[劇透]《衝鋒車》︰過癮好玩

粗人敵卡

本來我係因為套戲卡士︰任達華、吳鎮宇先入場睇，估唔到套戲令我喜出望外。成套戲情節充滿黑色荒誕，對白抵死，各個演員做得幾好，笑料唔係小弟麻麻嘅硬滑稽。
套戲大致上講吳鎮宇坐完花廳出嚟，諗住叫哂之前班兄弟打劫，之後將鄭浩南架小巴改裝成警車…打後情節令我諗起《一個字頭的誕生》，有一幕幾好笑係吳鎮宇一班人諗住打劫，撞到兩個想強姦女仔嘅人，佢哋之後除哂嗰兩個男人件衫，搶完錢報埋警 嗰幕對白相當精警！
最好嘢一場戲應該係吳鎮宇一班人去打劫運屍車，居然撞到同樣冒警姜皓文一班人，吳鎮宇佢哋之後警察上身捉佢哋。譚耀文無啦啦俾姜皓文班人捉咗，姜皓文佢哋攞譚生手機，爆咗譚耀文一段傷心往事。最後嗰場追車場老實講小弟覺得有少少誇張，但係充滿喜劇感，碌齡嗰幕夠精彩。
講吓古巨基同邵音音嗰場戲，係成套戲小弟認為幾溫馨嘅一場，仲有任達華同吳鎮宇等人失散，佢同個細路女(個細路女點嚟，自己去睇)整個皇冠，打後佢打返俾自己廿幾歲個女。
總括而言，成套戲劇本寫得幾好，每位演員演出精彩，唔錯嘅港產片

alleelarry

版主剛從日本回來，手上有換票証但還未看，暫未能加入討論！

粗人敵卡

alleelarry 發表於 2015-4-12 19:41
版主剛從日本回來，手上有換票証但還未看，暫未能加入討論！

應該啱師兄你口味

alleelarry

粗人敵卡 發表於 2015-4-12 19:42
應該啱師兄你口味

單看造型已經有入場既理由！

jayjay

alleelarry 發表於 2015-4-12 19:52
單看造型已經有入場既理由！

作為一個香港人，見到近排港產片愈來愈生性，真係非常感動！！
希望日後有更多好似《衝鋒車》嘅港產佳作！！

alleelarry

jayjay 發表於 2015-4-12 21:00
作位一個香港人，見到近排港產片愈來愈生性，真係非常感動！！
希望日後有更多好似《衝鋒車》嘅港產佳作 ...

jayjay 都入場睇左定勒！

jayjay

alleelarry 發表於 2015-4-12 21:37
jayjay 都入場睇左定勒！

近排忙，忙到連《狂野時速7》都未有時間睇，月尾我應該有時間睇埋呢幾套！

mike384

睇左, 有意外驚喜!!
呢套劇本真係寫到好搞鬼!!
好多象徵野, 另我諗起[讓子彈飛], 不過呢套更親切.
老實講, 小弟向來認為吳鎮宇太浮誇, 唔係太喜歡的, 但呢套的戲本夠哂FF, 啱哂佢!!!
入面有唔少對白, 事件係關於對[正邪對立], 真係有其獨特一面, 讚!!!
超人之所以冇錢又做到英雄, 係因為底褲著係面?

SonSon

個個造型都夠晒出位

粗人敵卡

mike384 發表於 2015-4-13 11:14
睇左, 有意外驚喜!!
呢套劇本真係寫到好搞鬼!!
好多象徵野, 另我諗起[讓子彈飛], 不過呢套更親切.

吳鎮宇小弟稍為欣賞係佢喺無間道2做大佬
無咗佢一貫七情上面演出