睇咗咁多師兄嘅意見,小弟都有小小經驗想分享吓:
1. 點解要bi-wire - 其實早期嘅喇叭(70-80年代)好少有呢D設計,D amp有spk A/spk B/spk A+B係方面用家玩唔同喇叭或加horn用,到80年代中,好多勁power amp好似Krell, Mark開始將2組輸出成為基本設置,期D amp多數係class a兼大power,而D喇叭就越出越大食,記等我玩對atc 50同cello嘅legend,用krell 300s推低,200s推中高,先發揮倒呢2對喇叭嘅威力,由陣開始,好多中高檔喇叭都將bi-wire/tri-wire形成身份象徵,但有好多喇叭宜家仲係行single-wire,好似dyna,eggworks,etc.,其實如果內部接線做得好,根本無咁嘅需要,但宜家連$1K嘅喇叭都學人bi-wire,就算bi-咗都無大分別喇!
如中高價喇叭,用得咁上下喇叭線,咁就當然效果會好過幾塊銅片仔喇,呢個亦係其中一個改善嘅方法!
2. 點解要bi-amp - 呢個簡單D,就係3個字"唔夠力",音場有空洞,密度不足,damping不足,低頻失控,中頻無氣,諸如此類,bi-amp可馬上解決!
但要bi-amp效果好,係有條件嘅 - 一定要同牌子,同系列,推高/低嘅amp可唔同輸出,好似我上面嘅例子,300s推低,200s bi-wire推中/高,咁聲底同速度先唔會唔同步,如果唔係就好易高中低唔同速度,啲聲會好怪!
3. 如個喇叭有bi-wire,行bi-wire喇叭線定用jumper好 - 呢個亦係好多人都想知嘅問題,但答案就好簡單,一定係bi-wire! 點解呢? 好似688兄所提及嘅例子或好多玩咗hi-fi好耐嘅人(其實係俾hi-fi玩咗好耐嘅人),呢個做法係有好大保留,尤其係用平價銀/鍍銀jumper加銅喇叭線,因物料不同,電阻不同,最後型成高/中低整度唔同,你覺得高音清咗只係可能佢速度快咗,你聽唔出唔等如佢無問題,所以,如要加jumper,最好係加用相同物料做嘅jumper,好似我之前咁,用SFH PX triple-run行低,再加60蕊嘅PX做jumper,咁就唔會出現唔同步問題,最後仲用2對triple-run添!
如有錯灟,望各師兄提點! |
發表於 2009-9-25 16:48
