V-MODA 耳機

jonathonpower

見呢個品牌比較少人討論，所以我開返個POST 講下。

小弟都成日去蒲耳機店。當然各大品牌產品，款式好多啦。

V-MODA 我宜家賣緊果兩款頭戴式耳機我都俾左錢買，M-100 同埋XS 。

好鍾意個聲音同設計，但科林都無乜人講，勁有滄海遺珠既感覺。都唔知係咪因為產品太少定咩。

好似連IN EAR 都無乜咁濟。各位師兄點睇?

t1174

V-MODA 個樣真是賣型仔, 而且外國玩到可以換個 SHIELD, 甚至可以印圖上去, 因此冇聽過真是會估是另一支BEAT. EVEN 拿起試也唔想.

但我家人有一支因此我知道 M100 聲音其實好不錯的, 至少會比BEAT 好. 不過又未至好強, 手機推推也夠音量, 而且全支機也十分SOLID, 其實一般人用好好用.

Andykong

其實我試過幾次推介過100, 要求手機出街推大耳的話我覺得呢隻最正。over ear 計勁細，摺得，有型仔立體軟盒，極易推，靚仔多色揀仲可以 customiser, 功能上真係人其得挑剔!

聲音係V型調音，延伸很好但又控制到不，bass head 一定鐘意，但既 bass 其實以二千來計很不錯，唔係 Beat 個底係 mid bass 加個 peak 等你以為好勁個D，係有合理廷伸和速度的。

jonathonpower

t1174 發表於 2014-11-4 16:57
V-MODA 個樣真是賣型仔, 而且外國玩到可以換個 SHIELD, 甚至可以印圖上去, 因此冇聽過真是會估是另一支BEAT ...

同意你講法，V-MODA 機個樣係幾型仔，又可以換SHIELD 之後，再印圖上去。成件事係BELONGING 高左。好多人未聽過V-MODA 既聲音，就覺得佢係同BEATS 耳機同級，所以試都唔試，就話 "佢係FASHION 野，無謂試啦。"

但我覺得其實佢係 "偶像實力派"。

之前睇過D 網，好想分享下。其實除左傳統大牌之外，有D 耳機產品已經造得好好。無謂盲目迷信傳統大牌一定好聲。

最近CNET選出2014 年最佳耳機。咁佢有幾個類別。

最佳藍芽無線耳機: Beats Studio Wireless
最佳NOISE CANCELLING: Bose QuietComfort 25
最佳全尺寸耳機:　Audio-Technica ATH-M50
最佳DJ 耳機: V-Moda Crossfade M-100
最佳BASS 耳機: Sony MDR1R (Black)

如果各位師兄試過以上既耳機，都可以加入討論下。咁個評測網對M-100 既評價係咁既:

好處: 功能豐富，用料異常耐用，隨機附上可線控咪線，並且摺得非常方便。

壞處: 價錢唔算平，如果銀根短缺的消費者，就未必買得起。

聲音取向: 低音部分表現強大而且好暖，聲音表現總體來講得細膩。如果你是耳機發燒友，而且銀根唔太缺的話，M-100 應該是有很大的吸引力。

如果之前有用過M-80 的話，會以為M-100 只是M-80 的大碼版，其實M-100 既吸引之處在於，M-100 的聲音取向非常生動，讓你聽到很多細節，但絕不刺耳或太大聲。

低音係V-MODA 這耳機品牌的強項，低頻向下潛的衝擊力，聽ROCK 類是最好，或者任何低音重的音樂，但同時地，亦不會放棄了聽CLASSICAL 和JAZZ 類音樂時的表現。如果你是耳機發燒友式需要一個異常耐用但對聲音要求很高的DJ ，V-MODA M-100 絕對值得俾錢買。

(因原文有D 長, 所以我寫重點)

設計方面: 耳機用全金屬造，摺合之後，非常細小和方便。如果你是成日四圍去既耳機發燒友，呢個絕對 VALUE ADDED。耳機飾片可更換 (換顏色和整CUSTOM SHIELD)。雖然機身是金屬造，但係非常輕身，重280 GRAM。

耳機用料非常堅固，例如: 可從6 呎高度跌70 次，和將頭帶180 度完全壓平10 次。(應該呢個質量要求未有其他牌子耳機做到)。而且頭帶上的人造皮，還不破損。另外，耳機CUP 綿可更換為加大尺寸，提供更好的消噪效果。

