LEXICON RX-7 後級開箱加測試報告

93020000

䦕完呢個箱，今年真係連樹皮都無得食 ！好彩仲有幾日就到出年

事縁係2手區睇中左部入門後級，比老板睇死將來又會再升級…（太了解我），我話高級後級要4皮幾喎（其實當時吾知幾多錢，亂吹一下）…點知又批到budget！  當然即刻上黎post76吸下毒，做下Research先，睇完Sharkpigyu Ching個毒性咁強嘅post, 已經大致鎖定目標後級.





Lexicon rx-7 重達100多磅！搬入櫃後，已經攰到爬街！ 跟住開始setup, 首先將RCA線插係AV amp Preout位置同後級個input度,之後插番Speaker cable 去後級度. 最後插埋跟機個條12V連動線. Auto calibration AV Amp一次，就開始測試：

聽歌方面： 一開聲，嘩！ 即刻發現原來隻KEF R300咁好聲！好似換左喇叭咁…原來之前才發揮到六成功力…聲音好細緻，粒粒音／樂器都好清楚. 音場好闊，開大個volume都吾會失真. 呢部後級真係有氣有力, 聽歌非常滿意.

睇戲方面： 後級每channel 輸出有成200w , 全部喇叭整體提升另一層次！首先個低音控制得好好，收放自如！鴨毛隻demo碟場雨又大左…隻雀 suround又明顯好多，人聲方面好出 尤其睇演唱會方面，放假又重温一次蝙蝠俠，鎗聲同D彈殻落地聲，爆玻璃聲好清脆，音場空間感改善好多，加後級真係提升好多好多！並非只係放大D聲咁簡單！早知一早就買⋯⋯睇黎部後級可以服役多年.

題外話：老板行過問加舊咁嘅野有咩分別, 又貴又阻地方, 佢聽完已經再無投訴…

謝謝收看～

ken01010

嘩！！勁呀，又一部RX-7！
恭喜恭喜！

ng95

ken01010 發表於 2014-12-26 01:49
嘩！！勁呀，又一部RX-7！
恭喜恭喜！

師兄可否PM我在那裏買、幾多錢？

pac

餵飽左D喇叭當然出倒靚聲啦！
恭喜恭喜

sharkpigyu

恭喜ching 快啲試下隻颶風中心 不論密度 細緻度 連貫道 都有好大嘅提升!! 首先聽到雄壯龍捲風聲不規則左右前後準確地肆虐你嘅喇叭 但又不失垃圾聲 車聲細緻地清脆地描述係你嘅喇叭上 雖然風聲非常之强捍但絕不會蓋過任何係風暴中嘅細緻聲音 令你好有置身其中嘅感覺!!這就是後級rx7帶比我嘅感覺同威力!!


(Post76 Android 手機版送出)

wadee

恭喜師兄
都要努力搵錢買後級

chengvin

卜星地見到尼個開箱弓起弓起。加左後級直頭兩個世界。吳知自己幾時可以上尼部

jeffmao

sharkpigyu 發表於 2014-12-26 08:12
恭喜ching 快啲試下隻颶風中心 不論密度 細緻度 連貫道 都有好大嘅提升!! 首先 ...

CHING我信晒你架啦, 琴日去太古廣場想搵下仲見唔見舊年XMAS既水晶球裡邊好多幻彩?
舊年真係好鬼靚架好多人係甘拍VIDEO...點鬼知今年得番D屋仔麻麻地唔好睇, 於是行下商場先知HK RECORDS有分店係度啊, 入去就買左你心愛的INTO THE STORM...嘿嘿....唔好睇就同你算帳也, 嘻嘻

mantam121

恭喜恭喜，一步到位，醒目

jeffmao

公起公起CHING, 正晒啦而家, 甘都俾你買到XMAS GIFT而且老虎又批! WONDERFUL!
小醜CHING又係甘我又係, 原來個個都被呢隻野玩死因為超重, 舉一次就怕怕唔想再搞, 但辛苦完又好開心真係好正絕對絕對兩個世界, AV後級真係唔可以偷懶唔買的, 未加後級可以正話係正如CHING甘話聽得5成甘多, 今次想信CHING有排煲碟~~唔駛怕開大聲LEXICON唔會拆聲的. GO GO GO