終於睇咗INTERSTELLAR 《星際啟示錄》 [無劇透]

hugomember

終於睇咗INTERSTELLAR <星際啟示錄>。

好唔好睇呢? 我真係覺得好MIXED。

我認為： 當今世上， 只有CHRIS NOLAN夠膽寫同拍齣咁樣嘅戲。 亦只有佢， 夠膽不斷去挑戰自己， 挑戰觀眾！

未睇嘅， 我要提醒你， 即使佢對相對論 / 宇宙物理嘅描述相當準確， 呢一齣唔係「純科學片」。 我會定性佢為「科幻片」， 係有「幻」嘅成份。 至於你接唔接受佢嘅「幻」， 仁者見仁， 智者見智。

我唔係話科幻片唔好， 亦唔敢講佢唔合理， 或者挑戰佢嘅科學性， 因為係EVENT HORIZON嘅「保護」下， 真係無人知道入面發生乜事， 所有已知嘅物理理論都可以唔遵守。

但係， 問題係成齣戲嘅故事以及結構都建立於佢喺ENDING嘅解說。 呢種寫法係兵行危著， 相當挑戰觀眾， 亦因為咁， 外界對呢一齣INTERSTELLAR嘅評價會有咁大分歧。

接受到嘅觀眾， 會覺得成齣戲首尾呼應， 結構嚴謹。 觀眾甚至會拍案叫絕，覺得佢係繼<2001太空漫遊>後嘅新太空科幻經典。
接受唔到嘅觀眾， 難免認為呢啲係PLOT HOLE。 而當成個故事都建基於觀眾最終接受唔到嘅PLOT HOLE上， 觀眾點會投入， 點識欣賞?

講到呢到， 我要岔開少少， 我諗返起NOLAN另一部作品 PRESTIGE <死亡魔法>。 故事講述兩個魔術師偏執地用盡辦法偷窺對方嘅魔術奧秘。 劇情相當緊湊， 亦細膩刻劃兩個主角嘅偏執、迷戀。 但係，故事最後要用一部「機關」去解釋主角嘅魔術， 我真係忍唔住從心底講咗句： 吓!!!
註: PRESTIGE係改編自小說嘅， 我唔清楚齣戲有幾忠於原著； INTERSTELLAR嘅戲本卻係NOLAN兩兄弟合寫嘅。

INTERSTELLAR嘅PLOT的確令我有啲難接受。 不過，有彈亦有讚， 我幾喜歡今次INTERSTELLAR嘅人物性格: 以往嘅MEMENTO， INSOMNIA， PRESTIGE 以及INCEPTION嘅主角嘅性格都好悲觀灰暗， 佢地嘅行為背後往往基於偏執(obsession)、 罪孽(guilt)、甚至仇恨(hatred) (DARK KNIGHT唔計， 因為DC COMICS早已設定好BATMAN嘅背景、 性格)。 今次INTERSTELLAR主角嘅性格卻係積極正面， 懷有對美好生活嘅盼望。 主角所表現嘅父愛， 遠遠濃烈而實在過INCEPTION主角渴望可以返去自己仔女身邊。

到最後， 我真係好期望CHRIS嘅新PROJECT。 失憶、 失眠、 魔術、 發夢都俾佢拍過啦； 依家連太空、 蟲洞、 時空交錯穿梭都拍埋。 CHRIS， 你仲會點挑戰自己， 挑戰觀眾呢?!

gashapon

我仲搵緊機會去睇多次. 不過由於套電影差不多3小時長, 所以要搵個時間去睇, 睇完又唔會太夜都有d難度~ XD

我自己就對所謂的plot hole唔會太花時間去鑽研. 因為基本上電影都係一個比大家幻想的地方~
即係咁, gravity成套戲都好緊張, 女主角飛來飛去最終成功返回地面. 但電影一出就有人話:" 穿梭機, 太空站, 天宮佢地係唔同高度, 女主角無可能可以由一個地方去第2個地方喎?" 但係咁唔通成套電影去到30分鐘, 男女主角就因為無晒氧氣而死, 之後出字幕完咩?? XD

