葉世榮-個人檔案

245141525

姓名 : 葉世榮
英文名 : Wing Yip
星座：獅子座
身高 : 5呎7吋
體重 : 135磅
血型 : O
出生日期 : 19-08-1963
樂隊位置 : 鼓手,和音
教肓程度 : 中六
嗜好 : 釣魚
喜愛食物 : 蟹
喜愛樂手：Steve Smith、Dave Weckl、Chick Corea、Pink Floyd、David Bowie、Prodigy
第一張購買的唱片：Charihg Carpio
喜歡的書：古典文學
喜愛顏色 : 任何色,除了啡色
喜愛動物 : 狗,魚,雀鳥,兔
喜愛季節 : 冬

葉世榮中學時期愛上咗打鼓,重同埋兩個同學夾樂隊.預科畢業之後考唔到大學,唯有出嚟做保險經紀.後來樂隊解散,經琴行老闆介紹之後識得黃家駒,重同兩位朋友鄧煒謙(又叫鄔林,英文名William)同埋李榮潮一齊夾樂隊,呢個就係BEYOND嘅雛型.1983年BEYOND正式組成,經過幾次成員變動,期間低音結他手黃家強,同埋主音結他手黃貫中先後加入,開咗「永遠等待音樂會」同埋出咗盒帶《再見理想》之後,終於有經理人睇得起佢哋而入咗樂壇.經過幾年嘅努力,BEYOND成為香港最舉足輕重嘅樂隊之一.

相比BEYOND其他三個成員,葉世榮性格靜啲,但係錢銀方面佢睇得好緊,所以最初俾其他成員推舉做樂隊嘅會計.為咗樂隊,葉世榮重向屋企人講大話,話要結婚,而呃到屋企人名嘅一個單位裏面其中一間房仔嚟練歌(呢個單位後來成為BEYOND嘅大本營「二樓後座」),可以睇得到世榮都有百厭嘅一面.

最初葉世榮喺樂隊只係專注彈樂器同埋唱和音,好少唱主音,直至到主音歌手黃家駒喺1993年意外過咗身之後,葉世榮先至唱多啲主音,喺國語碟《愛與生活》開始,都有收錄佢寫同埋唱嘅歌.

1999年尾,BEYOND宣佈成員分開發展,葉世榮正式開始自己搵食,同第一代BEYOND結他手鄧煒謙等夾咗隊樂隊,重開始出自己嘅碟.葉世榮呢幾年全力喺中國大陸發展,成績唔錯.2004年佢重喺內地開咗間製作同埋經理人公司「大洋創藝」,積極培養有潛質嘅歌手.而家佢公司旗下歌手同埋樂隊包括陳尚實、寺崗俊作、九紫、Ever等.

2006年3月,葉世榮正式簽咗中國大陸嘅唱片公司「飛樂唱片」,進一步將事業重心轉去中國大陸.

ING

bbb

superfai