估唔到香港電影特技可以咁出色(古天樂)《矛盾戰爭》預告片

alleeada

gashapon 發表於 2015-5-20 13:11
我覺得d CGI 都做得唔錯, 至少唔係停留在"未來警察"果個級數 (sorry真係第一時間就想到呢部戲) , 我就咁睇 ...

係，無 Budget 係香港電影業既難題。但連香港人都唔支持港產片才是香港電影的悲哀！

gashapon

alleeada 發表於 2015-5-20 16:48
係，無 Budget 係香港電影業既難題。但連香港人都唔支持港產片才是香港電影的悲哀！  ...

其實我本身無硬性咁分港產定外國, 總之啱睇又有時間就會睇. (好似5個小孩的校長由於無時間睇, 最終都係miss o左)

其實我自己本身好討厭用"本地人要支持返本地野", 因為感覺似講緊本地野唔得, 要依賴"感情分"去keep住咁....即好似一間餐廳, 好食就會多人黎食, 唔需要擔心無生意. 如果根本唔好食而要去到"我地賣本地小食, 點都支持下啦"去吸客, 吸得幾耐而且又有咩意義? 當然我明白你唔係呢個意思啦~

另一方面來說, 港產同外國電影個budget都已經差好多了. 人地外國一個人的片酬可能已經多過香港成套電影的budget, 所以我都唔會比較($多自然做到更好的製作, 因每個工序都係要錢). 而且我都講過, 唔係外國的就一定好, 我都中過唔少伏. 另外我又相信好野自然有人識欣賞, 有人批評至少等於有人留意. 我覺得唔會因為網上有人話差就全世界都照同意, 一定有人會反而咁而留意o左而又走去睇. 當宣傳好了~ 即係好似一個演員, 有八卦新聞至少可以見下報, 好過入行10年都完全無人知啊!

講返呢套電影, 佢show得呢d CGI唔多唔少都係用佢做賣點吧, 咁如果end up係愛情故事, 打打殺殺只係追女仔+BBQ結局跳起大叫yeah, 咁我睇完就真係會嘔血啦~~

alleelarry

alleeada 發表於 2015-5-20 16:43
套戲好似未上喎？邊到咁快上左？

如果又未睇過套戲只睇 Trailer 就話差，唔夠中肯囉。

剛好睇左呢段報導，咁橋又係個Ｄ硬要去同荷李活去比較，畢業電影係一套還一套嘛！

http://suddenplus.nextmedia.com/entertainment/latest/art/60505

關大爺

好似真係睇得下

vinsckan

呢套係伏片, 雷聲大雨點小, 沒有期望感

alleelarry

vinsckan 發表於 2015-5-20 22:25
呢套係伏片, 雷聲大雨點小, 沒有期望感

上映之後睇過才可分曉啊！

alleelarry

gashapon 發表於 2015-5-20 17:24
其實我本身無硬性咁分港產定外國, 總之啱睇又有時間就會睇. (好似5個小孩的校長由於無時間睇, 最終都係mi ...

我係咁睇既，今日二選一的話，的確我會選外國人的，花錢就會有這個考量，但回頭諗錯過了滄海遺珠好可惜，本地的就第日先睇，結果就係全部通殺，最多睇完番黎罵過夠。

愛電影的人，大概好要睇，唔好既照睇，唔係點分咩叫好同壞

gashapon

alleelarry 發表於 2015-5-20 23:14
我係咁睇既，今日二選一的話，的確我會選外國人的，花錢就會有這個考量，但回頭諗錯過了滄海遺珠好可惜， ...

我覺得我一星期頂盡睇到2場戲, 而且又唔會個個星期都有戲想睇. 每次最多都係$150-300, 唔算大消費. 反而真係要睇下有無戲吸引到我入場. 無可否認我睇外國電影多港產好多, 因為我喜歡的題材(科幻, 特技, superhero) 都係西片多, 不過有想睇的題材又有時間就會睇了.

另外電影好唔好睇都係自己感覺. 不過我又未去到連trailer都未有就話好睇定唔好睇咁勁. 另外好似batman電影都有人講足25年, 話batman 89先係最好睇, 其他的不值一提(但佢又會套套追), 有人又話Bale先似batman (但忘記了開拍時佢第一時間話佢唔夠靚仔, 做乜搵佢), 又有人睇死賓佬做唔掂batman, 話一d都唔明點解batman可以同superman打, 故事唔慌好睇 (但又好buy captain 對iron man, 話一定係神作) 所以都係果句: 自己想睇就睇, 唔想睇就唔好睇lor. 套電影唔會因為某人一兩句就會升呢或降呢.

換句話說, 我都有提過自己係完全唔喜歡王家衛d電影, 覺得佢d電影都唔知想點咁, 所以已經好多年無睇佢d電影(不過都係miss o左2套姐~). 同時又有好多人會覺得佢係大師級, 畫面好有意景, 好有味道. 咁但係大師又點, 我真係唔喜歡都無得迫我去睇嫁嘛~ 我唔喜歡又唔代表電影唔得, 只係唔合我一個人的口味姐~ 所以無咩所謂, "haters gonna hate", 唔喜歡就係唔喜歡~

如果miss o左又想睇的電影我都會買碟, 所以我家中都收埋唔少港產電影~

alleelarry

gashapon 發表於 2015-5-21 11:33
我覺得我一星期頂盡睇到2場戲, 而且又唔會個個星期都有戲想睇. 每次最多都係$150-300, 唔算大消費. 反而 ...

果然gashapon版友既取向同版主係差唔多，喜歡就睇，呢套個導演唔得咩，又唔代表以後唔睇，只在乎題材上是否自己所喜歡而已。