唔通睇iron man又話點解套裝甲咁勁咩? XD

始終某d地方係要加入"原創"的科技來令到電影更加有電影感/娛樂性. 我基本上睇戲都唔會考慮太多, 純粹享受套戲, 當有人講故事咁啦~

ps: 死亡魔法係我一套好喜歡的電影, 我開頭唔知係Nolan拍的, 只因為睇完batman見Bale幾型, 多o左留意佢, 買返佢d碟來睇, 又覺得好好睇, 最後先發現原來係nolan拍的~ (我果時連Equilibrium都有買回來睇~ XD)

kh22

我只係當一部劇情片來看,導演只是把他慣用的方程式放在吾同的環境和空間來拍.

lamwaikit007

http://hk.apple.nextmedia.com/entertainment/art/20141113/18932908

《星際啟示錄》解謎18問

由導演基斯杜化路倫（Christopher Nolan）執導的科幻新作《星際啟示錄》（Interstellar），一定是本周最熱論的話題，大家討論的焦點不是「你看了沒有？」而是「你看懂了幾多？」除一段跨越時空的父女情令人動容，伴隨着卻是一堆似懂非懂的天文學概念，本報特別為讀者淺談戲中的天文物理現象學做解碼，希望更多觀眾能坐上路倫這艘艱澀的太空船，感受這次難忘的世紀超時空旅程。

撰文：盧葦

1.問：地球究竟發生甚麼事，為何不能住人？
答：因為沙塵暴的關係，而且植物病開始蔓延，地球慢慢只能種植粟米。食物變了人類生存的最大難題，就連原本是飛航員的馬修麥康納希（Matthew McConaughey）都因糧食不足而要當農夫。

2.問：地球上還有動物嗎？
答：依路倫建構的世界觀中，動物似乎亦已消失，食物鏈應該完全破壞，只餘下植物，不見有其他生物，天上沒飛鳥，地上沒寵物，昆蟲也不存在。

3.問：電影提議用了甚麼方法拯救地球？
答：米高堅（Michael Caine）扮演的博士提議了兩個方法，A計劃是讓馬修等穿過蟲洞前往三個星球，找尋能讓地球人類能移居的地方，他自己則專注解開重力方程式；B計劃是由馬修將人類受精胚胎送往適合人類居住的星球繁洐。

蟲洞黑洞易混淆
4.問：蟲洞與黑洞有何區別？
答：蟲洞與黑洞經常被混淆，蟲洞是宇宙中連接兩個不同時空的隧道，可以做瞬間的時空轉移，馬修等人於片初便於土星附近的蟲洞穿到另一個星系。相對起球形的蟲洞，黑洞形狀不明，由於黑洞把光速都吸過去，所以外層很光亮，內層則是無色彩。馬修最後在時空中深入探索的地方，就是黑洞。

5.問：永續號為何要在不停旋轉？
答：提供重力，使人類於太空中可以腳踏實地。

6.問：為甚麼到達首個全是水的星球，時間會過得比地球較慢？
答：因為重力，主角穿越蟲洞後登陸首個星球非常接近黑洞，因為能連光都能吸走的黑洞重力巨大緣故，所以連時間都過得非常緩慢，於星球上1個小時，便等於地球上的7年。因此首批太空人成功降落星球並死於海潚中，用地球時間來算是10多年前的事，但以時間緩慢的星球時間計算，才過了幾分鐘。於是主角一來一回星球幾小時，以地球時間計算便過了27年。

7.問：米高堅於戲中經常念的是甚麼詩句？
答：是著名威爾斯詩人Dylan Thomas的詩句，Dylan當時用來激勵跟死神搏鬥的父親，此處被路倫借來鞭策主角拯救人類延續物種的求生鬥志，對劇情絕對有推進作用。

