《CHAPPIE》 另一新角度的AI電影

mike384

終於等到, 尋晚係METROPLEX(普通大院)睇左, 貪個度人少D啦, 自己對戲院要求其實唔太高, 但求坐得舒服, 音響正常, 畫面清晰就得, 最緊要的反而係周圍的觀眾, 都算守規矩.

作為喜歡槍戰片的自己, 睇到導演的名字同大概故事後, 都想像到會係另一套南非槍械大雜燴的電影(呢位導演唔係第一次XD)

結果冇令我失望, 透過影片中的主角的成長, 一支支南非的武器畫現係我的眼前, 從手槍到大型榴彈砲都出埋, 可謂火力驚人.

講返片中的機械人, 動作流暢, 完全唔似CGI, 非常讚, 加上導演的巧妙安排, 一對南非的土砲雌雄大盜, 令到劇情相當搞笑.

造型上,有好多人話CHAPPIE個樣好似PATLABOUR, APPLE SEED個個男主角...但其實我覺得都係因為對兔仔耳似, 如果你見到川田工業的PROMET HRP2, 直頭會話[照抄]添~


無他, DESIGNER正是PATLABOUR的出渕裕.

成套戲的故仔都唔錯, 好流暢, 笑位多, 角色個個好鮮明, 全部明刀明槍的, 睇真D, 有D位同D9有互相呼應的.

當然都重有D不滿, 例如某反派角色太過表面化(佢都係返MARVEL好D ), 同埋入面的一D有關IT的設定實在太兒戲, 又唔係兒童卡通...當然我知有時為了推進劇情, 好多野唔可以太認真, 會拖慢的.

不過啦, 我主觀地覺得, AI係呢套片的崗位, 只係一個小道具, 重點並唔係什麼AI的發展, 而係想講家庭教育, 你為人如何, 你参子女也如何, 同埋表達左導演對生命的一D獨特見解, 同係佢的其他電影中所講的有異曲同功之妙.