《未來叛變》…J J簡評 (含內容)

lkljason · 發表於 2014-11-24 16:46

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 alleelarry 於 2015-1-3 01:35 編輯

近排睇左套關於講未來世界既電影 (其實都唔知係咪未來，不過戲名就話係勒)，要比較接近既情節我第一時間諗起The Island謊島叛變，不過我只能講出三個字，無論劇情、世界觀同演員卡士，真係三個字講晒，無得比！就算影后梅嬸撐大旗都無補於事，加上劇情所限，影后完全零發揮~~~o徒料！

故事係講果個所謂未來地方裡面，所有人衣著，言行全部受到監管同分配，由出生開始既父母到大個後工作都係有中央分配 (好共產呢) ，所以思想上係無七情六慾，而”愛”呢個名詞亦都成為左禁語，男主角因為骨格精奇，被委派選位獨一無二既記憶承繼人，由上一代既記憶承繼人” 傳達” 不為人之既 ”歷史” ，劇情黎到呢度相信後面既發展都略估到一二，故事其實唔錯，你究竟想要和平受管束既地方，定話要自由但有犯罪既地方呢？犯駁位都無謂深究，但導演拍出黎實在出奇的乏味，男主角所謂既危機都結尾帶住個BB仔跑跳滑黎帶過，結尾對穿牆就瓦解晒個獨裁中央，實在兒戲得非常緊要，咁簡單既話，使乜去到男主角呢代至有人反丫！

總結：又一套好似好勁但實際差勁既制作，不看無損失既電影。