嚇死人咩. 個心離一離呀.42個不同版本既 true blue

takeishi

近日呢~有朋友whatapp左呢相俾我睇.
問我有無佢咁勁........
我睇完之後呢. 真係簡直目瞪口呆呀.
我又點會有佢咁勁 (傻仔) 呀.
總共有42張全世界各地不同版本 Madonna 既 true blue 專輯大碟CD
有日本版初版啦. 日本24K金碟版啦. 有台版啦. 美版啦. 英版. 德版.各式各樣. 其實. 講真. 不外乎都只係一隻9首歌既 true blue, 最多都係Remastered版多兩隻remixes.  


嘩~真係嚇死人咩. 個心離一離呀
如此震撼既場面~梗係要擺上黎同大分SHARE下啦.


不過你問我~我就覺得無咁既必要咁樣儲野法. 幾拾個唔同版本又點呀.
不外乎未又係果9隻歌. 有朋友問我~咩你唔覺得好有滿足感既咩??  以前就可能會覺得既.
不過呢家你問我. 我真係唔覺. 相反. 越買得多就越唔會滿足. 越儲你就越覺得自已唔夠.
買碟都係為左聽歌. 崇拜偶像都都係最好適可而止, 否則會變左玩物喪志. 適得其反.



  我就無42個版本咁多啦. 我得6個姐. 咁多年來買落既Ture Blue都的確唔小.
不過我既中指 (宗旨) 就係. 偶到價錢合理既先至買. 又或是去開旅行搵到先至買.
我就唔會專登去ebay度同人爭既. 天價既碟更加唔會買. 我絕對唔支持炒風既.  



每個人既價值觀都各有不同.  去老蘭浦既心態. “含不到的洋腸是酸的” 既道理一樣.
一味盲目崇拜或者係收藏. 倒不如學下點樣去欣賞重好啦.


呢個係我好友的珍藏~原裝Official宣傳海報+白版ture blue專輯CD
儲都要儲得醒D先得架. 好似我朋友咁. 儲就儲最RARE既版本. 加埋其他周圍更顯珍貴.
我就比較BUY咁樣儲, 而唔係儲42隻無無謂謂咩鬼狗屎垃圾版本都買. 晒氣.  

cwyip

一隻cd收藏6個版其實都好多了

kongchai

師兄
請教一下
True Blue 西德銀圈二手價多少才合理呢？

takeishi

cwyip 發表於 2015-4-16 15:12
一隻cd收藏6個版其實都好多了

  買幾個版本真係在所難免架啦. 呢隻野出左成廿幾30年啦. 最起初買果隻CD, 音質真係好一般.
後來追求好些的音質所以去買日本版. 音質好小小啦. 再過十年後. Remastered版. 當然唔可以錯過啦.
所以. 一隻好既專輯. 通常都會買幾個版本既. 我發覺英文碟算係出得小架啦. 中文碟再版多到嚇親呀.

takeishi

kongchai 發表於 2015-4-16 15:38
師兄
請教一下
True Blue 西德銀圈二手價多少才合理呢？

  我其實都唔係好識分銀圈版有咩野唔同架.
我就有兩隻所謂既銀圈版. 一隻有內圈. 一隻無內圈. 兩隻都係西德印制.
最早期買落一隻係百幾蚊. 另一隻早幾年前晌二手店買既 $80蚊.
講真呀. 超過1百蚊都叫貴啦呢隻. 當年出產量多到死呀. 好彩的話信和十樓60蚊都搵到呀.

kongchai

takeishi 發表於 2015-4-16 15:56
我其實都唔係好識分銀圈版有咩野唔同架.
我就有兩隻所謂既銀圈版. 一隻有內圈. 一隻無內圈.  ...

唔該晒師兄
我見過第二張圖
上面的銀圈版
在二手店買超過二百
好彩冇入手啫 !

takeishi

  CD 我就有6張, 圖案碟都有3張. 黑膠都有幾張. 其實我都幾過份下架.
不過都真係得呢隻我係咁樣買咁多架昨. 其他既碟都唔會咁買法架. 因為我特別鍾意TURE BLUE呢隻碟.

Will

估唔到24k版都出過@@

cwyip

kongchai 發表於 2015-4-16 16:04
唔該晒師兄
我見過第二張圖
上面的銀圈版

Madonna 碟不用專登揾西德版  舊美版no ifpi 已非常ok ebay 五六十蚊有未計shipping

Cheong448

買碟都係為左聽歌. 崇拜偶像都都係最好適可而止, 否則會變左玩物喪志. 適得其反.