星爺深宵接力 重出「 江湖 」六月十五 : 他來自江湖

player

無綫經典神劇《 大時代 》於深夜重播翻 Hit 兼開創深夜黃金時段，贏盡聲勢及廣告收益，帶挈深夜時段的廣告收費激增 35 %，但依然有價有市！

無綫因而食住上重播一系列經典劇，並精選萬梓良及周星馳主演的《 他來自江湖 》接棒，勢將再掀熱潮，

修復畫面添字幕 :

無綫計劃重播一系列經典劇集，故近日密密開內部會議，精挑接棒劇集，同時採納網民意見，最後選出 26 年前首播的《 他來自江湖 》。

據知《 義不容情 》《 誓不低頭 》及《 尋秦記 》等本在考慮之列，惟大熱的《 誓不低頭 》內容沉重而敗給《 他 》劇。於 1989 年首播的《 他 》劇由劉家豪監製，萬梓良、周星馳、吳孟達、黃秋生及毛舜筠等主演，定於下月 15 日接《 大時代 》棒於深夜時分重播。

《 他 》劇卡士強勁，飾演「 何鑫淼 」的星爺當年更憑此劇彈起，而他與吳孟達等組成的「 搞笑組合 」亦奠基於此。

由於拍攝當年畫面質素未及現時精細，故無綫會為劇集進行畫面修復，而因應《 大時代 》重播初期觀眾要求加上中文字幕，故無綫今次亦會為《 他 》劇添加中文字幕，誠意十足！


何鑫淼

keytai214

舊劇 好睇過 新 ... 舊碟又好聽過新 ... ... 是老了喜歡 懷舊 ... 還是 真的 一蟹不如一蟹 ...

Netmans

多謝師兄報料
(Post76 Android 手機版送出)

GTfour

直情係一蟹不如一蟹，而家除咗食飯時睇吓愛回家，期如都唔睇了

earxeast

GTfour 發表於 2015-5-7 23:05
直情係一蟹不如一蟹，而家除咗食飯時睇吓愛回家，期如都唔睇了

我宜家基本上係唔睇電視台節目，只會駁Apple TV睇Youtube裏面啲臺灣或大陸節目。即使大時代我當年都有追，但宜家都係唔睇。

小瑟

嘩........睇黎, TVB真係唔掂喎.......要囉返哂呢D劇出來播, 咪同樂壇下下返返唱一樣!??!!