好壞參半的JVC HA-FX850？

JimmyNgai

網上睇FX850的評語好壞參半，好的甚至話佢好過IE800，壞的好多都係話佢低頻唔好，Head-Fi更有人提出一尐改造方法去改善佢既低頻。我自己都係FX850用家，之前都有出過post（JVC HA-FX850 foobar2000 DSP 調聲）講下用EQ去改善低頻太厚的問題。但最近我發現，原來我錯怪左佢！低頻太厚甚至「溫溫」聲係我一直使用不當所致。

我由第一日開始，就一直用佢盒內JVC新開發的耳膠：


但呢對耳膠就係問題所在！佢尐耳膠有大、中、細三款，大的對我黎講太大、細的對我黎講太細，只有中size係戴得比較舒服，但其實都係有點過大。耳膠過大令到對耳機戴得唔夠深入耳道，聽起來低頻太搶，甚至有「溫溫」聲的感覺。當我把耳膠換成耳綿之後聽感有極大幅度的提昇，低頻唔再溫、中高頻依舊甜美潤澤、聲音凝聚力更好。耳綿係耳道內輕輕張開，比耳膠戴得舒服好多添。

對不起FX850，我怪錯你了 我以後會好好咁對你。

JVC HA-FX850

窮小子

再向 FX 1200  進發...

ozrayyau

師兄我一早用耳棉, 聽得好安樂, 唔覺有低音或 V 型調音問題, 可能我聽古典同人聲 HiFi 碟, 用 X1, X5, ZX1 同 IPC,

ozrayyau

我諗唔少人錯怪佢，一開箱都覺唔對路, 拿拿聲攞 Comply 換上, 一天都光晒

JimmyNgai

ozrayyau 發表於 2015-2-17 16:06
師兄我一早用耳棉, 聽得好安樂, 唔覺有低音或 V 型調音問題, 可能我聽古典同人聲 HiFi 碟, 用 X1, X5, ZX1  ...

師兄好有先見之明 我都喜歡聽HiFi女聲，之前一直覺得FX850個低頻蓋過把人聲，現在用左耳棉之後就好似得到重生一樣，有一種相逢恨晚的感覺

JimmyNgai

ozrayyau 發表於 2015-2-17 16:10
我諗唔少人錯怪佢，一開箱都覺唔對路, 拿拿聲攞 Comply 換上, 一天都光晒  ...

師兄耳棉有冇好推介？Comply都有好幾款，邊款好尐呢？

ozrayyau

JimmyNgai 發表於 2015-2-17 16:39
師兄耳棉有冇好推介？Comply都有好幾款，邊款好尐呢？

師兄, 對 Comply 係响 IM04 度拆落嚟比 FX850 試, 之後用咗佢跟嚟果對, 同你用嘅一樣。

Comply 我有 T500, 不過經人提醒淘咗二十對都係百零人仔, 質素唔錯。

WallerHomie

依個辦法早係FX800時期以經有人試過，成件事的確係平衡左好多，但係就犧牲左音場。
JVC既木系列礙於單體既體積奇異，一向都對耳膠既要求特別高，佩戴方式嚴重影響聽感。
所謂既V型聲，除左係指低頻過肥之外，另一難搞既就係高頻延伸太盡，易失控。
很可惜，問題去到FX850仍未解決；到最近既FX1200，JVC索性調暖個聲底加收窄個頻率響應，點知又幾好聽喎。

tuner

同場比較過 fx1200 & ie800, 真係覺得fx1200 好聲啲, 於是帶咗返屋企

themouse

WallerHomie 發表於 2015-2-17 19:44
依個辦法早係FX800時期以經有人試過，成件事的確係平衡左好多，但係就犧牲左音場。
JVC既木系列礙於單體既 ...

IE800都有相似情況，越深入耳道，中頻越靚，但寬闊感大減