終於KO低頻問題~喇叭墊開箱

garranho · 發表於 2015-5-25 22:23

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 garranho 於 2015-5-25 22:23 編輯

小弟因地方細，一路都解決唔倒低頻既問題，不論把喇叭移前移後，左左右右，墊地氈等等，播放CD或黑膠都一樣好似冇咩低頻，黑膠已比CD好少少

。
但自己買喇叭時真係試過絶對有架喎 (因為直頭用同一個SPEC去試)，心諗可能未煲好對喇叭啫，但冇理由差咁遠

。
於是網上爬文睇吓有冇解決方法，發現Symposium 有塊 Svelte Shelf 既喇叭墊，不管外國或臺灣對佢都評價好高。
由於一路都用緊佢塊 Segue 感覺對化解諧振及對音質有一定提升，於是懷住即管一試走去買，原來要訂貨

，唯有落訂等船期到貨，不過先買住2套Couplers (因為怕冇貨，到時又要等)，一等就差不多兩個月

。
因墊板未到，望住兩盒Couplers 不如放落去喇叭度試吓咩效果，先根據官方建議把原裝釘腳拆去，
再用Couplers墊落去喇叭腳4個角，嘩! 低頻已自動走出嚟

! 但係又覺得好似唔係咁清晰，但已經比之前好好多。
前日收到電話貨到，落住大雨都馬上去比錢攞板，返到屋企襯大人未返即刻開箱。
終於加埋塊板係couplers下面，等佢地一家團聚，開CD機聽吓有咩變化先

。
先聽Star Wars 既星際進行曲及帝國進行曲，線條收返晒，低頻聽得出有層次感，
再聽Beyond Live 1991 K2 版~大地，音場定位都清晰聽見。
跟住聽黑膠同一曲目，星際進行曲及帝國進行曲有一種好開心及振奮既感覺，Beyond Live 大地好有現場感。
(交差對比後，黑膠真係贏九條街)

PS: 為表公平聽咗兩日先出開箱文! 小弟文筆不好，打字又慢，有錯莫怪

新鮮美國運到一盒2塊 Svelte Shelf

Precision Couplers 一盒4件共2盒

官網建議兩件配合用，喇叭就放上上面