on99玩膠膠

awckin · 發表於 2015-5-3 19:21

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 awckin 於 2015-5-3 19:21 編輯

見咁多ching玩膠膠，一路都心思思想玩。但d盤好似好貴，又有好多野set, 又要好多架生先玩到, d架生又唔平，亦都驚家中小孩會攪破壞，一路都15，16。

但呢排見多咗人玩入門盤，價錢親民咗，又好似冇咁多野要攪，易玩咗。最後敵不過誘惑，決定入個平平地嘅試玩吓。就算自己冇耐性攪或者俾靚仔整壞都唔太傷。

本來目標係technics 1200，但一路搵唔到部靚仔嘅，價錢又唔係真係咁平，佢年紀又唔細，再加上呢部機係mod機欣物，自己咩都唔識驚唔知買咗部咩返來。

見有ching入部audio technica 120都幾靚仔，就諗住去旺角試吓。但同一個ching吹開水，佢就介紹sherwood 9906同teac 300俾我，話sherwood就好聲d，teac就好樣d。再check下個價錢sherwood平teac一半，又易玩d所以就去馬。

我對黑膠真係0知識，以為呢隻盤只需插好個頭，冇乜野攪，好簡單一定攪得掂。攞到返屋企，跟住說明書插好晒d野，以為攪掂晒，一開機……d聲好似係咁跳線咁完全聽唔到{:9_412:}

對住本說明書，遂個字睇再set, 攪咗成晚都唔掂，感到好挫敗，bb盤自己都攪唔掂。好在有全能嘅internet，上youtube搵教學攪掂個唱重同anti skating。再開聲，好感動，攪咗一倫終於出到聲。一開聲好明顯係同cd係兩種感覺，個種密度，感情同高低頻同cd好唔同，好吸引，好柔和，好舒服，好耐聽，較大聲d都唔覺炒耳

但聽咗一倫始終都好似有層紗罩住咁。同一d ching傾過，可能同跟機嘅rca同電源線有關。個盤好平，唔想投資太多落去，就去秋記買個8字轉插等可以用返自己d電源線。再開聲感覺部機俾野谷盡咗，d聲好恆，但層紗都仲係度。再請教ching, 可能我個唱重較得重得滯，個唱頭原來係1.75g到2g(說明書只係話2g)。較低到1.75g之後層紗終於冇咗，開心晒。諗住張個anti-skating較返1.75，點知d聲返而怪咗，用2仲好聽。

同另一位ching傾開d聲恆嘅問題，佢提我試吓轉吓d金仔跟機電源線,rca線，話係好野來。返到屋企一轉堅掂，d聲有感情咗，平衡返，唔會再好似所有野湧晒埋來咁。係換碟嘅過程中，再發現唔一定係加唱片鎮先會好聲，原來我聽d歌唔用佢d聲反而會活潑d冇咁實

聽咗膠雖然唔係好耐，但已深深中毒。佢除咗聲毒之外，每個細節嘅輕微調較都會令聲音有改善。好似打機過板一樣咁會另你上晒癮咁不停去發掘，過程個滿足感好大。