【會前後分享有著數】數碼新時代家庭影院制式分享研討會

jamesbond

無份出席研討會，好慘，希望贏番一隻 Dolby Atmos 試機碟。想揀天龍嘅擴音機作升級對象，首先係佢有優勝過對手之處。其他牌子就算旗艦機都係得2粒DSP，而Denon同兄弟Marantz嘅高階機就有4DSP核心，運算能力高人一倍。重有D&M係而家唯一有Audessy嘅牌子，room correction功能勝人一籌。甘點解又唔揀Marantz？因為根據美國著名影音雜誌Sound & Vision嘅專業測試結果，一直以來Denon都係力水雄渾充沛，遠勝Marantz。再加上Denon係Made in Japan，當然零舍矜貴!

lw3000

今日電話請教 denon william 怎調教5200玩 auro 3d, 佢真係好有心不停地解決我嘅問題. 最後我問佢5200是否冇得update dts x firmware ! 佢話還沒有消息但佢補充其實DTS X 技術沒有突破 , 只是在 atmos speaker setting 上調節訊號, 所以他說無須急換amp

chhanthony

lw3000 發表於 2015-4-14 22:21
今日電話請教 denon william 怎調教5200玩 auro 3d, 佢真係好有心不停地解決我嘅問題. 最後我問佢5200是否 ...

由channel base 轉做 object base，
喇叭任擺呢個突破都唔細，
當然要到時聽過先知龍與鳳。

孤身走我路

lw3000 發表於 2015-4-14 22:21
今日電話請教 denon william 怎調教5200玩 auro 3d, 佢真係好有心不停地解決我嘅問題. 最後我問佢5200是否 ...

唔好比我批中，今年內出個啲AMP，不論入門又好，頂級都內置DTS X呢種聲效……

大家不妨忍吓手，睇定啲……

kcmak43396

參加咗第二場, 威廉Sir原先安排先以Auro3D之5.1.4.( 再加4合1之天空喇叭),設定, 之後再以Atmos之7.1.4設定, 試煉Denon AVR-X7200W之威力, 可惜由於部PC唔爭氣, 最後只能以Auro3D試聽全部之分享影片。
而試聽了Auro 3D,在高低兩組喇叭所造出來的包圍感同空間感, 都有置身於影片內之3D立體效果，與Atmos由天花向下喇叭之方向性有明顯分別, 喇叭配置更易入屋(可不需天花向下喇叭) 及具彈性。而Denon AVR-X7200W之內置 9 聲道功率放大器及四粒 32 bit DSP, 對整體音場連貫性, 分析力及推力比X5200有明顯優勢分別。
現時家中嘅影音系統組合如下:
Amp:Onkyo TX-NR5007;
Power Amp : Ediscreation MK2
Player:Philips BDP9700; Pioneer BD-450;
Speaker:Monitor Audio GX-100 (Front),GX-C150 (C), RX-FX (Surround) ;Audio Pro M1 ( Front Height), Sunfire HRS-12 (Subwoofer);
Display : Panasonic P50VT30H (TV), Panasonic AE-2000 (Projector)

