最簡單的配置，最華麗的聲音 - 我的K3003

甜鬆潤

最簡單的配置，最華麗的聲音

我係玩Head Fi既初期被K3003獨特既聲音迷住，但係購入之後反而非常少用。
最主要既原因係因為我被依個紙醉金迷（無寫錯字，係銀紙個紙）既 Head-Fi 市場迷住，以為越貴越好，跟住就不停咁購入新配置:ZX1, PHA-2, HP V1, AK240, IPC, Chord Hugo. X3, Calyx M, AK120II, 為玩而玩，以為越貴，就會越好，以為試得越多，就越知道自己想要咩。

漸漸遺忘左追求既初衷，就係為左得到所愛。

突然有一日唔再玩，停左大約三個月，咩歌都唔想聽，因為覺得玩到好悶，好煩。

完全因你　重燃希望　無窮黑暗內擦亮了心裡燭光
完全因你　情懷激盪　隨緣竟碰著你令我得到釋放

有一日又突然想聽返歌，但係又唔想咁麻煩，所以就咁拎左隻K3003出街。

就係咁，我就發現，原來我最想要既，一路都收埋左係我個櫃桶裡面。

其實K3003係一隻非常雜食既IEM，有高人朋友同我講話聽CLASSICAL同鋼琴會更上一層樓，但係小弟非常凡俗，雖則非常雜食，但係偏偏無乜點掂CLASSICAL同鋼琴。。。。

我諗大家都應該聽講過K3K3既高音位好正，但係正可以代表d咩呢？靚聲？優美？華麗？
我認為以上佳是，但係本人都認為不足以型容K3K3既高音。
我會加多一個型容詞 - 迷醉。
K3K3嘅高頻有一種捉唔到既感覺，亮麗得黎唔會過份，而且不時會有一兩下你完全期待唔到既通透，收尾帶點金屬味既延伸，慢慢將你拉入一個從未踏中既領域，充滿誘惑。

人聲以女聲尤為吸引，隨著不同既音樂，時而活潑，時而迷人，時而優美，令人情不自禁，但又覺得高不可攀，但係，就足以令我願意將我所有能夠聽音樂既時間都奉獻比佢。

男聲不及女聲？唔可以咁講，我完全唔覺男聲既表現較差，但係我係一個非常正常既男人，所以我
認我係完全抵抗唔到女聲既魅力既。

有好多時耳機高音位靚，低音位就會相對差左，某程度上黎講，K3K3對某d人黎講低音位係較差，而其實本人我亦都係比較喜歡IE800（IE800係小弟最愛既耳機之一）既低音表現。

但係我認為，只係兩者表達既方式唔同，K3K3一樣擁有非常優秀既低音表現。
低音，其實唔一定要打心口，靚既低音應該係爆發到完結都可以比到聆聽者一個完整既過程，而K3K3除左能夠表現到依樣野之外，亦能夠係我心裡面不段擴散，未至於令我震憾，但係卻能令我感動。

音場定位亦有唔錯既表現，未至於闊（我聽過最闊音場既iem無記錯架話應該係flat 4)，但係非常有空間感，唔會覺得侷束，定位我唔適分準唔準，但係唔會亂。

但係的的確確，用IPHONE既時候解式度較差，聲音密度亦不足，不過就如一套電影一樣，3唔3D，4唔4K，有幾多特技都唔係重點，最重要係個導演有無能力表達到劇本既故事。

作為一套日常使用既配置，最最最好既地方，就係K3K3係IPHONE上已經有咁好既表現，根本唔需要帶炸彈又唔洗帶多部機，直接itunes買歌直接聽已經令我好滿足。

我依家，訓覺都聽住。不過就因為依隻K3K3，我可能會買多幾隻金屬製既耳機聽下。




加個耳機夾，可以解決配戴問題。


ps. K3K3依家有分國製同奧製版，大家買之前要睇清楚，小弟用緊奧製，唔知國製會唔會有分別哪。。。。

sw69

回歸基本,本來就是因為喜歡聽歌去聽,
不斷追求後好像為了去追新器材/耳機去聽

windwolf447

寫得好好呀!

Andykong

我認為 EX1000 聲場寬過 Flat 4 Kuro.

loadinglove

''靚既低音應該係爆發到完結都可以比到聆聽者一個完整既過程''

十分同意

jackorh

好久不見，最近好嗎？

goodabc2010

師兄好耐冇見
k3k3的確係一隻高質耳機

斯路

開返甜師兄真係開心，甜師兄出文高質而且風趣，高參考價值之餘亦好有趣味。

K3003係少數耳機有唔錯既音質之餘無過分渲染，唔會因為掛住聽聲而犧牲左聽音樂既樂趣。

但係的的確確，用IPHONE既時候解式度較差，聲音密度亦不足，不過就如一套電影一樣，3唔3D，4唔4K，有幾多特技都唔係重點，最重要係個導演有無能力表達到劇本既故事。

作為一套日常使用既配置，最最最好既地方，就係K3K3係IPHONE上已經有咁好既表現，根本唔需要帶炸彈又唔洗帶多部機，直接itunes買歌直接聽已經令我好滿足。

我都相當認同呢點，而且我覺得K3003同iPhone/iPod有化學作用，或者唔會係超高音質，而且未必justify到K3003個price tag，但聽落既舒服程度數一數二，我當初用K3003都只係用iPod玩。

henryctw

試過隻MIC k仔，前端calyx M同802+MB card, 换過唔同濾嘴，最尾都係顶唔顺D齒音，唯有放棄。

Near

IEM :K3003
Headphone : K812
足矣