如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 mike384 於 2015-1-28 10:13 編輯
上演之前已知係CLINT EASTWOOD 導演, 佢自執導後都好似廿年有多, 其中都不乏好戲, 戲路亦都好廣闊, 如初期的ABSOLUTE POWER,
講小偷的佢撞破總統殺人後(好似係總統), 如何同佢地周旋, 最近呢十年內又有MILLION DOLLOARS BABE, 勵志激情, 再黎講種族問題的GT...
而最令我有印象的都係真人真事改編的一系列, 如ANGELINA JOLIE的CHANGLING, 兩套硫黃島, 同埋今次的<<美國狙擊手>>
由於自己不嬲都係個軍事宅, 對呢位係世界狙擊史上有名的人, 之前都有過一D了解, 所以係故事上, 甚至係個結局都預了冇驚喜.
導演亦不改佢的一貫作風=平實, 煽情佢會加D, 但從來不太過火, 大慨就係講CHRIS KYLE呢個近代的傳說狙擊手, 如何執行佢去伊拉克的數次任務, 同佢內心的矛盾.
有趣的係, 係好多人眼中, 呢位狙擊手的人生就係一個大諷刺, 導演卻將呢個諷刺位, 用最含蓄的方法表現, 所以有D朋友會覺得此片會有D似《HURT LOCKER》 , 《ZERO DARK30》呢類較大美國的戲,
但我就覺得佢就係好曲線咁, 去諷刺戰爭的荒謬.
套戲剛上不久, 暫時唔提太多劇情, 隔D日子再同大家暢談.
基本上的評價係, 一套平實的傳記電影, 場面唔會太震撼, 所以都會有人覺得悶的.
最後輪到自己吹水了, 首先講狙擊手電影, 都廿年有多了, 第一套令我刮目相看的狙擊手電影=《SNIPER 雙狙人》, TOM BERRENGER主演, 呢套戲係之後十幾年, 拍過數次續集, 有時係搵TOM自己做返,
, 有時係搵第一集中的跟班做, 系列最後一集叫《SNIPER RELOAD》, 講主角已去世, 佢的仔都係當兵, 遇到老豆當年最好的拍擋, 一齊過關斬將.
另一套出名的狙擊手電影, 《ENEMY AT THE GATE 敵對邊緣》, 都可以算係同類電影最大製作的一套了, 二戰的史太林格勒為背景, JUDE LAW演蘇軍狙擊手, ED HARRIS就扮德國狙擊手, 兩雄相遇~
呢套戲都算好好評, 故仔都係根據真實人物所寫(有D改啦, 如女主角其實係死左的), 套戲拍得好靚, 商業味略重, 但整體都係好戲.
第三套係再近年D, 麥克華堡的辣手槍 《SHOOTER》, 呢套係純娛樂片, 但對於槍迷黎講都係不可多得的一套, 個人的評價, 要比佢最近的個套《LONE SUVIVOR 》要好.
吹了咁多, 都歡迎大家係度討論下[美國狙擊手], 或其他戰爭/軍事電影. |
發表於 2015-1-28 09:38
發表於 2015-1-28 10:02
樓主