Amen

去年8月視聽展首次感受auro 3D之環繞聲，初步了解結構，觀賞auro 3D試機碟內之電影片段，Mr Peabody & Sherman 及Rise of the Guardians五星大聯盟，兩者均為Dreamworks 之動畫電影，包圍感，移動方向感，空間感等非常出色，由於會展樓面十分高，Auro 3D 之三層音效得以徹底發揮，尤其頭頂之Voice of God 令片段如身處其中，但我腦海中隨即產生疑問，香港大部份發燒朋友之視聽空間很難有高度設置三層喇叭，亦未有任何影碟有Auro 3D 聲軌，示範器材更是歐洲名牌，價格高昂，不易普及， Auro 3D曾出現於旺角新世紀廣場嘉禾戲院（現在UA 戲院之前身），但很短時間已消失，當時只在影音雜誌知悉，未有機會於戲院親身感受，幸得影音名牌天龍引入可供付款升級於現有擴音機才令發燒朋友以能夠負擔得起之價格一嘗在家中感受Auro 3D之效果（發燒友總是貪新鮮！包括在下！）非常彈性地讓我們考慮清楚甚至在天龍試音室（比起會展聆聽環境更實際！）試過，聽過才決定是否付款升級，反正到現在仍未有Auro 3D影碟出現，到時才決定！
自1997年首部有DTS 數碼聲軌之電影（侏羅紀公園）影碟能讓我在家中享受全數碼編碼，5.1全頻獨立聲道開始，便覺得DTS 比較Dolby Digital 靚聲，因DTS壓縮比3:1，而Dolby Digita壓縮比12:1，聽到更多細節，DTS是DVD官方指定編碼，在下當年珍藏數隻DTS Demonstration Disc 更是試機天碟，據悉因此等試機碟每段電影片段只是數分鐘，能用盡碟內容量去收納DTS音軌數據，故比較同一電影DVD內同一段片段，試機碟會更靚聲！到Blu ray無損壓縮編碼年代，雖則Dolby True HD已不存在較高之壓縮比，個人仍偏好DTS-HD Master Audio。數年前我曾在中環安蘭街kef showroom參加試睇會，當時主角是Yamaha旗艦11.2聲道擴音機，印象最深刻一幕是播放五星級大鼠Blu ray,老婆婆開雷明登獵鎗射天花，天花板與吊燈塌下，無數老鼠跌下，那聲音極為像真，靠的是前面一對及後面也有一對之front height 及rear height 喇叭，當時我心想將來會否發出真正由天花之聲音？轉眼間今時今日真正天空聲道Dolby Atmos已出現，早前我在中環亞洲影視參加Pioneer LX88 旗艦Blu ray player試睇會，終於讓我再重温這一幕，今次天花板開始有子彈孔，裂痕至到塌下來，所有聲音真正由天花喇叭發出！（雖則也是由擴音機模擬上方聲道，因這套電影仍未有Dolby Atmos聲軌）但效果已十分好，聲音由天花喇叭出聲。 數月前於旺角參加試睇會，首試有真正Dolby Atmos聲軌之變型金剛4，戰機由畫面飛向我後面，聲音配合得好好，亦在中環米樂音參加試睇會，除增加天花4隻procella喇叭外，側面喇叭之高度也有所調整至低一些，更有層次感，比去年會展之效果更進一步，在數間專業陳列室聽過Dolby Atmos之效果，相對Auro 3D,個人覺得Dolby Atmos較適合我，因家中樓面高度一般，軟件數量增加中，剛出了Gravity，反觀Auro 3D 是Channel-based，一隻碟都未有，故此我暫不考慮。  
近年Dolby Atmos由戲院開始進攻家庭影院，但我去年在會展與朋友傾談時已覺得DTS 應該不會讓Dolby獨大，等到現在才公布規格，雖則好像遲過Dolby，但我覺得DTS雖則也是object based, 卻更先進！喇叭擺位更彈性，可與Dolby Atmos喇叭擺位兼容， Denon,Onkyo,Marantz,Integra,Pioneer,Yamaha, Theta Digital,Steinway Lyngdorf P200,Trinnov Audio Altitude 32等已宣佈會有擴音機支援DTS : X， Dolby Atmos, Auro 3D, DTS:X 技術亦會在今年登陸到 3 大 DSP 訊號處理晶片生產商 Cirrus Logic、Analog Devices 及 Texas Instruments 的產品之中並提供各類OEM/ODM廠商製作播放器等產品。
DTS:X並不限於特定的揚聲器配置方式，也不侷限於特定聲道，能適應觀影環境，讓我的揚聲器得以靈活組合達到最適合觀影空間的配置。DTS:X能更準確地傳達音效的流動，創造更豐富的音景娛樂。過去只能藉由把聲音物件移至聽者四周特定位置才能達到這種音效環繞效果，相較之下DTS:X是能將聲音完全依照混音器設定，從觀眾前方、後方、上方或身旁發出。我覺得家庭影院環繞聲制式能成功進駐每位影音愛好者家中最主要因素不單是制式有多麽先進，而是軟件數目！尤其是荷李活大製作，因是試機必備！HD DVD敗給Blu ray之原因大家有目共睹，DTS擁有22年電影音響製作經驗，過往大電影重出Blu ray如星球大戰亦使用DTS HD MA,證明電影商重視DTS,
綜合個人口味與以上各項因素，我最期待將來在家中升级玩的是DTS : X配搭4K Blu ray。

