N陪 . 再用依條線聽全無令我失望 .

依依 ! 最後要試吓d令類嘢 “The all Star Rercussion Ensemble “ Chapter 1 “ Bizet Carmen Fantasy “ 最後係想試咁厚嘅線 . 聽敲擊會唔會太慢 , 的而且確正常咁比較慢咗小小 , 但又唔會影響全曲節奏. 佢一樣要高有高要低有低 .可以輕輕快快咁完成依20分鐘 .

小小用後感,真係無諗過係中環嘅show room , 可以搵到咁平咁正嘅兩大發現和好好服務太度 .
如果要清爽快聲嘅你,佢唔會係你杯茶 , 但鍾意甜同厚一千內嘅價位都唔會點錯 .又其是佢個結像力真係好立體好正,人聲直情好似前面唱比你聽一樣 . 我會特別推介比用AV AMP 聽歌而又想搵厚聲嘅你 . 而我自己用緊條1k倒身價信號可以講bye bye .

Report End .