丹爺返來喇 「一個人的武林 」 看後感

9spl

經過「特殊身份」和「冰封俠」兩套奶野作之後，可能因為食過一兩啖夜粥關係，始終鐘意睇打鬥片和丹爺，今日放假，又抵唔住頸，一早仆起身，貪平走去睇早場，「一個人的武林」，畢業後第一次睇早場，嘩！原來好多人，大部份都係西裝友，在抱住中伏心情之下，原來今次有驚喜喎。今次不用「導火線」式嘅MMA，用回「殺破狼」式打鬥(我硬係覺得打交要企起身)，成套戲差不多由頭打到尾，完全唔駛帶腦入場，故事簡單直接，將古代爭做武林第一故事帶到現代，丹爺，采尼，王寶強由頭帶到尾，其他如䆁延能，樊少皇，喻亢全部變成配角，唔夠3分鐘已被打敗，當中還有一班老牌動作影星和幕後工作人員友情客串，群星拱照，整體來說，我個人就絕對喜歡，它朝出BD都會買返隻重溫，如果喜歡這類電影的人，更加絕對不能錯過。

David_Vincent

一個淫的老臨，正

kc275

大奸角嘅表現會唔會好差?

samson2948

睇完有驚喜, 港產片75分. 早場抵睇

9spl

kc275 發表於 2014-10-31 16:23
大奸角嘅表現會唔會好差?

唔算差，比想像中好。

freestylemen

咁就好了，乃兩鑊後我真係唔想三顧草蘆

粗人敵卡

遲啲可能睇睇

lamwaikit007

明早知醒的話，看第一場。

AST(Gym)

我覺得呢套真係好OK  武打真實,不會太天馬行空  比之前冰封俠好,冰封俠其實唔爛不過就係唔好睇  特殊身份更加唔洗講,公認的超級爛片一套,亦可能係大陸導演關係   另外真的很欣賞"一個人的武林"的武打風格

alleelarry

AST(Gym) 發表於 2014-11-1 00:37
我覺得呢套真係好OK  武打真實,不會太天馬行空  比之前冰封俠好,冰封俠其實唔爛不過就係唔好睇  特殊身份更 ...

見習版主還未睇，但睇TRAILER都覺得就算故事唔太突出，武打也不差，畢竟兩個都係「打」既！

個人對《冰封俠》沒有像大多數人說的差，尤其你在入場前重溫過舊版本的話。