執到物帶累身家

buzz1229 · 發表於 2009-9-20 20:57

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 buzz1229 於 2009-9-20 21:03 編輯

唔知大家有無聽過一句俗語叫「執到物帶累身家」，意思即係話你執到d物件，開初以為有著數，心諗......「正，執到筍野，無死」。不過，原來你執到既野反而令你支出、付出更多，反而蝕左，敗左身家。之前我都唔明箇中意思，依家終於明白晒la......

話說上年搬屋前，有位親戚屋企裝修，將佢之前套用左10年既音響送我。當時，我都係用ps3駁mini hifi係房聽歌、睇戲、打機。當佢問我要唔要時，我心諗無所謂，反正搬屋後睇下有無用，如果無用就再送人。

之後搬左，因部M無數碼輸入，所以擱置左係一邊，無諗著駁。不過，有一日同同事傾完，佢話，玩唔到數碼都可以試下玩兩聲道聽下歌。咁我咪試下，用PS3既紅白線駁部陳年舊M，用對前置聽歌，仲要只係MP3。嘩，點解咁唔同既......

完全同用MINI HIFI聽既係兩回事。之後上網搵資料，原來個親戚俾我既器材，係當年係經典型號，應該要幾皮野：前置係mission座地經典型號m753，made in england；中置、後置係made in USA既JBL(唔知型號)。而部M亦係經典天龍AMP(唔記得型號)。

之後不斷睇資料，開始中毒(其中所中既當然唔少來自POST76放既)。咁橋，當時初出ONKYO607，我試左幾次機後就買左部607，駁上PS3同MISSION、JBL睇戲，唔洗講，大家都知有咩發生..........

之後再換AQ HDMI、BELDEN RCA訊號線、Ortofon 3900 Silver團購電源線、威力登SUB仔、B仔拖板、若干CD、BLU-RAY、PIONNER 51FD BDP......

依D咪係名副其實既「執到物帶累身家」

P.S. 補充一句：唔好睇小D舊野，個對MISSION真係好正，睇來短時間內都唔洗換前置......哈哈