sherman

我自1992年開始玩影音，首部影音擴音機是天龍，金色機身兩邊桃木，配pioneer LD 機在家中欣賞電影，覺得2隻後置喇叭細聲，無論怎樣調校也無改善，造訪當年位於康樂大厦地庫的天龍陳列室，經店長阿成詳細解釋予我這影音初哥，才知道當時Pro Logic年代，後置喇叭2隻卻只得1個聲道，更不是全頻，故我覺得音量細，他態度親切，分享心得，自此我便經常探訪，獲益良多，在當年中環舊萬宜大厦商場有多間影音店，我想買CD機，見有部天龍CD機好型，問價，數萬元！嘩！店員說只買它無聲出，這是CD Transport，要買埋這部天龍獨立解碼器才能運作，兩部加埋9萬元左右，我後來才知道這是天龍旗艦產品，我買不起，只買了天龍2560GL
CD機及一部收音機，2部都是金色機身兩邊桃木，襯托家中部擴音機，3部天龍機好滿意，到1996年THX年代轉玩天龍AVP –A1 THX前級， POA-T2 THX 2聲道後級，POA-T3 THX 3聲道後級，聽了多年喜愛天龍之音色，後來天龍陳列室結束，好可惜！2008年我曾參加位於北角海逸酒店地庫之試睇會，天龍鑑聽級THX Ultra2認證AVP-A1HDA前級，POA-A1HD 10聲道後級，嘩！勁！至今難忘！2009年於尖沙咀Hi Fi Gallery聽當時的天龍旗艦擴音機，播電影地球毁滅密碼Knowing,民航客機墮毁一幕，十分有層次， 聽到好多不同聲音，動態超強又不亂，而非炒埋一碟，天龍解碼做得好好，7200WA搭載4顆32 bit Sharc DSP晶片可能為了專門Dolby Atoms之運算能力，有11.1聲道處理及13.1聲道輸出，既然有這設計，應該知道用家需要2聲道後級，我眼見近年其他品牌也出前後級，非常期望天龍再推出旗鑑分離式前後級，2聲道，5聲道及7聲道等，讓用家可自由配搭，Denon 7200WA是日本製造，發燒朋友始終對日本製造有情意結，日系牌子可玩盡三個制式的只天龍與馬蘭士，非常彈性地讓用家選擇付款升級玩Auro 3D, 對於不玩Auro 3D的用家公平，天龍有100年歷史,過往出機貴精不貴多，像某牌子那麼多型號，星球大戰大導演佐治盧卡斯30多年前說'好的聲音是電影的一半'，今天家用擴音機不單只用作欣賞電影，欣賞演唱會，聽CD 與智能電話內的音樂，近年天龍擴音機的音樂感提昇了很多，已不單是音效夠力炸機，而是真正能影音雙全，暫時市場只得天龍7200WA有HDCP  2.2及對應所有4K Ultra-HD訊號（4K 訊號有多種），甚至日本的4K衛星廣播與互聯網上的4K視訊意味著支援年尾面世的4K Blu ray, Denon Link更是天龍一大強項，我深信將來天龍面世的首部4K Blu ray player應該有更先進的Denon Link配合7200WA,Denon 開發了具備獨特功耗管理功能的新型 Eco 模式，既環保又不降低性能和音質 ，鍍金端子，ISF Certified，Denon獨家之D.D.S.C.-HD32線路，及　AL32 Processing Multi Channel，Audyssey MultEQ XT32自動音場設定等 ，我期待下次升級玩天龍最先進的擴音機及4K 藍光播放機！

wil-wil

登 ... 登 ... 登 ... 終於都有得獎名單可以公佈邊位師兄玩家有幸試玩到天龍旗艦擴音機嘅時候!!! 兩位玩家分別係: kcmak43396 及 胡彬。兩位玩家將可分別安排於下星期尾 或 再遲一星期左右試玩到 Denon 旗艦 AVR-X7200W 擴音機約一星期。煩請兩位幸運兒以 PM 提供閣下之真實姓名、聯絡電話 及 收送地址 (收送時間為星期一至五辦 10:00 - 18:00)

另外：贏到 Dolby Atmos 試機碟一隻嘅會員分別有: jamesbond 及 Amen，同樣煩請兩位 PM 提供閣下的真實姓名、聯絡電話 及 電郵地址，我們將另行安排有關領獎詳情。

再一次多謝大家支持今次活動，謝謝!!
-----------------------------------------------------------------------------------------------------------------------------
Post76 玩樂網 齊齊與您 ...
「玩樂連場、越戰越強」

kcmak43396

wil-wil 發表於 2015-5-1 01:56
登 ... 登 ... 登 ... 終於都有得獎名單可以公佈邊位師兄玩家有幸試玩到天龍旗艦擴音機嘅時候!!! 兩位玩家 ...

