《小姐誘心》 劉心悠梗係有心! (含內容)

ryan2012

葉念琛今次唔係導演, 但係做監制+編劇, 所以依然有不少佢的影子在戲內表演出黎

葉念琛過去好多作品都被人評為過份扭曲, 宣揚婚外情, 宣揚不忠等
但老實說, 現實發生呢D事可謂比比皆是, 你睇彭導 (唔係彭浩翔)
所以我覺得佢最多係將一D別人不會刻意去提, 不願高聲談論, 比較會與閨蜜傾的話題拍成電影
若說電影宣揚不良風氣, 借電影贊同錯誤思想的話, 根本就係Bullshxt!
咁不如唔好拍黑社會, 唔好拍雷洛傳, 唔好拍黑金速遞, 唔好拍Sex and the City等
睇戲唔應該盲從戲內劇情, 應該當為一個故事, 思考一下, 想一想再自己分析


講返套戲, 簡簡單單2條線, 2對夫妻各自面對生活上, 感情上的問題
黑仔姜皓文自從離開電視台主力拍電影後, 好多戲都有份演出, 雖然只係配角, 但往往令人留下深刻印象, 相信好快最佳男配角會係佢囊中物 , 莊思敏幾乎係葉念琛電影的常客, 今次叫擔正, 看得出佢比以往做配角時更落力

兩人演呢對老夫老妻的戲份不少以近期 及 以往爆炸性新聞作影射, 幾乎一睇就知係講邊個 , 但同時佢地兩個之間果種七年之癢 (其實無講幾多年...), 分開與忍受之間的糾結表現得好好, 已昇華成感情的愛情或許就係要每天思考如何產生火花, 帶新鮮感給另一半令愛火可以長延下去
其中最深感受的對白係 "世界上人人都係, 你睇我好, 我睇你好, 我有幾慘, 唔通會同你講咩"
比起 "家家有本難念的經" 呢d咁文縐縐的語句來得到肉

周柏豪同劉心悠配埋其實我覺得超唔襯囉
(我絕對承認我係對劉心悠有私心的 )
2人作為新婚夫婦的線, 一開始就求婚再直接結婚, 佢地究竟有幾恩愛完全無提及下,
下一剎那已話佢地出現問題....... , 未免兒戲左D囉
而作為主軸, 探討兩性對 <性> 之間的話題倒不少, 如男性往往比女性快到達高潮, 女性需要長時間warmup, 又或女性有時當男性為播種工具, 但求懷孕而忽略男方感受之類, 有少少似當年張學友&鍾楚紅果套 <三對鴛鴦一張床> 咁, 而戲中周柏豪的SP Kabby (許雅婷) 可謂路邊的小花一樣, 存在意義不大, 其實可以寫得更深入, 可惜........只淪為草草收尾的下場


其實拋開道德高地咁去看, 葉念琛的提材其實都幾反映到社會 (特別係兩性之間) 的問題, 或者戲中的解決方法未必人人認同, 但起碼提出來討論比收收埋埋好


P.S. 劉心悠校服LOOK真係正到爆囉

fm31331

THX!

粗人敵卡

Thanks for sharing