連續兩晚遇到惡細路

k2elvin

前晚..........係茶餐廳晚飯, 坐我對面有個4-5歲o既細路, 佢父母每做一樣唔順佢意o既事 eg. 飲佢杯水, 食佢一啖飯, 佢就會大叫「做咩呀!! 做咩呀!! 做咩呀!! 做咩呀!! 做咩呀..........」佢父母就唔理佢(即係有少少怕左佢)! 跟住我同我個 FRIEND 一路怒 BEAR住佢, BEAR 到佢父母都知, 我地繼續 BEAR, BEAR 到個細路迥避我地o既眼神, 跟住收左聲, 唔敢再 ERR 半聲......真係.......呢D細路俾大人「縱」慣晒, 一D禮貌都無, 唔會顧及別人o既感受......無錯父母同d仔女有種 「friend」 o既關係當然係好,
不過某程度上都要保留番一d威嚴, d細路先至會學好....

尋晚..........又遇到另一個family, 個細路女唔肯食野, 個阿媽一餵佢, 佢就大嗌, 我即刻怒bear住佢啦(無錯, 我只係識得怒bear), 跟住佢老母就鬧佢:「叫老師唔俾茶點你食!!」一鬧完個細路女就喊, 一喊佢老母又即刻縮:「哦~~哦~~哦~~叫老師俾好多好多茶點你食啦~~乖~~~~~」  唉, 又係俾D細路控制住o既.
......  之後見佢用濕紙巾個細路女抹手抹咀, 我都係度諗「呀, 幾好丫, 幾有衛生丫~」.......點知轉頭個細路女走上 SOFA 跳跳跳跳跳跳, 父母都無阻止, 我頂, 人地張 SOFA 係要黎坐, 唔係俾人企架, 你仲要係度跳, 一D規舉都無, 咁o既父母教出黎o既子女都唔會好得去邊....

:@ x 10!!!!!!

lkljason

而家d細路個個都金波蘿，鬧多句都好似驚嚇親佢，縱到生骨大頭菜，再大d佢地就知味度啦！

小瑟

唉...有時又好難講, 到自己做父母就知架勒, 係條街度, 好多八婆八公, 你一攪喊個細路D人就會話"嘩........好心你唔好咁冇陰公啦, 小朋友咪就下佢囉....." 久而久之, D細路就知道係條街佢地係大哂既........真係....

唔好講咩, 尋日我表姐個仔(三歲半炸)黎左我屋企食飯, 佢玩個玩具玩得唔好, 我比左三次機會佢, 三次之後我話明會沒收既, 佢真係犯左三野, 咁我一定沒收佢啦, 點知佢唔制, 係要同我爭, 咁我當然係沒收到佢啦, 點知佢想喊想喊咁款之際, 估佢唔到佢竟然即時沖出去大門口位置, 要開門話要即時走人.......嘩...果下我真係嚇一跳, 真係驚, 一來又佢唔係我個仔, 二來佢亞婆婆係度一陣以後我蝦佢咪死......我即時話"好..好好....比返你下....." 之後我就捉左佢入房,叫佢企定, 同我講左 SORRY先, 之後我就解釋要佢知道佢錯左咩.......雖說之後都有解釋, 不過當佢一黎料做D我預料唔到既野時, 果一下真係咩都就哂佢先.........:'( :'( :'( :'(

lkljason

你講得都岩，教細路唔係o係街至教，平時都要養成佢好既習慣，到佢慣左d壞習慣既時候到時想教翻好就都難呀！

最Q討厭果d細路就係鬧又唔得，dum又唔得，真係而得一腳伸Q佢埋牆，o係人地屋企亂搞野亂入人地房，真係勁無家教，要不得！

小瑟

係呀, 真係話又唔聽, tun又唔肯果d, 真係一巴就星埋去呀!!!

所以見 jj個女都幾乖都好鄧你高興, 唔知有咩心得可以過二度比我地d後輩呢???Smilies010 Smilies010 Smilies010

ssss41357

我覺得而家有好多家長都係懶得教,但又要同人講忙、冇時間~

果班所為家長先係罪灰禍手呀!!! :@ :@ :@ :@ :@ :@

LAWSON

我自己覺得D細路太細佢地係唔明你講乜.但係你放棄唔教佢就一定跩到出汁.
做老豆老母辛苦之處就係呢隻,你唔教係你既責任,你教得太狠自己又會肉痛
一放鬆小小又會出事.
冇咩耐性既人真係唔好生

LAWSON

原帖由 ssss41357 於 2007-8-31 12:26 發表
我覺得而家有好多家長都係懶得教,但又要同人講忙、冇時間~

果班所為家長先係罪灰禍手呀!!! :@ :@ :@ :@ :@ :@

佢地自己都掛住玩,邊得閒教;P

lkljason

原帖由 小瑟 於 2007-8-31 12:19 發表
係呀, 真係話又唔聽, tun又唔肯果d, 真係一巴就星埋去呀!!!

所以見 jj個女都幾乖都好鄧你高興, 唔知有咩心得可以過二度比我地d後輩呢???Smilies010 Smilies010 Smilies010 ...

我覺得自己跟身黎湊點都會好小小:o :o :o

[ 本帖最後由 lkljason 於 2007-8-31 12:53 編輯 ]

lkljason

原帖由 LAWSON 於 2007-8-31 12:28 發表
我自己覺得D細路太細佢地係唔明你講乜.但係你放棄唔教佢就一定跩到出汁.
做老豆老母辛苦之處就係呢隻,你唔教係你既責任,你教得太狠自己又會肉痛
一放鬆小小又會出事.
冇咩耐性既人真係唔好生 ...

細個果時做錯時就要慢慢教，大個dd讀幼稚園如重覆犯錯就梗係要鬧啦，再唔聽講體罰小小都無可避免！總之唔可以比佢做慣d唔好既壞習慣！


好似酒樓d細路成日走黎走去，我細個時就會教佢滾水錄到就痛死兼又會影響到人喎，但到佢大個d佢見到其它小朋友都有做呢d野佢都會想做，但我都係絕對禁止佢落地，無論佢點唔高興點發脾四 (初期就算扭都唔會扭得太勁)都唔會妥協，呢d野無得縱，一次都唔得，所以就算到大個左d佢都唔會做。

[ 本帖最後由 lkljason 於 2007-8-31 13:04 編輯 ]