如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
睇o左呢套電影其實都有一段時間了. 睇的原因主要都係因為男主角Keanu Reeves. 原來今次已經係Keanu第6次飾演叫做"John"的角色 (例如John Constantine etc) 可能如果你在街上見到佢而叫佢John佢都應認你~
成個故事內部其實好簡單, 純粹是直線鋪排的一個"報仇"故事. 不過報仇的原因又唔係其他同類的"報仇電影"來得咁強烈. (之後會詳細講到) 但我個人覺得電影拍到Keanu好型, 似係matrix之後再次變成Neo咁~ 另外成個殺手"文化"設定我都好喜歡, 感覺似係人人都知佢係殺手(而佢又唔怕比人知佢係), 不過又唔會怕o左佢, 大家可以街上撞到都會say hi咁~ 另外殺手組織有個類似公會的組織, 又有"management"提供地方俾殺手入住, 又有一條龍清理屍體服務, 感覺成門生意好為殺手設計周到, 等殺手只需專注在殺人方面而唔需要太花精神善後~
講返故事內容. John Wick是一個已經"退休"了的殺手, 電影無花時間去講佢之前有幾勁(即係無專登拍d畫面出來比大家睇佢未退休前有幾好打), 只係利用唔同的人物的對話和反應, 做出一個"john wick = 神級好打的人物". 故事中John的老婆因病離世, 令到John佢好消沈. 點知有一晚收到佢老婆留比佢的一隻狗同一封信, 信中講到希望john借同狗仔一齊時可以回憶返佢地美好的日子. 開始時john都唔太理狗仔. 不過最後都打開心緒接受隻狗仔. 可惜無耐就因為一次油站入油時, 被一個俄羅斯幫會的"富二代"Iosef 睇中了佢架車, (john當然唔肯賣比佢), 最後仲潛入John的屋企搶走架車仲殺埋隻狗仔.
呢個富2代原來就係一個俄羅斯犯罪組織頭目, Viggo個仔. 當年John正是 Viggo 最得力的殺手. 當佢收到電話, 知道佢個仔搶走john架車之後佢果下"oh", 知道自己個仔"今次奶野了"果下唔知講咩好的表情, 同佢個仔完全唔知出事仲以為自己好威的表情成了強烈的對比. Viggo都希望救到佢個仔, 於是親自打電話搵john希望可以擺平件事. 不過john邊有咁易收手. 於是Viggo就派出一班手下去佢家中殺死John. John不梗係 Viggo所說的Boogeyman (夜魔人), 三兩下手勢就KO晒班人了. 打完之後有警察來到, 開頭個警察可能知道john係疲手,於是問john係咪"又開返工?"(即是否又再成為殺手?) , 不過john答佢"無, 攪少少私人野姐" 雖然個警察見成地死屍都照無理佢走o左~
之外john就搬去了一間酒店住. 呢間酒店唔係普通酒店, 而係專比殺手住的酒店. 可以理解成一個中立地方, 就算有咩事都唔可以在酒店內動手. 而且仲有醫生長駐, 就算有咩刀槍傷都24/7咁為佢地服務~
當John知道了Iosef身在何處時就馬上出動啦. 不過呢個都係Viggo的目的, 就係想引john出來再解決佢. 不過john真係太好打, 下下都係head shot人, 但今次人真係太多, 要"六五下" (比三兩下多一倍力~) 先攪掂, 而且最終都係比佢逃走到. 而Viggo更加大了賞金令john的一個女行家在酒店內殺佢. (john的朋友雖然都有收到offer, 不過都暗中保護john) 最後呢個女行家殺john唔成更被john捉了, 最後仲講出Viggo一個"藏金庫".
John破壞了"藏金庫"之後, 專登等到成班人來到先同佢地槍戰, 諗住籍此找出Iosef下落. 最後一輪混戰之下, 最終都知道了Iosef的所在, 仲好"瀟灑"地了結o左iosef的生命.
本來成件事咁樣就完o左. 可惜好衰唔衰Viggo走去教訓暗中幫john的 Marcus, 仲殺埋佢. 於是john又最後一次搵viggo報仇. john去到直昇機場附近, 打低viggo身邊的手下, 最後都成功殺死viggo.
最後受了傷的john去到一間寵物店, 簡單咁治好傷勢, 順手"收養"另一隻狗電影就完結了~
如我之前所講, 故事其實都幾簡單. 不過我最喜歡反而係佢d"設定", 例如殺手都唔可以隨便殺人, 要守"行規". 又有成個配套去"支援"殺手行業, 比我印象中殺手好獨斷獨行, 無咩人認識好唔同~ 另外電影中不時出現d"金幣", tips又比一個, 殺人又比一個, 訂酒店又一個, 好似歡樂天地d代幣咁....(唔知一個代幣值幾錢呢?如果太貴咪殺埋殺埋都唔夠比tips?) 如果是keanu fans, 或是追求槍戰中"一槍一個"的style就值得入場一看. 故事內容來說我比65-70分左右, 不過keanu的表演我覺得是matrix之後近年來另一個好深刻的演出~
|
發表於 2015-2-3 11:40
樓主
