小弟以前係影音雜誌做, 去過好多影音房試野, 包括好多中環果d幾百萬器材高級發燒demo 房, 公司都有套唔錯既器材試機
有以下心得
第一禁忌: 梳化只能夠貼牆擺既客廳, 不如放棄玩多聲道吧!
其實玩兩聲道又好, 多聲道又好, 最緊要係換左層樓先, 空間setting重要過一切, 一搬4-500尺家居環境玩影音, 根本係玩自己, 會好無引, 老實d咁講, 你最多只係聽到有聲出, 因為個廳得返100尺唔夠, 你放咩器材係度都只係一種浪費, 除非你果100尺只係得張2人梳化放係中間, 離後牆有點距離, 仲要夠四正, 四邊係個密室, 得一度門出入, 無走廊, 咁都可以玩下, 否則, 玩head fi 把la, 可能好多師兄睇到呢到會好無引, 不過呢個係事實, 你幾時有見過影音demo 房可以做到同你屋企環境係差唔多而又靚聲? 事實係點你心知肚明
av amp 同兩聲道幾時都係分開玩, 唔好係度發埋d無謂既夢想, 因為先天兩樣野對speaker 擺位既要求就唔一樣, 多聲道係玩包圍感, 玩低音打心口, 希望聽得出粒子彈由邊度飛去邊度, 而家玩埋atmos, 天花多仲要多4隻, 2聲道玩口型, 玩空氣感, 玩數人頭, 數樂器, 多聲道d 喇叭係貼牆都可以, 2聲道係要同牆有d距離, 就算你買部lexicon av amp成十幾萬都好, 用黎聽歌唔通你又張對前置喇叭再擺過晒咩, 你當然唔會, 所以我會建議你買兩套平野分開玩, 都好過你買一套貴野想一雞兩味, 講清楚d係amp 同speaker 都要分開2 set, 如果budget有限, 不如淨係玩2聲道, surround 就求其用d有聲既入門野算數, 因為聽歌時如果set 得唔好, 即刻會無心機聽, 但係睇戲其實套戲內容緊要過surround 效果, 就算套器材唔得, 套戲好睇都過到關, 淨係用電視出晒聲畫你屋企個女皇都已經好高興, 睇古仔劉青雲都夠佢出晒水, 理得你咩surround有幾包圍, 佢其實想古仔用手包圍佢多d
所以如果真係想發燒玩surround或2聲道, 不如租工廈黎玩, 又唔洗攪到屋企無晒位, 買條線又要交代或者靜雞雞運入屋, 咁先有機會聽到令人感動既歌聲, 子彈橫飛都無人理你, 當然最理想係努力搵錢換樓, 可以有間獨立既影音房
影音呢樣野同影相, 車一樣係燒銀紙遊戲, 無budget 其實你會玩得好痛苦, 唔係笑你窮, 我自己都玩唔起, 只係事實係真係要洗好多落去先有少少料到, 洗十幾個只係好入門, 可能只係買到部靚少少既DAC, 無budget 不如努力搵多d先玩, 買埋d 2萬拎蚊入門amp  , 不如用2萬拎蚊買個headphone 好過 , 或者儲起佢咩都唔買, 老實講2萬拎蚊d amp 只係比到你有聲音發出而已, 如果你只係想體驗一下surround 係咩一回事, 咁都無不可, 不過我會建議你買跟機果d幾千蚊一套連player 連超低音果d有5隻小喇叭算數, 因為效果唔會相差太遠, 最多只係大細聲唔同, 至少套裝喇叭有樣有款, 放係屋企都幾好睇
你睇下你而家梳化上面放幾隻喇叭都唔知有咩用 , 攪到屋企樣衰衰咁, 又唔係好聲, 張梳化又貼晒牆, 係度以為可以聽到有包圍感, 其實只係係到自濁緊, 你真係聽到有子彈由後面飛去前面嗎? 其實會唔會係左右有點聲而已, 你以為被聲音包圍, 其實只係比喇叭包圍. (以上係一搬家居遇到既問題, 香港9成樓都係咁設計, 無計 )
可能已經有好多師兄鬧緊我咁串, 我明白2萬幾蚊已經係好多日系牌子既旗艦級av amp, 不過你想想, 要一部機推7隻喇叭, 而家atmos仲話要推11隻, 點會夠力水推得好, 去影音房示範果d都係加晒後級黎推, 或者接有源喇叭, 淨係用佢份解碼就ok, 或者衰衰地前面3隻都要接3部mono block, 所以點會有av amp 可以用黎聽歌都ok呢回事, 話可以既人, 其實都係未追求到真正既2聲道發燒玩家, 只係在追求喇叭能夠發出清脆, 高分析力, 夠大聲, 高動態, 有details的聲音而已, 真正既2聲道, 係可以set 到好似有個真人係你面前唱歌一樣, 係好恐怖的, 合埋眼以為個歌手係你面前出現, 咁就為之真正既享受
|
[複製鏈接]
發表於 2014-11-5 09:01
十分認同，其實享受的不只在其成果，其過程也是享受很大部份，小弟有幸家訪過幾位很有心的師兄，其中兩位特別深刻，剛好一位係玩av,另一位玩2ch,深刻處不只是他們所做出來的驚人效果 (剛好兩位師兄的聆聽環境是100-200呎，梳化也是背牆 )，而是他們對自己興趣那份熱情和知識，完全可看到他們在過程的那份快樂和享受。
樓主
