Sony XBA-Z5 用家交流區

WallerHomie

jackytcm 發表於 2015-3-3 00:08
Z5夾過Venturecraft 6N 2.5平衡線可能重未開聲，感覺一般。
Z5還是夾PHA-3好D
...

Sony以前都唔係咁，依家佢做既耳機(特別係XBA系列)淨係夾自己既擴同Walkman，搞到好似唔買埋佢既機都唔得咁，好鬼衰。
之曾經有段時間用過XBA-40，難夾到飛天，落PHA-2都係一般；第一代XBA-4更加唔洗諗，夾唔好既話可以當垃圾掉左佢。反而H3易推出好聲但就係衰三頻銜接同高頻，而Z5就係針對H3個兩個問題去重新造過隻，改結構同換物料；A3就係拎隻H3去重新調音。
聽流行曲既話Sony係幾好聽，有d味精，音樂感強又不失分析力；自從入左A3，隻UM RPO 30有一排冇掂過。
不過Sony野唔岩用黎聽古典同交響，唔少燒友對Sony都好大戒心；自問唔係燒友，但Z5都係高攀唔起，前置要靚，又要褒到2046，一闊三大，樓主比心機！

themouse

基於偏見，一直沒有試過這耳機。今天入手，才發現最愛竟然是它，如此結果，自己也不敢相信

師兄們都說Z5有味精，哈哈，它的味道倒合我意，不竟，各音響品牌都有自己的signature，自己喜歡便可以。

喜歡它的其中一個原因，覺得它演繹不同曲種都有一定水準，由流行曲到大編制曲章都應付自如，令人喜出望外

班目一角

如果咁講SONY新既細細部PALYER夠唔夠力水推新出既SONY耳機(一體機來講)

Krizzzz

themouse 發表於 2015-3-3 18:32
基於偏見，一直沒有試過這耳機。今天入手，才發現最愛竟然是它，如此結果，自己也不敢相信

師兄 ...

Congrats Ching 都入手Z5!!

其實兩鐵一圈的混合設計市場上真係唔多，最啱我呢ｄ乜野都聽一餐ge 雜食撚
味精方面我覺得唔算太濃，高中低平衡度算唔錯，係低頻有時會boom d

Run-in及聽慣左之後我諗會更有驚喜

斯路

Krizzzz 發表於 2015-3-4 10:10
Congrats Ching 都入手Z5!!  

其實兩鐵一圈的混合設計市場上真係唔多，最啱我呢ｄ乜野都聽一餐 ...

一圈二鐵耳機應該都唔算太少，現時可以買到既有DUNU D2000/D2000(J)，AKG K3003，Tralucent 1Plus2，Unique Melody UM3X，TPeos H-300等等；不過Sony Z5係我玩過潛力算係之中比較大既一對一圈兩鐵耳塞。

Andykong

Z5 的最大問題是配戴，EX1000 已經難戴，但 Z5 比 EX1000 更難戴，估計是因為遷就單元和導管吧，整個耳機有點長，所以總覺得「聚」住會就跌咁，坐定定當然無問題，但如果邊行邊聽可能會有點麻煩了。

以前純動圈就話大單元有著數，但現在玩 hybrid，其實不需要堅持用 16mm 動圈單元吧？用咁大單元，腔體自然會大，動圈單元和動鐵單元振動特性的差異也相對較大，縮細 小小動圈單元其實利多於弊啦，唔知點解仲玩 16mm 咁誇張的單元！

Krizzzz

jackytcm 發表於 2015-3-3 00:08
Z5夾過Venturecraft 6N 2.5平衡線可能重未開聲，感覺一般。
Z5還是夾PHA-3好D
...

其實分開兩支TRS 同單支TRRS做平衡有乜野分別?

Krizzzz

Andykong 發表於 2015-3-4 23:47
Z5 的最大問題是配戴，EX1000 已經難戴，但 Z5 比 EX1000 更難戴，估計是因為遷就單元和導管吧，整個耳機有 ...

我喜歡佢16mm, 夠潛...
調聲調得好應該唔會覺得同兩個動鐵唔夾

Andykong

Krizzzz 發表於 2015-3-5 11:39
我喜歡佢16mm, 夠潛...  
調聲調得好應該唔會覺得同兩個動鐵唔夾   ...

這才是奇怪之處，理論上大動圈的優勢就是下潛，從容和氛圍，但我覺得 Sony 沒有將 16mm 的優勢發揮得好，低音是下潛得不錯，但收得太快，單以低音計，我手上 3 隻動圈的排列是 Flat4 Kuro > Monster MMDT (舊版) > EX1000

困難是夾到都唔夠位擺，擺到都難戴，而且單元大，耳殼內壓較大，所以要開透氣孔排壓，否則聲音會焗，但當透氣孔開到足夠排壓，便會減低隔音，影響日常使用，或需推高一點音量來補救，長期來說對用家不太好！

themouse

佩戴上的確要時間習慣一下，初時都覺得好像戴不穩，有想跌想跌的感覺，戴了幾天，才開始習慣。發現無論把耳機推入一點，還是由它有少少鬆脫感，對聲音沒有影響。但無可否認，耳機横向外露耳朵的設計，對耳朵帶來不少壓力，戴得耐易攰