痛失"街霸5" XBOX老大為穩軍心 承諾2015年將會有大"驚喜"

Hon

總之....
一日未到話堅出嗰日, 一日都未肯定既, 始終太多前事可鑑...

我會為一隻GAME而出機, 不過唔係SF或者爛鬼羅蘭...HAHA

講真, 今時今日M記似足老任, 將自家出品出到爛晒, 想當年好鍾意同FD ONLINE玩GOW(唔係GOD OF WAR), 但佢不停咁出, 出到好似HALO咁真係頂唔順, 加上ONE都要用埋BLURAY做媒體, 理論上已經衰左一半, 即使日後唔出碟玩DL都好難翻身, 所以依家話自己有獨佔野都無意思.

我成日都覺得SF5只係一刻獨佔啫, 理論上係唔駛咁驚既, 不過SF話晒係老字號GAME, 所以至有咁大既回響.

@肥狗仔@

Hon 發表於 2014-12-20 20:18
總之....
一日未到話堅出嗰日, 一日都未肯定既, 始終太多前事可鑑...

岩啊，所以點解我到哩一刻都未入PS4: "乜有game玩到要入機咁嚴重啊"

利申個人唔係日系粉絲，所以PS4的日式遊戲感覺上冇咩吸引力。但哩家啲日式遊戲同十年前果啲有咩分別其實大家心裡有數。

公平啲講御三家的獨佔遊戲其實都有自己的問題....

任天堂:
創意係佢地的武器，但如果佢地有十個新創意出咗黎，哩啲創意最終都冇變成十款新遊戲，而係集中體現在一兩個朝牌人物身上。結果佢地嘅創意只係面向某部份用戶。不過以第三者角度，任天堂的遊戲性係最有保證的。以之前E3為例，PS4發佈會果款稱得上一嗚驚人的《No Men Sky》演示對比返老任的創意小品《Splatoon》，前者的遊戲性幾乎等於0。

微軟:
金錢係佢地嘅必殺技。但如果佢嘅錢足夠開發十款大作，到最後佢只會整五款交差，然後針對其中一兩款推出一系列的周邊產品包括小說，玩具，電視劇仲有數以億計的廣告去確保該遊戲的銷量及人氣。微軟的第一方獨佔由XBOX 1代開始到360時期其實唔算少，但因為賺唔到錢，最後被打入冷宮。現在XBOX大作五隻手指數得出，HALO, GEARS, FORZA, FABLE...其他全部買返黎的。

SONY:
不缺技術，不缺遊戲，就是缺錢。但冇錢都唔係佢嘅致命傷，PlayStation由PS1開始到PS4，雖然哩家已經將朝點放到社交功能上高，但PS家族骨子裡始終遺傳咗一種"賣弄機能"的DNA。佢每年或者會推出五款遊戲，雖然五款都係整得好好睇睇，但入面著緊超過一半都係得個睇字。第八代機發售一年，PS4的獨佔遊戲固然及唔上WiiU及XONE，但到出年，亦唔見得強大得去邊到，除咗《Bloodborne》之外，其餘什麼Uncharted 4, 1886, Until Dawn，尤其是第三款都係當戲睇的。如果嗰年遊戲豐富，咁有多啲哩類遊戲自然就最好不過，但若果哩堆"互動大片"做咗年度主打，其實成件事係好灰的。

momolee

EVOLVE PS4 無得玩咩{:9_436:} {:9_436:} {:9_436:}

momolee

DVD迷 發表於 2014-12-11 13:40
羅拉唔出ps4未唔玩囉，冇所謂，我當佢冇講過出續集呢一回事
我唔會為一隻game再入部機， ...

封塵  X  2
除非出GOW 先算

@肥狗仔@

momolee 發表於 2015-1-11 21:58
EVOLVE PS4 無得玩咩

你講1樓張圖? 張圖我唔肯定出處，如果係出自官方的，咁好正常。Evolve同XBOX有合作，XONE版的Alpha/Beta早過人，另外冇記錯應該係有獨佔內容。同樣的banner，上年仲加咗Assassin's Creed Unity同Call of Duty Advanced Warfare。哩啲遊戲都係多平台的，就好似Destiny發售前冇出過XONE版廣告一樣。

若果唔係出自官方，亦好正常，事實上微軟從未公佈XONE 2015年的line-up，係玩家睇發售日同傳聞加預期改咗哩張圖，Evolve本身上年出，最後延期而已。獨佔大作黎講，哩家至少只有HALO5同羅拉係confirm了係2015年出... 早果排Phil有講XONE今年的陣容異常強大，有部份作品已被調咗去2016年了。