韓劇發行bluray(中文版)有市場嗎?

mttmax

風見志郎 發表於 2015-3-2 10:38
要做到普及, 就係要將佢廉價化先

普羅大眾好多的要求只係有得睇就算

一黎就廉價, 電影公司咪蝕死 lol

Hon

風見志郎 發表於 2015-3-2 10:38
要做到普及, 就係要將佢廉價化先

普羅大眾好多的要求只係有得睇就算

其實廉價化左d人一樣唔會買.

我問過一個同事, 佢好想睇wall e, 我話我無dvd架, 得bluray, 我有多隻你要就送俾你睇, 佢覆左我一句真係好深刻...

" 我唔會因為睇一隻碟而特登買部bluray機"


就好似當年dvd一樣, 我眼見vcd同dvd個價接近到幾蚊, 但d人一樣要買vcd, 相信情況如一.


價值觀好緊要, 加上其他外圍因素包含在內至可以做到普及, 就好似好多人等49或者100蚊3隻至買一樣, 碟係賣平左, 但質素唔叫好, 亦唔代素多人買左做到普及, 所以我覺得真係好難做到, 唔出至會係最終意思.

G36

我見唔少人五交千買部手機好地地，$8買個日日用嘅app就打死都唔肯俾錢...

SonSon

boboyip9090 發表於 2015-2-28 01:52
依家未普及藍光，唔代表將來唔會。
咁電影夠可以手機睇啦，咪一樣有人買br黎睇同收藏。 ...

Blu ray係香港差不多有10年歷史, 要普及既唔通要等下一個10年?? 到普及時相信Blu ray已係落後制式

SonSon

boboyip9090 發表於 2015-2-28 22:03
師兄，你玩左藍光幾耐?
我好鐘意去碟鋪... ... 望下都開心

唔好話Blu ray, 呢度有好多Ching睇住LP/VCD/DVD出世架, 睇碟睇咗幾代格式啦

風見志郎

Hon 發表於 2015-3-2 13:03
其實廉價化左d人一樣唔會買.

我問過一個同事, 佢好想睇wall e, 我話我無dvd架, 得bluray, 我有多隻你要 ...

唔知你個同事的事係幾時的事
以前梗係難講, 一部blu-ray player 侑親幾千蚊, 仲要換埋電視機

但今時今日, LCD TV已經普及化, blu-ray player 一千蚊已經有找
hardware已經唔係好大問題

問題係 d software 有無能力吸引到消費者
或者真係廉價化左都未必多左人買
呢一點唔試過唔會知

但新碟一出就開你二,三百, 食水咁深
我就肯定好多人唔捨得買囉
(我個人意見, 要將Blu-ray 普及化, 新出pricing不能 over $200)

係仲要有VCD,DVD的競爭下
更加相形見拙
(發行有心做blu ray的話, 好心唔好再出VCD啦, 真係出尼自己打自己)

老實, 人的因素係無得預, 個人係孤寒, VCD都唔會捨得俾錢買
要開拓市場, 係要去改變消費者的購物模式
而唔係去評估消費者的購物模式後再去遷就, 咁做只要塘水滾塘魚, 晒氣.

風見志郎

而且另一個問題, 經濟全球化, amazon咁方便, 間唔中仲大劈價
真係肯俾錢個班收藏家, 係睇質素做人
港版d質素咁參差, 好多唔會優先考慮港版囉

SonSon

風見志郎 發表於 2015-3-2 16:55
唔知你個同事的事係幾時的事
以前梗係難講, 一部blu-ray player 侑親幾千蚊, 仲要換埋電視機

依家仍有好多人但求有戲睇, 軟件質素係次要, 所以連師奶阿伯好多都係電話睇片, 再唔係屋企有部乜乜盒子上網睇片. 如果發行無利可淘, 點會重出VCD??自然係市場仍有生存空間. 就好似電視模擬廣播咁, 原本打算今年年底終止, 但政府舊年年尾發現重有20%家庭未有數碼電視, 要將模擬廣播延至2020年先取消, 一個免費既數碼制式係香港由2008至今都仍有人用大牛龜, 更可況要真金百銀攞出黎??Hon兄既同事例子係我身邊已有唔少了

Hon

風見志郎 發表於 2015-3-2 16:55
唔知你個同事的事係幾時的事
以前梗係難講, 一部blu-ray player 侑親幾千蚊, 仲要換埋電視機

講多個事實你知, 有d人連bluray係咩都唔知, 好似sonson兄話齋, bd都面世左有10年, 如果連呢樣野都唔知係咩, 咁真係點叫做普及到...

香港係好奇怪特別慢熱既, 所以部份update既野都會流失左.

我地玩同睇戲呢群人就梗係知道同埋會俾錢買bluray機啦, 但對一般人黎講, 又要另外買多部野黎為左睇一個制式就叫做浪費, 所以點解到今時今日買VCD既人仲要多過買dvd就知la.

其實DVD一開賣嗰時都係二百幾蚊.
所以我都講過, 要普及化其實好多因素夾埋至得, 49蚊既BD我地睇就平同抵玩, 但都唔係好多人買就係咁解.

boboyip9090

如果類似韓版DVD咁,佢都係高清同full screen ,我唔介意無藍光。但係我好介意D廠商假16:9同埋480P,更差情況係4:3,是把兩邊斬左,超級無良。