新舊黑膠的疑惑

garranho

加入黑海已有幾個月時間，多得呢度D師兄，對如何調校也有基本概念。
硬件可以用時間及金錢解決，但係對於買碟方面反而覺得比較難同困惑!
好多C兄都話舊碟比新版都好，情願搵舊版都唔買新版，但剛下海的我每每去搵碟時都會因為二手市場沒有，或是因天價而卻步。一隻舊版微花，炒豆，附送跳線既黑膠反而會比新版還貴。
昨晚上網搵碟期間，喺一個外國討論區睇到有文章提及新舊版本的評價，原來中外都遇到有同一個問題。
小弟喜歡黑膠是因為比CD多了一份溫暖，最重要的是一份再也找不到的回憶，現在買碟反而不會再執著於新舊版，反正我對木耳同套雞野只會聽得出黑膠同CD既分別，我只想享受音樂，並不想分析音樂，買碟既嘢睇緣份吧！
小弟只是隨心所寫，不喜勿插！

ykluk

其實買膠同CD一樣, 我會因應自己喜好同筆直去諗, 宜家啲新版膠最少都要$230-$240入手, 新既外國pop嘢喺媽媽遜買會平啲大約$170-$200, 用呢個價錢去為自己做一個基準, 再去搵舊碟時咪用呢個數去諗, 我通常去SSP肥仔到拎一大堆嘢比佢報價, 邊啲太貴既咪唔要, 真心好想要咪講價, 通常買多幾隻佢會肯就返啲價既~~!! {:9_423:}

舊版真係好聲啲, 不過都唔一定全部係, 講真, 自己又無可能買晒咁多版嚟試, 總之啱心水咪得囉~~!! 好easy, 最緊要enjoy~~!!

garranho

ykluk 發表於 2015-5-12 13:07
其實買膠同CD一樣, 我會因應自己喜好同筆直去諗, 宜家啲新版膠最少都要$230-$240入手, 新既外國pop嘢喺媽媽 ...

我同你即買碟基準都係差不多！

kl122002

我自已手上的黑膠如果真的差不多了就不要了, 也不會太刻意去找舊黑膠. 除非沒出過CD, 又或者是很有特別意思.
如師兄說, 舊黑膠微花，炒豆都仲可以, 跳線就少少麻煩了,
最怕的是上手用家唱壞了只LP, 比如針厭太重磨壞左條grove, 有時自已唔知仲以前原本是甘樣的聲, 知左事實之後就心痛到入肉.

我偏好CD, 始終CD有佢的方便, 比CAS有多少少自然感.
新的黑膠因為有CD, 沒必要的話也不打算理.

kevin2007

舊黑膠比新黑膠好聲除左錄音外，最重要當年好多黑膠都係用一種叫可樂膠/處女膠來制黑膠，而可樂膠雜質較其它的小而且質地偏軟，而香港制黑膠多數用上比較便宜的環保膠，雜質當然比較多，而又因質地偏硬，所以聲音都偏硬! 所以就算今天同從前錄音器材與技術都一樣，聲音都是舊日的可樂膠好聲及動聽一點!

machihck

炒豆聲？你喺咪無用洗碟機呀？

garranho

machihck 發表於 2015-5-12 18:58
炒豆聲？你喺咪無用洗碟機呀？

洗碟機未有錢買，所以唔知用洗碟機是否可以去晒D炒豆聲。
不過等緊部超聲波清洗機試吓會唔會效果好D。

machihck

ykluk 發表於 2015-5-12 13:07
其實買膠同CD一樣, 我會因應自己喜好同筆直去諗, 宜家啲新版膠最少都要$230-$240入手, 新既外國pop嘢喺媽媽 ...

肥仔啲叫價現在很進取，不看碟的condition 已經叫高價；而且大部分碟未清潔，外套污糟；

我初時真的接受不到！

不過，現在有時想搵碟都會去望下，剛剛就去了，見到有二盒約70隻白板碟、好鬼勁！

今日出去行一轉深水埗，又買了成$1500！

真係無事出街少破財！

machihck

garranho 發表於 2015-5-12 19:04
洗碟機未有錢買，所以唔知用洗碟機是否可以去晒D炒豆聲。
不過等緊部超聲波清洗機試吓會唔會效果好D。 ...

平價水洗機效果會好過平價超聲波機

garranho

machihck 發表於 2015-5-12 19:07
肥仔啲叫價現在很進取，不看碟的condition 已經叫高價；而且大部分碟未清潔，外套污糟；

我初時真的接受 ...

黑膠真係令人又愛又恨!