更新: 《飛鳥俠》（愚昧竟是福）觀後感(有d劇透)

shing-2009

呢套戲第一日上映，我就已經拿拿林去睇左，感覺非常滿意，係一套好有內涵既劇情片，成套戲唔係大家平時睇開個d超級英雄電影，同埋拍攝手法好特別，一鏡過，非常之有風格，by the way，成套戲配樂真係世界級，鼓聲意想不到match曬個氣氛，越睇越正

入返正題，故事情節大概係講，Riggan以前拍過一套超級英雄電影叫飛鳥俠，曾經贏盡十億票房，總之就好威水啦，不過，都係好耐以前既事啦，而家既佢，已經係過氣「超級英雄」，不過，佢的起心肝不惜一切，自導自演，希望搞好套舞台劇，亦都希望俾人覺得佢係百老匯劇院系成功的演員，但世事總係並非唯你所願，係一次彩排，有一個男角色受左傷，距離正式表演的時間不遠，巧合地搵左個係百老匯入面超級勁既演員—Mike，因為佢既名氣大，所以呢套戲會大賣，但係，Riggan同 Mike合作得耐，Riggan自己覺得演技未夠班，所以改左劇本，但係Mike又惹來不滿，在一次預演中，Mike佢係台上發爛渣，Riggan後悔搵左呢條友，覺得佢會攪和呢個show，Riggan重新審視佢自己的價值，之後Riggan變得更神經質，

除左事業，Riggan都會有家庭方面困擾，佢婚姻失敗同老婆離婚，Riggan有個女叫Sam，同時係佢既助手，一直好唔鍾意自己老豆，Riggan同Sam之間有隔膜，

講番Riggan，性格神神化化，成日幻想自己係BIRDMAN，有超能力，幻想BIRDMAN同佢講野（其實係自己的心聲），而佢好重視呢一次嘅舞台劇成敗，孤擲一注希望洗脫過氣形象，Riggan一直好想脫離BIRDMAN 這個形象，之所以要咁做，係因為大家淨係記得佢係BIRDMAN 而唔係Riggan Thomson，正所謂既「歌紅人不紅」，甚至一個資深影評人話Riggan係「荷里活既小丑」，所以佢想做番D野，證明俾人地睇，佢係有才華既人，只係大家標籤左佢係BIRDMAN，咁岩得咁橋，Riggan呢一個角色，同佢本人Michael Keaton都幾似啊，

講番劇情，影評人話一定會寫衰佢，Riggan最後決定唔理三七廿一上去舞台演出，就係最後一幕，Riggan為求達至逼真效果，用真槍打爆自己個鼻，可見佢去得幾盡，最後結果，他的演出換來極高評價，但他不感到驚喜，

暫時講到呢度，結尾請大家自己去體會，成套戲圍繞著一個演員的角度去講故事，係咪人們對你的評價緊要d，一定要得到觀眾的掌聲先算係成功？我覺得佢帶出的訊息係，要忠於自我，唔洗理人地點睇，做番真正的自己，做返家傳戶曉既超級英雄—BIRDMAN！好簡單，唔洗理人冷嘲熱諷，自己安心理得既話，就放膽去做，呢個先係做人態度！呢個先係生命的意義！睇完套戲，請大家諗下，自己究竟想得到乜野。

shing-2009

曬下張票尾先 ...

jayjay

shing1276?

shing-2009

jayjay 發表於 2015-1-23 23:04
shing1276?

係呀，我又唔記得左帳號同密碼，同埋個id名易記得，今次仲寫低左，成日都係咁，真係唔好意思

jayjay

shing-2009 發表於 2015-1-23 23:08
係呀，我又唔記得左帳號同密碼，同埋個id名易記得，今次仲寫低左，成日都係咁，真係唔好意思 ...

唔緊要
你最好將password入落電話到！！

shing-2009

唔知做乜用唔到編輯功能，補充功能又係廢既，入返正題


＜補充一＞
Riggan一直好想脫離BIRDMAN 這個形象，之所以要咁做，係因為大家淨係記得佢係BIRDMAN 而唔係Riggan Thomson，正所謂既「歌紅人不紅」，甚至一個資深影評人話Riggan係「荷里活既小丑」，所以佢想做番D野，證明俾人地睇，佢係有才華既人，只係大家標籤左佢係BIRDMAN
by the way，成套戲配樂真係世界級，鼓聲意想不到match曬個氣氛，越睇越正入返正題，

alleelarry

shing-2009 發表於 2015-1-24 00:05
唔知做乜用唔到編輯功能，補充功能又係廢既，入返正題

把原文編輯好後，見習版主就會推薦到頭條，暫時看得有點亂

alleelarry

shing-2009 發表於 2015-1-24 00:05
唔知做乜用唔到編輯功能，補充功能又係廢既，入返正題

看來找到了編輯要門了，讃！

kh22

明天看

alleelarry

kh22 發表於 2015-1-26 11:56
明天看

kh22版友，看完有所感覺的話，也請寫個影評和我們分享一下吧！