本帖最後由 hoyin13 於 2015-3-14 04:01 編輯
終於開完箱, 有時間包一包膠
今日試機碟, "Olivia Ong - 夏夜晚風 Live"
1. 今日第一個試聽的係 Sonus Faber - Toy One
a) 一開始用馬仔 PM8005 推佢, 把聲係好 Fat 好圓潤的, 力度都覺得夠, 音場 ok, 但自己覺得 d 女聲比較蒙, 同分析力不足,低音一舊舊, 不是自己 cup of tea.
b)之後我同個哥仔講話蒙, 佢就換左另一個 amp 比我, 唔記得咩牌子, 個 model 好似叫 Kandy, 一皮多 d d, 一推落去 d 中音同低音都清晰左, 音場闊左, 但又夠力 wor, 高音同 PM8005 就差不多
c) 跟手換左隻 ELAC-BS243 我試 (第一次聽 ELAC), 一開聲就所有野好平衡, 高中低音都清晰有力, 定位唔錯, 音場就比 Toy One 好
d) 之後我話想試下 B&W CM1 同 CM5, 一開口已經知唔係自己野, 離箱感好低....
e) 跟個哥仔開始知我想要咩, 就比左部 around 10K 既 Denon (MIJ) 的去推 Toy One, 估唔到 d 高中音即刻出返哂黎, Drums 既 Hi-hat 餘震聲都聽到!
2. Creek 100A 2ch Int Amp
因為係輝X 完全冇我想要既 Speaker, 佢就用左對 2 皮既英國喇叭黎比我試(好似係 Spendor), 嘩呢部野真係好淡定+好力水, 開大聲時感覺力量好大, 而且仲有好多係後面, 可以一浪浪咁推出黎, 好有層次感! 之後我叫佢開細聲, 聽得出好淡定, 好穩陣, 細聲得黎首歌既樂器聲 details 都清楚聽到, 而且唔會悶, 真係唔錯!
3. R300
因為個 Sales 態度麻麻, 黑黑地面, 我都冇叫佢用 under 一皮 amp 去試, 用左部 Luxman (睇唔到咩 model), 今次可以係腳架聽 R300, 真係比係 showroom 好好多, 分析力, 中低音樂器定位好好, 好淡定. 跟手我問佢計實幾錢, 佢就計左個原價 9 折比我, 我再問真係買可以幾錢, 佢話你係而家要先講比你知......我轉頭走人.
4. 最期待的 - ATC SCM7 !!!
去左旺X音X聽, 入左尾房, 唔知係咪房空間唔大, 而且好似係用 Luxman L-507Ux 黎推, 嘩個饅頭中音真係好x毒!! Olivia Ong 把聲好聽到唔想走, 仲一口氣聽左 3 首, 係覺得好快聽完 (因為好 enjoy!), 論中音, 人聲, SCM7 真係贏哂!! 我本身想叫佢用 PM8005 聽聽, 但佢好似唔多想駁咁, 最後冇駁...
Speaker 總結
Toy One
其實係一隻靚喇叭, 中高音都出色, 而且唔同 amp 個發揮都好唔同, 應該易於調教, 但低音雖夠力唔夠沉同實, 始終會一舊舊
R300
我只可以講, this is not my cup of tea.....(喜歡 R300 的 CHING 不喜勿插 )
SCM7
饅頭中音聽人聲無得輸, 如果主聽人聲根本唔需要考慮一定會毒死可以即刻比錢. 但佢高音同低音就真係麻麻, 明顯後過中音好多.......好有性格但不平均的一隻, 如果要做到高中低都出到, 真係要搵好強既 AMP 先得, 自問小弟不願去搏....(但呢對係小弟覺得可塑性最高的, 都十分推介比聽開人聲的 CHING 們)
好 la, 講左咁耐, 點解最後都係買返 LS50 呢??
主要因為小弟真係好 like 佢音場, 離箱感, 好沉既低音, 樂器定位一流! 雖然把聲冷, 唔係小弟想要的, 但以上咁多隻黎講, 自己覺得 LS50 係平均分最高的, 而且最平都係佢, 二手價更加唔洗多講
 多謝哂咁多位 CHING 比小弟的意見, 獲益良多!! 黎緊仲要搵隻 2ch AMP 配合佢.....又要請教 CHING 們了
BTW.....而家用隻 AV AMP 黎推 LS50.....真係好痛苦
|
[複製鏈接]
發表於 2015-3-13 23:36
樓主