M-100 耳機對佩戴者的頭部壓力算是適中，但作者最初試戴時，覺得有少少壓耳。但輕輕拉鬆頭帶之後，這個問題解決了。作者給M-100 耳機配戴舒適度，是中等評價。

隨機有兩條耳機線。是用上KEVLAR (這物料一般是用於避彈衣上) 物料造。36 吋長的是給手機用的1 BUTTON 連咪線。78 吋長的，是可作SHARE MUSIC 使用。SHARE MUSIC 線，是朋友可以插上他自己的耳機，可一齊同時聽音樂。也可另外配咪線，用來玩ONLINE GAME。耳機線可插在左邊或右邊耳機用。

而其中一面耳機插了耳機線後，另一邊耳機，可插上一個叫 "V-CORK" 既塞 (作用似係防止D 塵入左去個耳機入面)

跟機配件方面，有一個6.3MM 的鍍金插，仲有一個好似骨骼既耳機盒。

耳機聲音表現方面: 如先前所講，低音表現很傑出。動圏是用50 MM ，所以聲音包圍感做得很好。特別係低音向下潛既力度和聲音清淅度。另外，無論你將聲音調到很大或很細聲，動態表現一樣好出眾。

另外，同SENNHEISER 既MOMENTUM 比較，M-100 優勝之處是低頻和人聲方面比較溫暖，但MOMENTUM 在STEREO IMAGING 同人聲清淅度, 高音細節, 比M-100 更佳。但整體來說，M-100 聲音表現比MOMENTUM 更豐富，但MOMENTUM 則清淅度較M-100 好。各有優勢。

之後M-100 跟BEYERDYNAMIC 比較，Custom One Pro 有四段式調校低頻，CUSTOM ONE PRO 在這方面則比M-100 好。

最後，總體來講, M-100 暫時是V-MODA 最好的耳機，聲音在所有類型音樂上也很好，用料方面，亦是很好。
市面上耳機眾多，但暫時未有其他牌子可與M-100 的 特點 + 質量 + 聲音 + 性價比結合起來比較。所以給他一個編輯之選。

chauchin

jonathonpower 發表於 2014-11-6 11:46
同意你講法，V-MODA 機個樣係幾型仔，又可以換SHIELD 之後，再印圖上去。成件事係BELONGING 高左。好多人 ...

請問知唔知M100兩邊插頭是否支援平衡？

t1174

要改機先可以，因為兩邊 plug 是通的，只是方便用家喜好那一邊用線。

粗人敵卡

有無師兄試埋xs

WallerHomie

jonathonpower 發表於 2014-11-6 11:46
同意你講法，V-MODA 機個樣係幾型仔，又可以換SHIELD 之後，再印圖上去。成件事係BELONGING 高左。好多人 ...

最佳BASS 耳機: Sony MDR1R (Black)

竟然話1R係最佳BASS...  咁M100係咩... 真係笑而不語
Cent對耳機既評價真係睇完就算喇...
佢地只係會Review一堆Consumer-grade既主流產品 對Audiophile-grade既耳機根本隻字不提

jonathonpower

chauchin 發表於 2014-11-7 01:11
請問知唔知M100兩邊插頭是否支援平衡？

M-100 兩邊插頭是否支援平衡, 呢個真係要問下官方。

我之前爬文，M-100 個設計兩邊都可以插3.5MM 耳機線，原因是方便用戶音樂播放器 (或手機) 放在邊一面既位置。

如果真係支援平衡就正啦，唔駛改機。淨係換線就攪掂。

始終我覺得搵人/ 或自己改耳機，會有令到原廠調音 "改變" 的風險。

jonathonpower

粗人敵卡 發表於 2014-11-7 08:01
有無師兄試埋xs

XS 我都有, 如果聽人聲及輕音樂類為主，我覺得XS 比M-100 表現更好。

V-MODA 講XS 既調音取向，係由上一代的M-80 (AUDIOPHILE 類) 而來。
個人認為中高頻段聲音更清晰。長時間聽音樂也不容易累。

只是我身邊有朋友，覺得個EAR CUP 細過M-100 ，似係M-100 細佬機。