【賽後討論】Philips Fidelio 金耳朵系統達人大激鬥 (附花絮相)

PhilipsI

maiudar999 發表於 2015-4-28 18:59
大家好，我係今次活動年齡最細 嘅參與者，但係喺活動場地各位嘅helper 都對我 好友善 同 熱情，當然唔少得 ...

Maiudar999師兄, 雖然你年紀輕輕, 但已經係金耳朵, 同你傾計你又有自己一套睇法,
的確係前途無可限量!

多謝你讚我地友善&熱情呀
希望你同Rex傾計嘅得着, 同你最初嘅期望相乎~

當日同場因為有人進行拍攝工作, 所以場面比星期五&六熱鬧得多~
我地即將舉辦試聽活動, 希望到時見到你~

睇得出你enjoy同其他玩家share心得, 一於去以下嘅金耳朵教室同大家分享爆game秘笈吧~
http://post76.hk/forum.php?mod=v ... &extra=page%3D1

Philips Fidelio討論區管理員呀Yan

marcustam

大家好，我是最後一名參加者。首先要在這處同大會講聲不好意思，因我遲到而令大家遲收工，希望不會影響印象分

因我平時用CAS 聽歌, 故今次整套帶去, 好在不是好重!

其實我都幾like 飛記, 由SHP9000用起, 到L1, 再到X2. 不過價錢就越來越貴, 由五百幾買到三千幾, 可能因為通漲, 不過同某Ｄ品牌來說, 都未算誇張，末過萬.

今次好多謝阿Rex, 他講解得好清楚, 而且有圖表幫助下, 好清楚隻耳機在不同歌曲的發揮。

不過最恐怖的是阿Rex 對 Adam, 平時我在家聽時都不發覺的東西, 在studio 面前好似照妖鏡般, 無所遁形, 好驚

holiday529

大家好,我係holiday529
今次活動亦係我成為post76會員第一個活動
當日同rico一齊到

先講下工作人員嘅態度
係幾令我感到意外
不但熱情款待
而且絕對唔會令你出現dead air呢啲尷尬場面

到rex方面,
大家開始時都有講有笑
亦都好細心咁講解步驟
而且清楚講解器材嘅缺點
獲益良多
rex更有時搞下gag
輕鬆緩和一下氣氛
絕對抵讚

完成測試後
做問卷時工作人員亦都有一些心得交流

我希望黎緊有更多呢頖型嘅活動
或者入耳式耳機嘅試聽會
等我地可以試更多唔同嘅耳機
都係果句啦"地方近啲就好啦"

bbq2005

懷著一片興奮心情，去測試我嘅至愛MR1，點知攪極都入唔到歌，最後唯有用只run左唔夠三十個鐘既N6作測試，整個過程經由錄音大師Rex詳細描述各個細節，内容亦非常專業，我呢D門外漢，好彩我做定功課，睇過活動的介紹片段，知道大慨內容，否則一定一頭霧水。

場地我覺得唔錯，對我泥講係遠咗少少…

原本以為只可以試大耳牛，帶備HD650耳機作測試，去到先知入耳都得，咁就優先試出街用既UE900s，但原來每setup一個耳機同要完成一次測試音樂都需要不少時間，最後只做了UE900s，為免阻延大家晚飯時間，有機會先再試(不過都好微)。

Player與原始檔既比較要有待報告先知，但當日可以透過即時對比，已經“睇到”耳機有幾傳真，興幸我個UE900s中低頻表現都算接近direct output，但係响10kHz果個位就明顯偏差，應該係不同單元分頻位不函接做成，不過好彩我聾聾地，都聽唔出，呢D真係無儀器幫助都幾難發現。

至於在場幾個Philips Fidelio耳機，因為我掛住攪入歌，同兩位靚女吹水，未有時間詳細試聽，加上當日唔夠瞓，就如Rex所講，物理同心理因素會影響聽感，所以呢次唔敢立亂比意見住。

但都有見其他版友提及，關於可以有M2L，又點解無android版本？dac、耳擴同耳機三合一，的確好方便，但諗深一層，唔同android機都有唔同硬件，而M2L係靠由device攞電，電源唔同好難確保機器可以正常運作，除非耳機加內置電池，或者另外再插電，否則都幾難做到可以大部份android手機都可以用到，重要確保有HiRes質素，就難上加難。

呢次對我泥講，並唔算乜嘢比賽，只係想了解多D自己嘅器材，多謝Post76同Philips Fidelio合辦呢次活動。

辛苦哂當日各位，包括好Pro既Rex，言談間令我學識唔少嘢，兩位靚女熱情款待，有飲有食，攝影師哥哥同相入面呢位硬漢…




(Post76 Android 手機版送出)

