羊年賀歲片，你/妳睇咗幾多套??有冇浪費咗個半鐘??

SonSon

今年既賀歲片，初步已有成績。港產既一貫以星光熠熠華麗作主打，內容唔重要但求好笑就夠 西片既冇大制作名星卡士座陣可以講算幾弱 動畫片如果冇叮噹一片當關恐怕一家大細唔知點入場睇戲

究竟大家今年支持咗邊幾套?? 可以出黎吹吓分享吓媽义吓

ykluk

每年過年要睇戲已經係老婆必定要我做既動作, 其實佢話睇乜就乜, 我又唔會有咩期望......{:9_440:}

衝上雲霄完全當3套愛情短片咁拍都得, 3 pair主角完全無同場出現過又唔關事......睇張智霖同郭采潔真心想嘔=一路向西英國版咁......反而佘詩曼比想像中做得好, 算係少少bonus啦......{:9_437:}

粗人敵卡

淨係睇咗多啦A夢

alleelarry

版主失手只中到一套優先場，但碰巧要吃免費盆菜就轉賭了給朋友，結果一套都無睇過！

Hon

我聽日至去睇叮噹.

企鵝好正, 其他就無睇, 所謂賀歲片一年比一年...唔講啦...HAHA

gashapon

只睇了皇家特工, 好睇又好笑~

DVD迷

年三十晚才有時間去睇皇家特工：間諜密令
大年初一睇賭城風雲2
年初二先睇12金鴨
之後果幾日病左，在床上打機訓教，尋晚連開工晚飯都冇去食，今日就開工，因為在放假前兩星期連續加班，忙到都冇時間去休息

scott0208

由於過年前好多都有優先場，所以未過年已經睇咗四套，加埋過年睇咗兩套，總共六套！
簡評：
賭城風雲2-可能第一集太爛，今集反而覺得唔錯，起碼有得笑吓，加上張家輝拍發哥有少少火花，整體唔錯！
格雷的五十道色戒：悶到想死，無野講，唔知點解大部份暢銷小說改編電影我都覺得唔好睇（例如HG,吸血新世紀）
皇家特工：呢套無得輸，有笑有打有劇情，娛樂性十足，掂！
衝上雲霄：冇格雷咁悶，但成套戲好似同電視冇乜關係，借電視劇個名拍既愛情片，老老土土情節推進又慢，好辛苦先涯到完場！
12金鴨：一講就把幾火，唔好笑（最好笑既預告睇晒）劇情鬆晒，無啦啦就完，好似未拍晒咁，過年最垃圾之作！
多啦A夢：童年回憶，有笑有淚，加上係林保全先生配音遺作，過年另一套冇得輸既戲！
(Post76 Android 手機版送出)

mike384

唔知點揀, 睇左4套~
浮華,衝上同金鴨就唔會睇架啦, 羊咩諗著遲D去睇埋.
1. 叮噹 >> 睇左廣東話版, 呢套老實麻麻地, 尤其係大雄個新LOOK, 好難頂, 入場無非都係去聽下把叮噹聲, 夠親切呀嘛.
2. 賭城 >> 爛, 但又預左爛, 冇計有發哥呀嘛.
3. 皇家 >> 比想像中好的, 好漫畫, OK啦, 但好多人死, 過年唔太[老黎].
4. 企鵝 >> 嗯, 都算係好笑的, 過年睇OK啦.

teddyng637

今年年三十晚已去旅行，所以一套都無睇過賀歲片。不過，今晚會一家大細去睇 "多啦A夢"~~