《末日先鋒：戰甲飛車》 - 觀後感

CMH969

前言：呢幾日得閒, 昨天終於可以睇早場(因為平！). 兩套比我選, 最後選了呢套睇.....

結果：因我本身唔鍾意睇D污污漕漕的電影(指電影背景, 人物服裝), 而且之前果3集我一套都冇睇過, 所以對套戲好陌生, 冇太大期望. 最後係滿足個樣咁離開戲院....點解？

1)導演: 呢位導演好耐好耐之前已經拍左頭3集, 事隔咁耐再東山復出再指此系列, 勁！(都系果句, 未睇過之前幾部, 所以系指佢老人家有心有力去拍呀！). 而拍出來故事算流暢, 尤其系D飛車追逐及打鬥, 好刺激, 我覺得冇冷場. 好野！

2)演員: 女主角Charlize Theron, 唔駛講金像影后, 戲份重, 不是花瓶, 有戲！男主角Tom Hardy, 我自己幾鍾意呢個大隻佬演戲天份(在電影Warrior開始留意佢), 入型入格。特別一提, 留意下戲中出現一個紅髮女郎(Riley Keough), 幾靚女！吸引到我注意, 可能日後會多謝參與！

3)化妝及服飾：因為是末世的地球, 所以回歸原始, "鬼咁馬綠"的化妝及爛身爛世的服裝造型客觀地係OK, 但自己有D頂唔順。系咪末世D人都系咁樣呢？

最後, 自己覺得此片是一部商業電影, 唔覺得有什麼中心思想帶出來！但動作真你好好睇！好似冇用什麼CG特技咁而又超緊張. 好野！如果有興趣睇飛車動作片, 而又唔介意污污漕漕的背景及人物, 值得入場！多謝！

mike384

係米中心思想就唔知了, 但睇完會令我諗起海外移民左又回流返黎的人

alleelarry

版主今晚會去看午夜場，見到版友唔多有睇過前作，所以已經開始寫緊影評，關於舊有電影為主。

CMH969

alleelarry 發表於 2015-5-22 09:58
版主今晚會去看午夜場，見到版友唔多有睇過前作，所以已經開始寫緊影評，關於舊有電影為主。 ...

ching, 等待你的舊片影評！因為E套有小部份同男主角個經歷有關, 我冇睇前作就唔明白。

alleelarry

CMH969 發表於 2015-5-22 10:04
ching, 等待你的舊片影評！因為E套有小部份同男主角個經歷有關, 我冇睇前作就唔明白。 ...

為左今晚午夜場，來左個人生第一次馬拉松式重溫舊作，兩日內睇三套

暫定標題：Road to MAD MAX: Fury Road《末日先鋒：戰甲飛車》

mike384

alleelarry 發表於 2015-5-22 10:09
為左今晚午夜場，來左個一生第一次馬拉松式重溫舊作，兩日內睇三套

暫定標題：Road to MAD MA ...

馬拉松式睇系列電影, 以前後生時真係睇唔少, 而家唔得了XD
加上香港冇呢種活動.

alleelarry

mike384 發表於 2015-5-22 10:31
馬拉松式睇系列電影, 以前後生時真係睇唔少, 而家唔得了XD
加上香港冇呢種活動. ...

好耐之前動畫有試過，高達獨角獸係E-MAX都有連放五集，用電腦播聲畫唔同步，睇左集半走左

西片魔界有試過……

收費電視近來都有攪，仲要係港產監獄片添！

mike384

alleelarry 發表於 2015-5-22 10:45
好耐之前動畫有試過，高達獨角獸係E-MAX都有連放五集，用電腦播聲畫唔同步，睇左集半走左

西片魔界有試 ...

以前係日本就好興ALL NIGHT SHOW, 系列有新野的話, 就會成晚播個個系列, 卡通或電影都有, 最有印象係一晚睇三套黑澤明古裝片.
同埋卡通系列, 一晚煲了好多套GYNAX的早期作品.

alleelarry

mike384 發表於 2015-5-22 10:50
以前係日本就好興ALL NIGHT SHOW, 系列有新野的話, 就會成晚播個個系列, 卡通或電影都有, 最有印象係一晚 ...

呢個就唔知啊！

粗人敵卡

70歲仲咁有心有力