撘飛機用入耳好定HP

斯路

雖然我坐飛機時無特別用過耳筒，但係我覺得對我黎講入耳式未必係最好選擇。坐飛機時或者因為機艙人工加壓加上高空環境，我自己油脂分泌會更活躍，耳道好快會油到唔舒服，而且耳膠重會走位。岩岩呢個星期坐左32個鐘頭飛機，加加埋埋都只係聽左3個鐘頭歌左右。

ml55

其實呢個問題幾個人，有人喜歡入耳、有人選擇蓋耳，至於主動降噪耳機，我自已試個幾個市場上出名的嘅牌子，都覺得佢地因為主動降噪的功能而會有一種音壓， 個耳朶入面會唔舒服而冇選擇， 至於入耳式，個人經驗，有次坐星航去星架坡，飛機降落之前2個鍾頭已經開始因為氣壓問題而聽唔到嘢，落地之後差不多一日耳朵隆隆聲，而回程因為唔信邪再試試而再次領嘢！以後幾次再坐飛機我都只是帶P5又或者M-100，雖然只係有被動降噪，但已經可以瞓覺同可以靜靜地聽下音樂或者睇戲，就算冇聽嘢都帶住嚟降低噪音，現在機本上坐飛機我都係自帶耳機而好小用或根本唔用航空公司派的耳機。

whitefang

坐飛機用入耳一定要時常注意耳壓, 一有不舒服就除下, 然後擘大口平衡耳壓, 或練住個鼻合口埋再用力噴氣
但要避免戴住訓著覺, 長途機很麻煩

個人喜歡用Portable Headphone, 如T51p, 隔音不錯, 戴幾個鐘亦無唔舒服

USA2010

唔該晒咁多位....我冇諗過會有耳壓問題...
咁我拎對HP算了....