Emerald_Garden

大家好,我叫Rico
活動當日我係同上既holiday529一齊到場
系同各活動主管傾談裏面亦得知在座大部份師兄都係金耳，所以都知係一個有實力既參賽活動，而音響都係我其一興趣，所以我對呢方面既認識唔太深入廣泛，而系活動裏面有咁多位主辦人既建議都令我覺得有種共鳴感，雖然今次活動地點偏遠，但係各主管都知道參加者大多數都唔會帶水，所以都有提供水同零食，我覺得好細心體貼~ 而且各位主管為今次活動籌備都辛苦la，期待你們下一次活動

chief424

PhilipsI 發表於 2015-4-28 21:12
你好Kenneth師兄, 多謝你咁詳盡嘅分享, 同埋對我地品牌咁讚賞呀
正如師兄提到, 我地Philips Fi ...

唔該晒~

其實Philips呢個brand真係唔錯; 因屋企有7,8成物品都係佢 (電腦mon, speaker, so跑, 吸塵機, 慳電膽, 藍光機)
品質穩定之餘又平,, 對比其他貴幾百的有咁既質素已經唔錯 (我個so跑買左4年, 吸塵機5年都就黎黎緊)
(黎緊仲想買佢個空氣清新機...不過等銀包君有彈藥先XD)

其實本人第一隻耳機都係買Philips, 最記得$98蚊的電腦耳筒, 跟住對比其他的: "咦, 又唔錯wor", 之後就買左隻9850, 9850真係classic的in ear, 玩左一年, 之後放出去, 跟住幾年後就出Fidelio M1, 果陣時諗都唔諗就去馬, 去百記分期買左隻M1

一聽M1就真係好正好正, 雖D人話X1 更好, 但限在銀包君上,同埋唔想買難推的耳機所以都係選M1

跟住之後聽厭左, 換左Sony的, 就諗住放M1

最印象深刻就係放俾個客時, 個客同我講左一樣野: "聽N隻耳機都係Philips耳機先俾到D野我"

所以其實對佢隻F1, 新果D耳機係有期望


(P.S  不得不提Philips的售後真係幾好, 跟得唔錯)

PhilipsI

marcustam 發表於 2015-4-28 22:43
大家好，我是最後一名參加者。首先要在這處同大會講聲不好意思，因我遲到而令大家遲收工，希望不會影響印象 ...

Marcus師兄, 至緊要係最後你嚟到, 放心, 我地一定會等埋你~
比賽係以公平公正為原則, 只會對你嘅耳機 & 器材進行客觀評分, 所以冇所謂嘅印象分架XD

多謝你對Philips Fidelio產品一直以來嘅支持!
我地行性價比高嘅路線, 所以貨價貴左, 即係代表我地產品嘅質素都更進一步!

Rex嘅錄音室設備的確好專業&齊全, 所以你地嘅耳機&器材嘅長短處都會睇通睇透, 走唔甩呀Rex嘅法眼架~
我地稍後會將圖表連Rex對每首歌嘅分析, 以email/郵寄形式俾大家留作參考~

Philips Fidelio討論區呀Yan

PhilipsI

holiday529 發表於 2015-4-29 01:36
大家好,我係holiday529
今次活動亦係我成為post76會員第一個活動
當日同rico一齊到

你好呀holiday529師兄!
好榮幸今次大激鬥成為你join左post76之後第一個活動!

多謝你對我地同呀Rex嘅讚賞!
知道等待需時, 所以大家傾下計交流一下, 感覺時間會快過D~

我地喺下一個試聽活動, 會積極考慮將入耳式耳機列入試聽行列~
比起耳罩式耳機, 入耳式要顧及衛生嘅問題呢~
收到! 下次活動會盡量揀旺區嚟方便大家,
不過今次因為rex嘅錄音室係全港拎到認證嘅幾間錄音室之一, 設備較專業, 希望大家理解

Philips Fidelio討論區管理員呀Yan

holiday529

PhilipsI 發表於 2015-4-30 18:55
你好呀holiday529師兄!
好榮幸今次大激鬥成為你join左post76之後第一個活動!

正呀!
衛生的確係一個幾重要嘅問題
要諗下十幾二十人試同一隻耳機...
所以最好有消毒紙巾提供啦
期待你地下一個活動呀

gb1

PhilipsI 發表於 2015-4-30 18:55
你好呀holiday529師兄!
好榮幸今次大激鬥成為你join左post76之後第一個活動!

Hello, 今次活動好好, 可以比我們知道自己器材特性. 多謝Rex 很有耐性同我講解.
我亦趁機試試 X2, 真的很好, 下次換機會考慮它.