我又出百代復黑王小報告: 張立基 - 急行夜車

cdb128

小弟尋日只買了呢隻張立基既CD, 返到屋企便急急做了個小小既AB test, 用了之前買左既至愛經典系列入面收錄過既"急行夜車作比較, 睇下有幾大分別.... 小弟本身用黎聽CD既硬件都係d好普通既平價貨仔, 聽完結果係

至愛經典系列: 聲音好唔立體, 整體感覺好似聽緊AM收音機咁, 不時有拆聲既情況出現, 質素很差

復黑王版:  聲音好立體, 音色好清, 好多細節位好清楚, 冇拆聲既清況發生, 整體感覺很好, 聽得出真係重新錄製出黎


結論: 睇完其他版友既報告, 呢批復黑王性價比好高, 真係值得入貨珍藏! 我諗我會入多兩三隻的!

m600

雖然我仲未買呢批百代復黑王，但我都記得隻雙碟精選 '至愛經典系列' 首急行夜車同樓主說法一樣！單聲道又拆聲！我記得之前隻黑膠係透明膠，d聲係正常聲！話晒都係張立基第一隻大碟，今日收工即刻去買先

bloodyhell169

我刀祇係買左佢，絕對有同感。

相位王

點解環球百代EMI復黑王一定會靚聲？因為朋友的環Ｘ唱片朋友說差不多全部專輯也是用開卷母帶Open Reel及校正相位變成正相後再重新再造母盤！復黑王是香港SONY壓碟的！

而相反地Ｘ納Wex以前代出的EMX精選或大碟全部也因為嫌麻煩懶得用開卷母帶, 除了陳百強DMX七張大碟的LPXD II M2有采用開卷母帶外！其余全部也無用開卷做母帶！點解知道，因為朋友的環X朋友說EMX那處有外借開卷母帶紀錄, 除了上述DMX七款陳百強大碟專輯外，Ｘ納Wex根本無借用過其他開卷母帶，如果制作甘求其無用母帶又無校相位（反相）,又衰到唔知用乜嘢做Master, 甚至乎CD碟過碟也敢死, Ｘ納想Ｄ聲唔垃圾至奇！

mhc

今晚聽左，垃圾機+垃圾耳，好明顯COCOS好聽加好聲好多!
(Post76 Android 手機版送出)

michaeltsu

謝謝師兄報告,  明天去買埋張立基先. 環球今次真係值得一讚


希望好嘢陸續有來.

michaeltsu

相位王 發表於 2015-1-10 21:45
點解環球百代EMI復黑王一定會靚聲？因為朋友的環Ｘ唱片朋友說差不多全部專輯也是用開卷母帶Open Reel及校正 ...

相位王兄, 十萬個同意你的意見.

相位王

michaeltsu 發表於 2015-1-11 03:17
相位王兄, 十萬個同意你的意見.

謝謝Michael兄認同小弟愚見！

iklam

相位王 發表於 2015-1-10 21:45
點解環球百代EMI復黑王一定會靚聲？因為朋友的環Ｘ唱片朋友說差不多全部專輯也是用開卷母帶Open Reel及校正 ...

聴音樂，是享受。
聴隻CD，又要手動轉相位，又要聴相位，不如熄機訓覺。
同意相位王兄所言

miata

iklam 發表於 2015-1-12 00:03
聴音樂，是享受。
聴隻CD，又要手動轉相位，又要聴相位，不如熄機訓覺。
同意相位王兄所言 ...

你做好隻碟，我比錢享受。
咁先係公平交易，大家好。
華納又真係比左幾次搵笨的經驗我。