[少少劇透]《赤道》︰星光熠熠

粗人敵卡 · 發表於 2015-5-3 14:06

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

之前陸劍青、梁樂民呢兩位拍咗套《寒戰》，有郭富城、梁家輝、劉德華等演出。可惜套戲就為咗拍續集，個結尾拍到唔知想點，令到成套戲有瑕疵。本來諗住呢套《赤道》可以俾小弟一個美滿結局，估唔到陸劍青同梁樂民喺最後又拍到咁…
成套戲係一個核爆裝置被爆，買家準備喺香港做交易，之後聚集韓國、香港同大陸一班專家、大人物成立小組去解決呢次危機。劇情上有少少公式化，槍戰同《寒戰》一樣，拍得相當精彩，香港警察同張震、買家班重犯駁火係成套戲動作場面拍得最好嘅一場，打後就麻麻地

文戲方面印象唔覺有幾勁，比較突出嘅係張學友同王學圻就解決核爆裝置上出現爭執。其他就覺得某幾位角色用來做過場之用，顧美華嗰場戲鋪排張家輝捉文詠珊，音樂情人同講波佬戲份少到好似出一出鏡就算(以為音樂情人係幕後黑手，我都想

)，最唔得掂係韓國方面嗰個線人角色，小弟覺得用來拖長套戲，又顯得韓國專家好蠢，大大聲喺公眾場所講線人消息可唔可信。佢哋唔係以為香港好少人識聽韓文

中國一方王學圻係成套戲最可笑，張家輝眾人成功截獲核爆裝置，佢就諗起以外交手段出風頭，仲講咩「得罪香港等於得罪中國」，成套戲一啲作為都無，仲以為嗰兩位導演擦大陸鞋，原來係曲線笑大陸。而王學圻間接令到張家輝唔想佢搶功勞，自己去捉「赤道」。張學友個角色，估唔到我阿媽齋睇海報話佢唔似教授，居然比佢講中

，但係角色性格唔係好連貫。結尾又係留番條尾巴，好多細節位唔交待，小弟估《赤道》係咪用來承接《寒戰》，整個續集解釋所有伏筆。(希望四大天王嚟個演技大鬥法

)
總括嚟講，套戲瑕疵比上次《寒戰》仲多，氣氛亦無之前咁緊張，可惜咗一班演員。