[CAS] 超新手CAS入坑求教

卡洛斯傑

各位師兄:

我係一個CAS新手,之前從未接觸過, 平時就係用電腦 千千靜聽+EDIFIER 350D 聽Flac, Wav檔, 一直都想跳入被動坑，物色過之後老闆介紹左一套給我, 喇叭係 DALI MENTOR MENUET (做緊特價價位69XX,過年後變番8XXX), 前級+放大 係  Pro-Ject 的 Pre Box RS Digital + Amp Box RS (價位11XXX + 75XX) ,還有想接一個重低音,心水有DALI 既 SUB1 .  有諗過配 TEAC AI301DA +301 咁樣玩不過被人話佢大陛用料吾多惦.

聽歌位置我係超近場聆聽 喇叭距離同我得80CM, 擺位toe in . 聽歌方面主要係聽日本動漫歌曲,以女聲高音 + 琴弦配樂為主 ,有時聽下D BASS 強的.

係聽呢套組合戈時感覺 好多齒音 好刺耳 ,老闆話換條線就冇呢個問題 , 請各Ching 介紹d甜d既線如我可以嗎? 同埋呢套識吾識合我?  以上煩惱希望各位師兄解答 . 感謝感謝.

bubuharry

街鋪野水份好高...
建議你試多幾set
teac 個人覺得真係好入門..

卡洛斯傑

bubuharry 發表於 2015-2-2 13:35
街鋪野水份好高...
建議你試多幾set
teac 個人覺得真係好入門..

師兄你係指邊套水份高? Pro-Ject 戈套?
完全新手如果吾係街鋪買我都吾知係邊可以買...

poetrypoon

其實師兄你講得好混亂 ... 買 2.0 又加十仔 ...??? ... 到底準備玩幾大 (幾多 budget) ... ??? 有幾多位放 ... ???

個老板介紹喇叭定成套 ...?? 如果計你講都 2 皮半 ... 但你又同 Teac 比較 ... 到底其實係點 ... ??

bubuharry

卡洛斯傑 發表於 2015-2-2 20:22
師兄你係指邊套水份高? Pro-Ject 戈套?
完全新手如果吾係街鋪買我都吾知係邊可以買... ...

我會強烈建議你用2個月時間扒下文先...
唔係就會
買左成SET野--->上黎扒文心思思--->諗住換線會好啲所以換線--->上黎睇下心思思---->再一部一部咁換
會用多好多錢
講番正題, 點解街鋪水份高? 宜家租幾貴, 要SELL 都SELL 部油水高GE...
扒文的目的, 係要知道有咩[大路的機] (因為你話你係新手, 咁自然認識下啲大路野)

再講番正題
1. 唔建議加SUB WOOFER, 話明2 CHANNEL....一套好喇叭夠出
2. 以你個BUDGET , 唔洗買TEAC
3. 如果換線先可以[入耳], 個人覺得條友吹緊水, 線材係用黎FINAL TUNE...一SET 好GE 野....唔換都應該入到耳, 換線或者換下唔同的線就嘩啦啦

如果真係無頭緒, 可以諗下係二手論壇, 收啲大路D牌子的AMP, 喇叭玩下先
通常1SET 咁買...實玩玩下身痕換機
淡定有錢剩

利申: 過來人

唔記得講下我套SET UP....
DAC: north star design essesio
amp: 300b 合併機
喇叭: 淘寶4 寸全頻...
cd: teac cd-1000

老妖

bubuharry 發表於 2015-2-3 05:19
我會強烈建議你用2個月時間扒下文先...
唔係就會
買左成SET野--->上黎扒文心思思--->諗住換線會好啲所以 ...

師兄講得好。的確係過來人嘅經驗。

radhk

>> 係聽呢套組合戈時感覺 好多齒音 好刺耳 ,老闆話換條線就冇呢個問題 , 請各Ching 介紹d甜d既線如我可以嗎? 同埋呢套識吾識合我?

如果真係要換線就套機先0岩聽, 我覺得套機唔適合師兄你啦.

nickdo

我聽過呢款喇叭, 音場好闊, 喇叭消失, 一D都唔刺耳架WO. 呢隻野可以貼牆擺, 唔洗TOE IN.
聽果時係用MICROMEGA入門機推.

ykluk

雖然話代理通常都會搵啲夾到聲既牌子嚟做代理, 但鋪頭嘢就好多時係睇水位嚟做, 所以夾唔夾就根本2件事, 尤其是係新手唔知有咩牌子咩特性.....

睇forum爬文雖然無聲得試, 但係可以知多啲等自己出去聽時都有個底, 玩HIFI嘢唔好急, 一定要知多啲先~~!!

其實樓主你咁近距離, 我估你一係放書枱一係喺房到玩, 講真一堆訊源前級後級+喇叭線真係玩到死..... 以你聽既嘢(聽日本動漫歌曲,以女聲高音 + 琴弦配樂為主 ,有時聽下D BASS 強的)其實雜食得好緊要, 想乜都好聽真係比幾十萬都唔掂.....我估你應該係鍾意聽電子嘢, 咁分析力應該係首要先~!! 不如搵對好啲既鑑聽級active speaker好似focal cms50或者adam a5x, 然後買部靚啲既DAC去用balance插對active, 咁樣分析應該好好, 如果日後真係想聽多啲甜美女聲, 覺得唔夠味就加返個膽前, 應該會好好~~!! {:9_421:}

bubuharry

先揀部中價dac先, 睇下玩唔玩dsd
再諗下買喇叭定amp
一步步黎