日版CONCERT/影音BLU-RAY晒冷區 (更新: 28/JULY)

Hon

睇完VERSA兄既日版碟大分享後, 搞到自己都痕痕地貼返D日版既CONCERT BLURAY出黎俾大家睇下, 但數量上真係太少, 我諗對VERSA兄既存量黎講真係冰山一角, 但點都好SHARE出黎俾大家睇下都好既, 最後都係嗰句, 存量太少, 請勿見怪...

先黎睇下我得嗰幾隻既側面先...




下面就係每隻碟既故事...

Hon

先黎人生中買既第一隻日版BLURAY演唱會, 就係...

NOBODYKNOWS+



相信無咩人會識呢隊RAPPER, 因為真係好冷門下, 但其實佢D歌我覺得真係幾正, 嗰陣我仲特登落信和買返佢既CD黎聽, 好彩冷門所以好平就入到手.

如果有CHING玩過NDS隻應援團的話, 佢入面既隻歌其實係佢地唱既, 但都好陳舊下LU, 依家拎出黎睇返都真係幾好笑.

唔阻大家, 請欣賞.

Hon

跟住就係我第二隊鍾意既日本樂隊, 佢地就係...

PERFUME ... 同電影PERFUME同名

如果問我點解鍾意, 可能我會話第一次接受電子音樂同埋我都幾鍾意睇輕輕鬆鬆跳舞唱歌樂隊.
成員靚唔靚就見人見志啦, 但我真係為聽歌同睇跳舞為主, 如大家喜歡的話可以去YOUTUBE睇下無妨架.

Hon

再黎就係佢...




呢個唔駛介紹都應該大把人識佢啦.

Hon

再來梗係唔小得佢啦....





又係一位可以話係正到無朋友既歌手
呢隻BLURAY當時係我睇過畫汁最掂既CONCERT之一, 完全同响日本睇高清TV無分別.
歌正畫汁正唱得又掂.

Hon

然後到佢....

大塚愛





想當年應該好多人LIKE, 我以前有個朋友直頭飛去日本睇佢既CONCERT, 但如果問我係咪好LIKE既話,
我會話... BABY FAT佢係有, 但對我黎講最多都只係買呢隻BLURAY黎睇下, 因為打後既作品... 我唔多識欣賞

Hon

到最後啦, 當然又係佢啦


封面係一格格不同既幻變圖, 好正呀



拎開個外紙套後就會睇到成張都係幻變圖, 仲正



呢隻唔算得上係CONCERT BLURAY, 其實只係MV CLIPS合集, 但其實我都想佢出好耐, 因為想當年我搵佢地既MV黎保黎都搵左好耐太都未齊, 咁啱呢隻起碼有D我好想睇既新MV加在內, 可以話係掂呀.


好啦, 到最後俾我搵到隻咁既野


又係長澤雅美.
想當年响日本買唔到任何抵入既BLURAY而入左佢, 我知依家好似斷晒貨, 所以我要好好珍藏至得.


日後再有任何正碟再出POST同大家開心分享下
BYE BYE

frankieccc

perfume 好似出左隻新live,大大入手左未？
大塚愛當年好鐘意，但同大大一樣後期d歌唔識欣賞，呢隻bd我都有入，我仲有埋台版同日版dvd版

Hon

frankieccc 發表於 2015-3-24 00:04
perfume 好似出左隻新live,大大入手左未？

無呀.

我知佢一路做日本巡唱一路都有出BLURAY, 但... 實在太多.
講真, 我個人鍾意還鍾意, 除非佢係超喜愛不可嗰隻(好似MATRIX咁), 否則我真係買一隻最大型既黎睇就夠啦

Versa

師兄的分享都好正，又詳盡。小弟文筆差，分享文真係拍馬都比不上。

小弟見識少，nobodyknows+ 呢隊組合小弟真係唔識，但NDS應援團我當年都有玩（玩到熱血沸騰果隻） D歌邊個唱冇乜考究，只記得爆機果隻係《電車男》主題曲。nobodyknows+... 等我上網留意下先～

Perfume的電子音樂風格我都好喜歡，好多歌都好易入耳。還有招牌的短裙高跟鞋都係佢地特色

宇多田光果隻都好正！

平井堅... 當年因為果套《世界中心呼喚愛》超鐘意《瞳を閉じて》。

長澤雅美... 我既女神《IQUEEN》唔知而家買唔買到呢？有我都想買隻來收藏！