Ultrasone Signature Pro簡單分享

USA2010

相得一幅...因為我懶...

原先想發開箱文既...不過成盒野得一個硬盒...兩條線加隻HP....都係算吧啦....

一般在街會用Iq,在家中則用PRO900聽歌...亦都試聽過ED8&ED12

原先對於"U家聲"既概念...係"高頻刺低頻狠"既感覺....
基本上被我定位為"避之則吉"

但由於想"轉轉口味"就直接將Iq塞入耳了....誰不知又將PRO900戴在頭上....
發覺"U家"耳機有種換湯不換藥的感覺...
例如人聲都是沒有感情可言...音樂依舊同人聲抗衡..節奏感快速等等...

要做對比的話...
ED8會比Signature Pro"淡口"...分析力方面唔會比ED8太差....
人聲密度頗高...比起PRO900好聽得多...
低頻可以用"溫和"黎形容了...
高頻控制得比PRO900好...
音場不大...訊息量多...速度快...相等於不耐聽!!
配戴感不錯...少許焗促...但頭大既朋友可能會出現"夾頭"

整體而言.....Signature Pro算是一隻"較易入口"既U家耳機...
因為如ED8那種偏薄的聲底我還是接受不了...
而PRO900擁有的低頻加遙遠人聲又只會產生''只可遠觀''既念頭...

最後..........在家用的話.........."ED12吧"(有資源的話)

至於近期既ED5就....我自問冇咁既膽量去"見識"

斯路

U家配搭講究，我雖然鐘意Edition 8但未有心力去入對返黎玩。睇黎Sig Pro都幾有意思，但做乜最後忽然講起Edition 12?

USA2010

斯路 發表於 2014-11-11 16:18
U家配搭講究，我雖然鐘意Edition 8但未有心力去入對返黎玩。睇黎Sig Pro都幾有意思，但做乜最後忽然講起Edi ...

因為.......我最喜歡的是ED12
只不過配撘要求一定更高

斯路

師兄會唔會可以分享下點玩? 我認識既朋友玩Ultrasone主要兩類玩法，一類係夾相性較高合味道既前端，好似Rudistor等，一類會係用上較為暗聲既前端將U家風格壓下去，著重控制力。未知師兄覺得點樣較合心意呢?

USA2010

斯路 發表於 2014-11-11 18:58
師兄會唔會可以分享下點玩? 我認識既朋友玩Ultrasone主要兩類玩法，一類係夾相性較高合味道既前端，好似Rud ...

由於我資源有限...可以選擇既唔多
若果以Signature Pro為例我係用DX90直推
其實我目的只有一個...盡量保留特色但又唔可以太過刺激...其實我用DX90都唔係咁好...始終個聲有少少偏薄....但未煲起我都唔想搞住...

前端選擇會盡量中性...幼細...
咁樣我覺得就算Ultrasone耳機分析力好都未必有太大問題..

之後可以再用線黎做一啲微調

斯路

USA2010 發表於 2014-11-11 19:18
由於我資源有限...可以選擇既唔多
若果以signature pro為例我係用DX90直推
其實我目的只有一個...盡量保 ...

近日我都入左部DX90，希望玩落越黎越喜歡。

USA2010

斯路 發表於 2014-11-11 19:43
近日我都入左部DX90，希望玩落越黎越喜歡。

我知斯路兄你係一個資深玩家

但估唔到你會係呢個價位既PLAYER埋手...

斯路

USA2010 發表於 2014-11-11 19:56
我知斯路兄你係一個資深玩家

但估唔到你會係呢個價位既PLAYER埋手...  ...

邊有話資深唔資深架。便攜其實好難講咩野質素，但DX90我覺得唔太差呀。我對於DX_0系外表好有好感，點知DX50實在弱左些少。DX90反之就相當唔錯。

買左返黎聽左30分鐘左右，一直係度插電煲機。用對Ultrasone Tio左一陣覺得都還好。睇下煲完又係一個咩景象。

USA師兄覺得DX90夠力推Sig Pro?

USA2010

斯路 發表於 2014-11-11 20:13
邊有話資深唔資深架。便攜其實好難講咩野質素，但DX90我覺得唔太差呀。我對於DX_0系外表好有好感，點知DX ...

因為見到斯路兄都PO好多心得文幾詳盡下...
DX50我聽完都冇咩衝動...雖然價錢係千多元...

原來你有Tio??!!聲音黎講真係幾鐘意..

但係同iq一樣有個先天既缺憾...就係有mic...
當然iq可以用換線黎彌補..但Tio就唔得.....


但價錢黎講唔係掛耳再加上mic...真係令好多人卻步...

先講講DX90....

DX90推力我覺得推一般入耳都足夠應付...
我買Signature Pro既時候其實係先試左SEM6同Roxanne...
兩隻耳機我都唔鐘意...而呢兩隻都屬於頂級既入耳...但都出現厚聲既問題.....
反而之後試ASG2.5又好順耳....當然好可能耳機本身調音我自己唔喜歡...
不過呢兩隻入耳唔多"一般"會唔會係因為推力唔夠導致就唔知了..因為我冇再深究落去....

至於DX90直推Signature Pro....我只能夠用"收貨"黎形容
因為我試過用家中既HA501聽...聲音係豐富同飽滿過DX90直推(我知唔可以用枱擴同DAP比)
相對之下...DX90出黎既效果係有種"有貨但唔派街"既感覺....
不過基於係DX90只係一部DAP既關係....整體既質素黎講係"收貨"的....

事先聲明...我冇兜過圈黎踩其他耳機...只係純粹好普通既比較

斯路

USA2010 發表於 2014-11-11 20:44
因為見到斯路兄都PO好多心得文幾詳盡下...
DX50我聽完都冇咩衝動...雖然價錢係千多元...

師兄既分享好詳細，真係多謝你。

DX50我唔鐘意係個聲音走向，低頻解像度接近歸零；整體聲音風格老土，高不成低不就，而且非常難夾，要取長補短或者隱惡揚善都唔容易。

Tio我相當喜歡，同我對於Ultrasone既印象重疊；IQ雖然我都幾欣賞，但價錢以及低頻量令我覺得未算非常U家。MIC線我覺得還好，當多對耳機用黎同人Skype啦

至於師兄另外提及既三對耳機，S-EM6我無試過；ASG 2.5以及Roxanne只可以話我唔太合心意，應該唔會係我雷達上出現到。

意想不到DX90都可以推大耳推到一個令人接受到既地步，或者我太睇少iBasso啦 睇黎等我好好煲一個星期機之後，慢慢試下夾咩入耳式以及小耳機會有好效果先。

呀，不過我記得有另一位師兄朋友都係用便攜機器材推Sig Pro，佢甚至當隨身耳機咁用。或者Sig Pro真係相當平易近人