8.問：戲中那些人講了大話？
答：米高堅跟大家堅稱進行的是A計劃，但由始至終打算放棄地球上所有人，實行不讓馬修回地球的B計劃。麥迪文則發送假訊息告訴人們他所處的星球可以住人。馬修是唯一信守承諾答應女兒回到地球的人。

9.問：麥迪文（Matt Damon）的角色為何要殺死馬修等人？
答：麥迪文為了令自己順利逃走，使計不斷發訊息堅稱自己的星球適合居住，他接受不到被知道任務失敗，所以想殺死大家，坐上太空船離開。

10.問：馬修為何駛進黑洞之中？
答：既然已回不了地球，馬修為得到從沒有人知道的量子力學數據，決定到黑洞探過究竟，卻意外跌進五維空間。

11.問：到底五維空間是甚麼地方？
答：五維空間已離開我們熟知的三次元立體，時間在這個空間中並非線性，可以任意變換。電影中以一個沒有盡頭的超級立方體呈現五維空間，馬修便於不同時間點用不同重力方式，包括推跌書本及調校手錶上的指針，將在黑洞內取得的資料交給女兒。

12.問：有比人類更高層次的生物出現於戲中嗎？
答：電影沒有提供實則答案。馬修形容開啟五維空間的是未來的人類，亦有人指這根本是外星人和神，也有不少人認為是未來的馬修自己開啟了五次元，讓於五次元中的他用重力跟三次元中的自己及女兒溝通，從而拯救人類。

13.問：馬修如何在時空穿梭中碰到安妮夏菲維（Anne Hathaway）？
答：馬修於黑洞中抵達了黑洞邊緣的穹界（Event Horizon），時空的拉闊接近無限，最終被拉慢得接近停頓，馬修可說是在時空的裂縫中跟前來的安妮相遇。

14.問：平時表現灰諧的機械人TARS，最後幫了人類甚麼忙？
答：TARS的設計有向《2001太空漫遊》（The2001 Space Odyssey）黑石致敬的成份，路倫將TARS塑造為能協助人類完成任務犧牲自己的機械人。TARS將馬修於黑洞奇點中所得到的量子資料轉成摩斯密碼，透過五維空間發送給地球上的女兒，破解重力謎團，間接拯救了人類。

15.問：安妮夏菲維最終去了甚麼地方？
答：安妮最後確是到了第三個星球，可是她到達後博士男友已過身，安妮除下頭盔一幕代表星球上有氧氣能呼吸，可說她終於找到適合人類繁殖的星球。

16.問：究竟地球最後有沒有滅亡？
答：地球最後應該已成一個枯竭的星球，不過得到重力數據後的謝茜嘉，最後成功協助人類逃出地球，移居至接近土星的Cooper's Station生活。

17.問：為何馬修124歲但沒有老態，但她女兒最終會老死？
答：因為馬修經過時空穿梭、黑洞延緩時間加上五維空間的影響，時間差跟地球上有分別，未如女兒般衰老。

18.問：愛於戲中起了甚麼作用？
答：愛起了科學亦解釋不了穿越時空的作用，基本上是整齣電影的核心。因為馬修對全人類的愛，令他放下女兒進行太空任務，愛亦解釋了為何馬修進入五維空間時，會回到在女兒的房間，而不是其他地方。愛令謝茜嘉修讀物理，讓父親能安全返回地球。謝茜嘉長大後，仍經常穿着疑是父親馬修留下的外套，便是愛最佳的證明。

freestylemen

先唔好講睇唔睇得明，睇完以上全部都攪到一頭霧水了（講笑）
聽說套戲好感人？點都會睇一睇，多謝各大大分享

kc275

freestylemen 發表於 2014-12-11 11:08
先唔好講睇唔睇得明，睇完以上全部都攪到一頭霧水了（講笑）
聽說套戲好感人？點都會睇一睇，多謝各大大分 ...

快Ｄ睇，要去戲院睇，因為就快落畫鳥

kc275

呢套戲我屬於接受果隻