多謝被Denon及Wil總選中。
要預備d嘢，在這1次試試這部X7200.
(Post76 Android 手機版送出)

胡彬

今天有幸被抽中試玩Denon AVR-X7200W，一向無抽獎命的我，真係連自己也不敢相信，首先要多謝will 兄及Denon 代理提供此次機會。另外更意想不到，所送來的竟是一部原封新機，作為一名試玩者竟可享受埋拆箱，撕膠紙，總覧機內全新配件這過程，真係開心到呢⋯⋯ 就連在開箱期間，家中大人亦話「有無咁著數呀！買新機就買新機喇，又用呢招呃我⋯⋯」好喇！講番本身已一直用開AVR-4520，盒內配件可原封不動，用返舊有配件操控。玩咗排之後，不如就寫下作為用家對兩者之間所比到的感覺如何。





首先在分別上 - 以4520相比，以用家角度覺得第一個最大分別就是有Atoms同無Atoms，其次就是wifi。另外果啲窩心配件、Input auto matching、改變喇叭位置輸出等相信都不會是最大換機原因。新機背部端子位置稍有改動，尤其是喇叭插頭在低部一排過，在掹插上的確方便咗。況且在試聽會中一聽Auro 3D，真係愛死這制式。個人上期待Auro 3D 的確比Atmos大得多。而7200亦是一部可升級支援Auro 3D 同遲下DTS:X 嘅型號，對此機真是十分喜愛，更重要的 "made in Japan" 是不可或缺。





設定上 - 用緊4520 的我，有得試用7200，雖然多了Atoms，但在未有裝置天花喇叭原固，天花喇叭責任只交比對FH負責，都知道效果一定不達理想要求，但相信總無人為只七日試玩來大興土木，而其他設定亦參照4520，只作一次auto Audyssey set up 便可。而在set up 過程中，7200 新加以圖表指示各測試點位置，逐個跟住做，的確唔錯！



2 ch Playback - 這功能是把前置在聽2 channel 時設定以大喇叭全頻輸出，呢個新加功能可說是比到實用及貼身，大家都知AV Amp在設定surround 喇叭時通常都將各喇叭包括前置都設為細喇叭，好使低音責任全交給SW。但當聽 2 channel 時如不把前置轉回大喇叭時，用sw出低音就總覺得怪怪地，而且好多用家果對前置亦具質素，這設定可省卻轉來轉去的麻煩。撇除AV Amp在2 ch 上的先天性差距，Denon 設計此功能，可反映出廠方對7200 在2 channel 上的信心。


力水上 - 由於一直都是用開Denon，而且過往都有加後級，今次因只是試機，而且只得一個星期，咁就不如比部後級放下假，一部 7200 推 5.1.2。用 4520 時 Volume 一直都要到負十幾先達到地動山搖感覺，但7200 去到負二十幾已好夠聲，若不是今次在數字上有轉變的話，理論上即係輸出的幅度也加大了不少！而且，有很多人話近代的 Denon 已無了以前兇狠的打心口感覺，變成軟腳龍。其實以前嘅兇狠有不少人亦話欠缺細緻、音場，只有死力的垢病。其實，依家的 Denon 可以話一樣好爆，只要在設定中花多時間，想要埋身、空間感、低音壓迫感等口味亦可悉隨尊便。況且依家新嘅制式都致力追求營做空間、包圍感，這可算是不謀而合。

今次由於時間所限，只用熟悉的忍者龜、老變3、夜神再起、明日之後、數隻演唱會來玩下個 Atoms 嘅制式。初步試在環繞、定位同空間的確有所不同，但分別不大，只是在演唱會的觀眾拍手及和唱表現中分別稍大，相信亦都是喇叭擺位問題而影響表現。



玩過呢部7200，雖然對佢愛不釋手，只怕情深緣淺。況且文出之日，更新款的7200wa亦已見街，另外原用4520落地日子也不多，表現更是十分滿意。若是換機的話不但額外花錢，搵人接收也是相當費神。以一個影音窮鬼來說除投資落新器材上要考慮外，舊器材處理都是煩惱的著眼點。