新手想請問買耳擴

water16777

本人一直長用數年前購入的COWON S9+UE 5PRO 至聖誕前....
因為日圓下跌的關係...又咁岩去左一次日本....就購入了IM03 之後就發現COWON S9 呢部老舊MP3 好似唔係好滿足到我...
於是我就試下用屋企的NAD D3020 試推一下IM03...結果出來的聲音好奇怪...齒音跟高音好似消失了...低頻亦失去了彈力...
聽感比我的IPHONE 6 還要差似的...於是在經過幾個晚上......終於.................................

入手了一部二手DX90 ....我覺得各方面都比S9好太多了...但感覺上還可以有更好一點...
於是開始打算搵番部耳擴但又唔知點開始搵起...有爬過文...ONKYO HA-200 跟DENON DA-10 TEC-50 好似都唔錯...
其實我係應該搵淨AMP 還是AMP+DAC?
主要聽J-POP...少量中文...少量ROCK...梗要說的話比較喜歡女聲...

Andykong

建議聽多一陣，等 IM03 煲好，自已又聽熟了 DX90，有比較清晰的升級方向，才再決定也不遲。

真要 upgrade 的話，我建議換 player 好過加擴，因為 IM03 本身不算難發揮的耳機，可以 DAP 直推也發揮得不錯的，如你是用緊較難推的耳機才考慮加擴也未遲，橫掂你部 DX90 二手入，賣出換機也不會蝕入肉。由 DX90 向上望的話，可考慮 QLS QA360, Cayin N6, Calyx M, AR -M2 這幾部，到 IM03 煲到穩定，帶耳機去慢慢揀吧！

water16777

多謝呢位師兄的意見....其實之前係想買DX90之前...係諗過好唔好買個DENON DA10 直接用IPHONE +DA10咁樣出...

Andykong

water16777 發表於 2015-4-10 01:57
多謝呢位師兄的意見....其實之前係想買DX90之前...係諗過好唔好買個DENON DA10 直接用IPHONE +DA10咁樣出.. ...

那是完全不同的使用模式，要看個人的選擇了，很難說那個方法較好，只能說那個方法較適合自已了！

maleo

water16777 發表於 2015-4-10 01:57
多謝呢位師兄的意見....其實之前係想買DX90之前...係諗過好唔好買個DENON DA10 直接用IPHONE +DA10咁樣出.. ...

既然師兄心大心細, 我建議你帶你隻耳機去出面試下一啲DAP同AMP, DAP嘅樓上師兄已經講咗一啲, 個人認為可以試下同DX90同價嘅Fiio X5, 都係唔錯嘅選擇呢, 到時發現DX90唔啱聽, 大可以二手放翻出去啦, 唔會蝕太多嘅. 如果試到部啱聽嘅Apple DAC/AMP, 到時再諗佩iPhone定入二手iPod都唔遲

Andykong

maleo 發表於 2015-4-10 12:42
既然師兄心大心細, 我建議你帶你隻耳機去出面試下一啲DAP同AMP, DAP嘅樓上師兄已經講咗一啲, 個人認為可 ...

講聲我個人認為 DX90 好 X5 小小，但操控和實用考慮就 X5 強！

等耳機煲返 100 個鐘先啦，短期內連環升級好易迷失架，沉澱下係好事，可以玩得更長遠！

ph0381

咦原來我同樓主聽歌取向都幾似, 不過唔聽中文, J-rock就聽多d
我覺得x5比dx90暖聲少少, 聽pop類比較合適
而且如果係rock dx90略兼冷靜左dd
樓主不妨真係出去比較下，可能就唔使使太多

USA2010

"我個人黎講耳牛先會考慮AMP,用入耳就直推務求達到最輕便既狀態"
當然呢個只係我個人既睇法啦

而家既DAP選擇多左咁多既時候
亦都應該試下符合自己預算既DAP


而DX90有同軸和lineout，兩個出黎既聲又唔同,樓主都要考慮下呢一點

maleo

Andykong 發表於 2015-4-10 14:40
講聲我個人認為 DX90 好 X5 小小，但操控和實用考慮就 X5 強！

等耳機煲返 100 個鐘先啦，短期內連環升 ...

絕對認同師兄所講，唔應該連環升級，如果唔係好易玩殘自己！

其實我原意係assume樓主已經聽左自己套野一排，覺得唔夠先考慮加擴，所以我就認爲係DX90唔啱味所致，我先叫樓主出去試下唔同機！X5 算係同價位幾好既一部啦

Andykong

maleo 發表於 2015-4-11 04:02
絕對認同師兄所講，唔應該連環升級，如果唔係好易玩殘自己！

其實我原意係assume樓主已經聽左自己套野一 ...

如果推 IM03 聽 JPop，我估 DX90 會啱味道過 X5 小小既！